மறைந்து எட்டுஆண்டுகள் ஆகிவிட்டன
மறக்க முடியவில்லை உங்களை!
எனது திருமணம்
எனது மூன்று மகன்கள் திருமணங்கள்
நடத்தி வைத்து வாழ்த்தினீர்கள்
பல தலைமுறை கண்ட தலைவர் !
தந்தை பெரியார்
பேரறிஞர் அண்ணா
வழியில் திராவிட இயக்கம்
வாழ வளர
எழுத்துப் பணி
அரசியல் பணி
இரண்டையும் இணைத்து 70 ஆண்டுகள்
ஓயாத உழைப்பை அளித்தீர்கள்!
இந்திய தலைவர் யாரும்
செய்யத் துணியாத பணி
செய்து வெற்றி கண்டீர்கள்!
தமிழில் உயிரெழுத்துகள்
மெய் எழுத்துகள் உண்டு !
உங்கள் எழுத்துக்களும்
உயிர் எழுத்துக்களாக உலா வருகின்றன !
உலகம் முழுவதும் தமிழர்கள்
உங்கள் மெய் எழுத்துகளைப்
படித்து, சுவைத்து,
உரையாடிக் கொண்டிருக்கின்றனர்!
உங்களை எப்படி மறக்க முடியும் !
(1988 ஆம் ஆண்டில் எடுக்கப்பட்ட படம் – மகன்கள் –
மருத்துவர் முத்தழகன், மருத்துவர் எழிலன், முனைவர் ஜெகன்)