கூட்ட வேண்­டும் என்று, தொடர்ந்து வலி­யு­றுத்தி கேட்­டுக்­கொண்டு வரு­கி­றோம். திரா­விட முன்­னேற்­றக் கழ­கம் மட்­டு­மல்ல, தமிழ்­நாட்­டில் இருக்­கின்ற அனைத்­துக் கட்­சி­க­ளும், அனைத்­துக் கட்­சிக் கூட்­டத்­தைக் கூட்ட வேண்­டும் என்று வலி­யு­றுத்தி வரு­கி­றார்­கள். ஏன் கேட்­டுக்­கொள்­கி­றோம் என்­றால், கர்­நா­டகா முத­ல­மைச்­ச­ரும் அந்த அர­சும் மேக­தாது விஷ­யத்­தில், மிக­வும் வேக­மா­கச் செயல்­பட்டு வரு­கி­றார்­கள் என்­ப­தால்.

கர்­நா­டக முத­ல­மைச்­சர் வேகம்!

ஜூன் 11-ஆம் தேதி, ஒன்­றிய நிதி­ய­மைச்­சர் திரு­மதி. நிர்­மலா சீதா­ரா­மன் அவர்­களை, கர்­நா­டக முத­ல­மைச்­சர் நேரில் பார்த்து மேக­தாது அணை கட்­டு­வ­தற்கு நிதி­யு­தவி வேண்­டும் என்று கோரிக்கை வைத்­தி­ருக்­கி­றார். ஜூன் 12-ஆம் தேதி ஒன்­றிய ஜல்­சக்தி துறை அமைச்­சர் திரு.சி.ஆர்.பாட்­டீல் அவர்­களை நேரில் பார்த்து, மேக­தாது திட்­டத்­துக்கு நீங்­கள் ஒப்­பு­தல் அளிக்க வேண்­டும் என்று கோரிக்கை வைத்­துள்­ளார்.

ஜூலை 27-ஆம் தேதி அன்று நாடா­ளு­மன்­றத்­தில், ஒன்­றிய ஜல்­சக்தி துறை இணை அமைச்­சர் மேக­தா­து­வில் அணை கட்ட தமிழ்­நாடு, புதுச்­சேரி மாதி­ரி­யான கீழ்­ப­டுகை மாநி­லங்­கள், அதா­வது `லோயர் லிபே­ரி­யன் ஸ்டேட்ஸ்’ - அவற்­றின் அனு­மதி தேவை­யில்லை என்று கூறி­யி­ருக்­கி­றார்.

அதே நாள் ஜூலை 27-ஆம் தேதி, டெல்­லி­யில் கர்­நா­ட­கா­வைச் சேர்ந்த அனைத்­துக் கட்சி எம்.பி.-க்கள் கூட்­டத்தை, கர்­நா­டக முத­ல­மைச்­சர் அவர்­கள் நடத்­தி­யி­ருக்­கி­றார். கர்­நா­டகா அமைச்­சர் ராம­லிங்கா ரெட்டி, கர்­நா­டக அர­சின் டெல்லி பிர­தி­நிதி, கர்­நா­டக அர­சின் தலைமை வழக்­க­றி­ஞர், மூத்த அதி­கா­ரி­கள் எல்­லோ­ரு­ட­னும் சேர்ந்து, மேக­தாது சம்­பந்­த­மாக அந்த மாநில முத­ல­மைச்­சர் ஆய்­வுக் கூட்­டத்­தை­யும் நடத்தி இருக்­கி­றார்.

எல்­லா­வற்­றுக்­கும் மேல், ஆகஸ்ட் 2-ஆம் தேதி பெங்­க­ளூ­ரில் அனைத்­துக் கட்­சிக் கூட்­டத்­தைக் கூட்­டு­வோம் என்று கர்­நா­டக முத­ல­மைச்­சர் அனைத்­துக் கட்­சி­க­ளுக்­கும் அழைப்­பும் விடுத்­துள்­ளார்.

