சென்னை,ஆக.8–
பரந்தூரில் புதிய விமான நிலையத் திட்டத்தை தொடர்வது, அல்லது திரும்பப்பெறுவது தொடர்பாக தமிழ்நாடு அரசு, ஒன்றிய அரசுக்குஏதேனும் கடிதம் அனுப்பியுள்ளதா? என்றும் இத்திட்டம் குறித்து தமிழ்நாடு அரசுக்கு காலக்கெடுவைநிர்ணயிக்க ஒன்றிய அரசு உத்தேசித்துள்ளதா? என்றும் ஒன்றிய விமானப் போக்குவரத்துத் துறை அமைச்சர் கிஞ்சரா புராம் மோகன் அவர்களிடம் கழக நாடாளுமன்றக் குழுத் துணைத்தலைவரும் மத்திய சென்னை நாடாளுமன்ற உறுப்பினருமான தயாநிதி மாறன் பல கேள்விகளை எழுப்பியுள்ளார்.
அதன் விவரங்கள் வருமாறு:-
2026 மே மாதத்திற்குப் பிறகு, பரந்தூரில் முன்மொழியப்
பட்டுள்ள புதிய (Greenfield Airport) விமான நிலையத் திட்டத்தை தொடர்வது, மாற்றியமைப்பது அல்லது திரும்பப்பெறுவது தொடர்பாக தமிழ்நாடு அரசு, ஒன்றிய அரசுக்கு ஏதேனும் தகவல் அல்லது அதிகாரப்பூர்வ கடிதம் அனுப்பியுள்ளதா? அவ்வாறாயின் அதன் விவரங்கள் என்ன?
மேற்கண்ட திட்டம் தொடர்பாக தமிழ்நாடு அரசின் தற்போதைய கொள்கை நிலைப்பாடு குறித்து ஒன்றிய அரசு ஏதேனும் விளக்கம் கோரியிருந்தால், அதன் விவரங்கள் என்ன?
இத்திட்டம் தொடர்பாக நீடித்து வரும் நிச்சயமற்ற தன்மை, மேற்கு சென்னை பகுதியில் விமானப் போக்குவரத்துதிட்டமிடல்,உள்கட்டமைப்பு மேம்பாடு, முதலீடுகள் மற்றும் உள்ளூர் பொருளாதாரம் ஆகியவற்றில் பாதிப்பை ஏற்படுத்தியுள்ளதா? ஏற்படுத்தியிருந்தால், அதன் விவரங்கள் என்ன?
இத்திட்டம் குறித்த தனது இறுதிமுடிவைத் தெரிவிப்பதற்குத் தமிழ்நாடு அரசுக்கு ஏதேனும்காலக்கெடுவை நிர்ணயிக்க ஒன்றிய அரசு உத்தேசித்துள்ளதா? அவ்வாறெனில், அதன் விவரங்கள் என்ன?
கொள்கை சார்ந்த நீண்டகால நிச்சயமற்ற தன்மையால் குடியி ருப்பாளர்கள், முதலீட்டாளர்கள் மற்றும் உள்கட்டமைப்புத் திட்டமிடல் ஆகியவை பாதிக்கப்படாமல், சென்னையின் எதிர்கால விமான நிலையத் திறன் தேவைகள் பூர்த்தி செய்யப்படுவதை உறுதி செய்ய எடுக்கப்படும் நட
வடிக்கைகள் என்ன?
இதற்கு பதில் அளித்த ஒன்றிய விமானப் போக்குவரத்துத் துறைஅமைச்சகம், பரந்தூரில் முன் மொழியப்பட்டுள்ள புதிய விமான நிலையத்திட்டத்தை மாற்றியமைப்பது அல்லது திரும்பப் பெறுவதுதொடர்பாக தமிழ்நாடு அரசிடமிருந்து எந்தவித தகவலோ, கடிதமோ பெறப்படவில்லை என்று தெரிவித்துள்ளது. விஜய் தலைமையிலான த.வெ.க அரசு தனது தேர்தல் வாக்குறுதிகளில் பரந்தூரில் முன்மொழியப்பட்டுள்ளபுதிய விமான நிலையத் திட்டத்தை அனுமதிக்கமாட்டோம் என்று கூறிய நிலையில், அவ்வாறு எந்த நடவடிக்கையும் எடுக்கவில்லை என்பது ஆச்சர்யம் அளிக்கிறது!
இவ்வாறு இதில் தெரிவிக்கப்பட்டுள்ளது.