வேலூர், ஆக. 7 –
வேலூர் வடக்கு மாவட்ட தி.மு.க. சார்பில், முத்தமிழறிஞர் கலைஞர் நினைவேந்தல் நிகழ்ச்சி மாவட்டம் முழுவதும் இன்று நடைபெறுகிறது.
இதுகுறித்து மாவட்டக் கழகத்தினருக்கு வேண்டு கோள் விடுத்து மாவட்டப் பொறுப்பாளர் டி.எம்.கதிர் ஆனந்த் எம்.பி.வெளியிட் டுள்ள அறிக்கை வருமாறு:–
வேலூர் வடக்கு மாவட்டதி.மு.க. சார்பில், 01.08.2026 அன்று நடைபெற்ற மாவட்டச் செயற்குழுக் கூட்டத் தில் நிறைவேற்றப்பட்ட தீர்மானத்தின்படி, இன்று(7.8.2026–வெள்ளிக்கிழமை), முத்தமிழறிஞர் தலைவர் கலைஞர் அவர்களின் நினைவு நாளை மாவட்டம் முழுவதும் உணர்வுப்பூர்வ மாகக் கடைப்பிடிக்க வேண்டுகிறோம்.
காலத்தால் அழியாத காவியத் தலைவர்!
தமிழினத்தின் தன்மானத்தைக் காத்த போராளி!
ஏழை, எளிய மக்களின்
வாழ்வில் ஒளியேற்றிய சமூகநீதிச் சூரியன்!
நம் உயிரிலும் உணர்விலும் என்றும் வாழும் முத்தமிழறிஞர் கலைஞர்!
அவர் நம்மை உடலால் பிரிந்திருக்கலாம்; ஆனால், அவர் விதைத்த சமூகநீதி, சுயமரியாதை, சமத்துவம் மற்றும் தமிழின உரிமை என்னும் இலட்சியங்கள் ஒவ்வொரு கழகத் தொண்டரின் இதயத்திலும் அணையாத நெருப்பாக எரிந்து கொண்டிருக்கின்றன.
எனவே, மாவட்டத்திற்குட்பட்ட அனைத்து ஒன்றிய, பகுதி, பேரூர், வட்டம் மற்றும் கிளைக் கழகங்களும், தங்களது பகுதிகளில் தலைவர் கலைஞர் அவர்களின் திருவுருவப் படத்திற்கு மலர்மாலை அணிவித்து, மலர்தூவி, அவரது தியாகங்களையும் சாதனைகளையும்நன்றியுடன் நினைவுகூர்ந்து வீரவணக் கம் செலுத்தும் நிகழ்ச்சியை எழுச்சியுடனும் உணர்வுப்பூர்வமாகவும் நடத்திட வேண்டும்.
இந்நிகழ்வுகளில் மாநில, மாவட்ட, ஒன்றிய, பகுதி, பேரூர், வட்டம் மற்றும் கிளைக் கழக நிர்வாகிகள், கழக முன்னோடிகள், உள்ளாட்சி அமைப்புகளின் பிரதிநிதிகள், சார்பு அணி களின் நிர்வாகிகள் மற்றும் கழகத் தோழர்கள் அனை வரும் பெருந்திரளாகக் கலந்துகொள்ளவேண்டு கிறேன்.
நம் தலைவரின்நினைவைப் போற்றுவது ஒரு நாள் நிகழ்ச்சி மட்டுமல்ல;
அவர் காட்டிய வழியில் தொடர்ந்து பயணிப்போம் என்று எடுத்துக்கொள்ளும் இலட்சிய உறுதிமொழியாகும்!
“கலைஞர் வாழ்ந்தார் தமிழுக்காக!
நாம் வாழ்வோம் கலைஞரின் இலட்சியங்களுக்காக!”
அனைவரும் தவறாது கலந்துகொண்டு,
நினைவேந்தல்
நிகழ்ச்சியைச் சிறப்பிக்கு மாறு அன்புடனும் உரிமையுடனும் கேட்டுக்கொள்கிறேன்.
இவ்வாறு அவர் அறிக்கையில் குறிப்பிட்டுள் ளார்.