திரு.சீதா ராமையா, திரு.பச­வ­ராஜ் பொம்மை, திரு.எடி­யூ­ரப்பா, திரு.குமா­ர­சாமி, திரு.வீரப்ப மொய்லி என ஐந்து முன்­னாள் முத­ல­மைச்­சர்­கள் உட்­பட அந்த முக்­கி­ய­மான கூட்­டத்­தில், முக்­கி­ய­மான தலை­வர்­கள் அனை­வ­ரும் கலந்­து­கொண்­டுள்­ளார்­கள்.

ஒரு மாதத்­தில் பல நட­வ­டிக்­கை­கள்

கர்­நா­டக முத­ல­மைச்­சர் அந்­தக் கூட்­டத்­தில் ஊட­கங்­க­ளைச் சந்­தித்து, தெளி­வாக பேட்­டி­யும் கொடுத்­தி­ருக்­கி­றார். இப்­படி அவர்­கள் ஸ்டெப் பை ஸ்டெப்­பாக ஒரு மாதத்­தில் பல நட­வ­டிக்­கை­க­ளைத் தொடர்ந்து எடுத்து வரு­கி­றார். மாநில நலன் என்று வந்­தால், அவர்­கள் எப்­படி அர­சி­யல் வேறு­பா­டு­கள் எல்­லாம் பார்க்­கா­மல், மாறு­பா­டு­க­ளைக் கடந்து, மறந்து ஓர­ணி­ யில் நிற்­கி­றார்­களோ, அதே­போல நாமும் நம் ஒற்­று­மையை கர்­நா­டக அர­சுக்­கும், ஒன்­றிய அர­சுக்­கும் காட்ட வேண்­டும் என்­ப­தற்­கா­கத்­தான் நாங்­கள் அனைத்­துக் கட்­சிக் கூட்­டத்­தைக் கூட்ட வேண்­டும் என்று எங்­கள் கோரிக்­கை­யைத் தொடர்ந்து வைத்­துள்­ளோம்.

விவ­சா­யி­கள் மேல் அக்­கறை உள்ள ஒரு அரசு, இவற்­றை­யெல்­லாம் கேட்­கா­மல் தானா­கவே செய்ய வேண்­டும். ஏன் அனைத்­துக் கட்­சிக் கூட்­டத்­தைக் கூட்ட மறுக்­கி­றீர்­கள் என்­ப­து­தான், சிம்­பி­ளாக நான் கேட்­கக்­கூ­டிய கேள்வி. நாம் தொடர்ந்து அழுத்­தம் கொடுத்த பிறகு இப்­போது ஜூலை 28-ஆம் தேதி­யன்று, பிர­த­ம­ருக்கு இரண்­டா­வது கடி­தத்தை நம் முத­ல­மைச்­சர் அவர்­கள் எழு­தி­யி­ருக்­கி­றார்.

எங்­கள் தலை­வர் முத­ல­மைச்­ச­ ராக இருந்­த­போது, தமிழ்­நாட்­டின் பிரச்­சி­னை­க­ளுக்­காக கடி­தங்­கள் எழு­து­வதை விமர்­சித்து, இப்­போது இங்கு இருக்­கின்ற முத­ல­மைச்­சர் அவர்­கள் என்­னென்ன பேசி­யி­ருக்­கி­றார் என்­பதை இங்கு ரீவைண்ட் செய்து பார்க்க வேண்­டும்.

இன்­றைக்கு நம் அர­சின் நிலை என்ன?

மாண்­பு­மிகு பேர­வைத் தலை­வர் அவர்­களே, நாங்­கள் கேட்­ப­தெல்­லாம் ஒன்றே ஒன்­று­தான். அனைத்­துக் கட்­சிக் கூட்­டம் கூட்­ட­வேண்­டும் என்று கேட்­டுக்­கொள்­கி­றேன்.

காவி­ரிப் பிரச்­சி­னை­யைத் தீர்ப்­ப­தற்­காக, கர்­நா­டக அரசு தொடர்ந்து அனைத்­துக் கட்­சிக் கூட்­டத்­தைக் கூட்­டிக்­கொண்டு இருக்­கி­றார்­கள். அங்கு இருக்­கின்ற அனை­வ­ரின் கருத்­து­க­ளை­யும் கேட்­கி­றார்­கள். ஏன், தமிழ்­நாடு அரசு அனைத்­துக் கட்­சிக் கூட்­டத்­தைக் கூட்­டு­வ­தைத் தவிர்க்­கின்­றது என்­ப­து­தான் எங்­க­ளின் கேள்வி.

பேர­வைத் தலை­வர் வாயி­லாக இன்­னொன்றை இங்கு தெரி­விக்க விரும்­பு­கி­றேன். இந்த அரசு ஒரு `புது டெக்­னிக்கை’ தொடர்ந்து கடைப்­பி­டித்து வரு­கி­றார்­கள். எதை­யா­வது ஒன்றை செய்­வ­தற்கு முன்பு, அந்­தச் செய்­தியை இவர்­களே அதை கசிய (லீக்) செய்து விடு­கி­றார்­கள். அதற்கு எதிர்ப்பு பல­மாக இருந்­தால், யூ டர்ன் போட்­டு­வி­டு­கி­றார்­கள்.

எந்த முடி­வும் எடுக்­க­வில்லை!

முத­ல­மைச்­சர் அவர்­கள் கர்­நா­டகா செல்­கி­றார் என்று வேளாண் துறை அமைச்­சர் ஒரு பேட்டி கொடுக்­கி­றார். பிறகு, அவரே அதை மறுத்து பேசு­கி­றார். இன்­னும் இரண்டு அமைச்­சர்­கள் அதி­கா­ர­பூர்­வ­மாக எந்த முடி­வும் எடுக்­க­வில்லை என்று சொல்­கி­றார்­கள். 13 பேர் கொண்ட ஒரு குழு செல்­கி­றது என்று மீண்­டும் செய்­தி­க­ளில் பார்த்­தோம். கடை­சி­யில் என்­னா­யிற்று என்­றால், ``தமிழ்­நாடு முத­ல­மைச்­சர் இங்கு வர­வேண்­டாம். நாங்­கள் தண்­ணீர் கொடுப்­ப­தற்கு தயா­ராக இல்லை’’ என்று கர்­நா­டக முத­ல­மைச்­சர் தெரி­விக்­கி­றார்.

அனைத்­துக் கட்­சிக்­ கூட்­டம்!

முத­லில், தமிழ்­நாடு முத­ல­மைச்­சர் கர்­நா­டகா செல்­வ­தாக இருந்­தாரா? அப்­படி இருந்­தால், ஏன் செல்­ல­வில்லை? இப்­பொ­ழுது உங்­கள் நிலை என்ன என்­ப­து­தான், எங்­க­ளின் கேள்வி.

இரண்­டா­வது பிரச்­சினை பயிர்க்­க­டன் பற்றி சொல்ல விரும்­பு­கி­றேன். தேர்­தல் வாக்­கு­று­தி­யில் நீங்­கள் கொடுத்த வாக்­கு­றுதி. பயிர்­க­டன் முழு­மை­யா­கத் தள்­ளு­படி செய்­வோம் என்று சொன்­னீர்­கள். ஆனால், கொடுக்­க­வில்லை. இதற்­கும் சேர்த்­து­தான் விவ­சா­யி­கள் போராட்­டத்­தில் ஈடு­பட்­டுள்­ளார்­கள். தள்­ளு­படி செய்ய கால அவ­கா­சம் வேண்­டு­மென்­றால், எவ்­வ­ளவு காலம் தேவைப்­ப­டும் என்­ப­தைச் சொல்ல வேண்­டும்.

டெல்­டா­வில் உள்ள அனைத்­துத் தரப்பு விவ­சா­யச் சங்­கப் பிர­தி­நி­தி­க­ளை­ யும் சந்­தித்­துப் பேசும்­படி, முத­ல­மைச்­சர் அவர்­கள் ஒரு கூட்­டத்­தைக் கூட்ட வேண்­டும்.

குறு­வை­யில் நஷ்­டத்­தைச் சந்­தித்து இருக்­கின்ற விவ­சா­யி­க­ளுக்கு இந்த அரசு உரிய இழப்­பீடு வழங்க வேண்­டும் என்று கேட்­டுக்­கொள்­கி­றேன்.

எங்­கள் ஆட்­சி­யில் 6.5 லட்­சம்ஹெக்­டர் அள­வுக்கு, குறுவை நெல் சாகு­படி நடந்­தது. ஆனால், இந்த ஆட்­சி­யில் இந்த வரு­டம் வெறும் 1.5 லட்­சம் ஹெக்­டர் அள­வுக்­குத்­தான் குறுவை சாகு­படி நடந்­துள்­ளது.

நீங்­கள் `ஸ்பெஷல் பேக்­கேஜ்’ என்று சொல்லி ரூ.134 கோடி அறி­வித்­தி­ருக்­கி­றீர்­கள். அதை எத்­தனை பேருக்­குக் கொடுத்­தி­ருக்­கி­றீர்­கள் என்­பதை இந்த அவை­யில் தெரி­விக்க வேண்­டும். ஏதா­வது, கணக்­கெ­டுப்பு எடுத்­தி­ருக்­கி­றீர்­களா?

மாண்­பு­மிகு பேர­வைத் தலை­வர் அவர்­களே `ஸ்பெஷல் பேக்­கே­ஜில்’ நீங்­கள் கொடுத்­தது ரூ.134 கோடி. அது அனைத்து அர­சி­லும் கொடுக்­கின்ற ஸ்பெஷல் பேக்­கேஜ்­தான். இப்­போது அவர்­கள், `வறட்சி நிவா­ரண நிதி’ கேட்­கி­றார்­கள். இவை இரண்­டுக்­கும் வித்­தி­யா­சம் தெரிந்­து­கொள்ள வேண்­டும். தின­மும் காலை­யில் பேப்­பர் படித்­தால் மட்­டும் பத்­தாது, அனைத்­துக் கட்­சிக் கூட்­டத்­தைக் கூட்டி, அனைத்து விவ­சா­யி­க­ளை­யும் அழைத்­துக் கலந்து பேசி, அவர்­க­ளின் கோரிக்­கை­கள் என்ன என்று தய­வு­செய்து நீங்­கள் கேட்டு தெரிந்­து­கொள்ள வேண்­டும்.

என்ன பயம், என்ன தயக்­கம்?

மாண்­பு­மிகு பேர­வைத் தலை­வர் அவர்­களே, நான் மீண்­டும் திரும்ப திரும்ப கேட்­ப­து­தான். கர்­நா­ட­கா­வில் அவர்­கள் அனைத்­துக் கட்­சிக் கூட்­டத்­தைக் கூட்டி, அவர்­க­ளின் கோரிக்­கை­களை எல்­லாம் கேட்­டுக்­கொண்டு இருக்­கி­றார்­கள். ஆனால், இந்த த.வெ.க. அரசு அனைத்­துக் கட்­சிக் கூட்­டத்­தைக் கூட்­டு­வ­தற்கு என்ன பயம், என்ன தயக்­கம் என்­ப­தைக் கேட்­டுக்­கொள்ள விரும்­பு­கி­றேன்.

திசை திருப்­பப் பார்க்­கி­றார்!

குறு­வையை பாதித்த நிலை­யில் இன்­றைக்கு சம்­பா­வும் பாதிக்­கப்­ப­டும் நிலை­யில் விவ­சா­யி­க­ளின் தொடர் கோரிக்கை வாயி­லாக, டெல்டா மாவட்­டங்­களை வறட்சி பாதித்த மாவட்­டங்­க­ளாக அறி­விக்­க­வும், அதற்­கான நிவா­ர­ணங்­களை பெற­வும் அவர்­கள் தொடர்ந்து கேட்­டுக்­கொண்டு இருக்­கி­றார்­கள். அதை­யும் இந்த அரசு கவ­னத்­தில் எடுத்­துக் கொண்டு ஆவன செய்ய வேண்­டும் என்று கேட்­டுக்­கொள்­கி­றேன்.

இப்­போது நாம் என்ன விஷ­ய­மாக பேசிக்­கொண்டு இருக்­கி­றோம். பேர­வைத் தலை­வர் அவர்­களே, நீங்­கள் சொன்­ன­தால், உங்­க­ளின் வார்த்­தையை மதித்து, ஒத்­தி­வைப்­புத் தீர்­மா­னம் எதற்கு கொடுத்­தோமோ அதைப்­பற்றி மட்­டும் பேசி­னேன். ஏன் தண்­ணீர் வர­வில்லை. எப்­போது தண்­ணீர் வர­வேண்­டும் என்று கேட்­கி­றேன். பயிர்­க­டன் தள்­ளு­படி எப்­போது செய்­வீர்­கள் என்று கேட்­கி­றேன்.

அதற்கு சம்­பந்­தமே இல்­லா­மல் சட்­டத்­துறை அமைச்­சர் அவர்­கள் திசை திருப்­பப் பார்க்­கி­றார்.

மாண்­பு­மிகு பேர­வைத் தலை­வர் அவர்­களே. தொகுதி மறு­வ­ரை­ய­றை­யைப் பற்றி ஒட்­டு­மொத்த இந்­தி­யா­வுக்­கும் முன்­மா­தி­ரி­யாக முதன்­மு­றை­ யாக பேசி­யது, எங்­கள் திரா­விட முன்­னேற்­றக் கழ­கம், எங்­கள் கழ­கத் தலை­வர் அவர்­கள்­தான்.

சென்ற ஆண்டு தென் மாநி­லங்­க­ளில் இருந்து 5 முத­ல­மைச்­சர்­களை, சென்­னைக்கு வர­வ­ழைத்து ஒரு மிகப்­பெ­ரிய ஆலோ­ச­னைக் கூட்­டத்தை நடத்தி, இந்­தத் தொகுதி மறு­வ­ரை­ய­றையை எதிர்த்து முதன்­மு­றை­ யாக இந்­தி­யா­வி­லேயே குரல் கொடுத்த தலை­வர் எங்­க­ளின் தலை­வர்.

நாளை முத­ல­மைச்­சர் தொகுதி மறு­வ­ரை­யறை பிரச்­சினை பற்றி பேசு­வ­தற்­காக அனைத்து நாடா­ளு­மன்ற உறுப்­பி­னர்­க­ளை­யும் அழைத்­தி­ருக்­கி­றீர்­கள். இதற்­கான சரி­யான முடிவை எங்­க­ளின் தலை­வர், ஆலோ ­சனை செய்து முடிவை எடுப்­பார். இப்­போது நாம் பேசிக்­கொண்டு இருப்­பது நிதி­நி­லைமை, வேளாண்மை பட்­ஜெட்டை பற்றி, அதற்கு எங்­கள் உறுப்­பி­னர்­கள் கேள்வி கேட்­டுக்­கொண்டு இருக்­கி­றார்­கள். முடிந்­தால் அதற்கு பதில் சொல்­லுங்­கள்.

இவ்­வாறு சட்­டப் பேர­வை­யில், எதிர்க்­கட்­சித் தலை­வர் உத­ய­நிதி ஸ்டாலின் உரை ஆற்­றி­னார்.