புதுடெல்லி,ஆக.8–
செங்கல்பட்டு அருகே ரூ.900 கோடி செலவில் ஒன்றிய பொதுத்துறை நிறுவனமான ஹெ.எவ்.எல். பயோடெக் நிறுவனத்தால் அமைக்கப்பட்டுள்ள ஒருங்கிணைந்த வேக்சின் தடுப்பூசி மருந்து ஆலை இன்னும் செயல்படத் துவங்கவில்லை என்பது உண்மை தானா? அப்படியென்றால் அதற்கான காரணங்கள் என்ன? ஆலையை இயக்கவும் தடுப்பூசி உற்பத்தியை மேற்கொள்ள ஏதேனும் தனியார் மற்றும் அரசு நிறுவனங்களிடமிருந்து கோரிக்கைகள் வந்துள்ளதா? அப்படியானால் அந்த கோரிக்கைகள் மீது எடுக்கப்பட்ட முடிவு என்ன?
என செங்கல்பட்டு மாவட்டம் திருக்கழுக்குன்றம் அருகே அமைந்துள்ள ஒன்றிய அரசுக்கு சொந்தமான நவீன தடுப்பூசி மருந்துகள் ஆலை கட்டிமுடிக்கப் பட்டு பல ஆண்டுகள் கழிந்தும் இயக்கத்துக்கு வராமல் பயனின்றிக் கிடக்கும் நிலை குறித்த கவலையைத் தெரிவிக்கும் முகத்தான் இந்த கேள்வியை இராவிட முன்னேற்ற கழகத்தின் பொருளாளரும் மக்களவை திமுக குழுத் தலைவருமான டி.ஆர்.பாலு அவர்கள் எழுப்பி இருந்தார்.
இந்நிலையில் ஒன்றிய மக்கள் நல்வாழ்வு மற்றும் குடும்ப நலன் அமைச்சகத்தின் இணை அமைச்சரான திரு. பிரதாப் ராவ் ஜாதவ் அவர்கள் நேற்று(7.8.2026) மக்களவையில் எழுத்து பூர்வமான மிகமிக சுருக்கமான விவரங்கள் இல்லாத ஒரு பதிலை அளித்தார்.
அமைச்சர் பிரதாப்ராவ் ஜாதவ் தனது பதிலில் தெரிவித்த தகவல்கள் வருமாறு:
ஒன்றிய அரசின் ஹெ.பி.எல். எனப்படும் ஹெ.எல்.எல், பயோடெக் லிமிடெட் HLL Biotech Ltd) நிறுவனம் செங்கல்பட்டு, தமிழ்நாடு அருகே ஒருங்கிணைந்த வேக்சின் (தடுப்பூசிகள்) வளாகம் ஒன்றை உருவாக்கிட அனுமதி அளித்திருந்தது. அந்த தடுப்பூசிகள் தயாரிப்பு வளாகத்தை இயக்கிட ஒன்றிய அரசு பல் வேறு முனைப்புக்கள் மூலம் முயற்சிகள் மேற்கொண்டது. 2020-22 கால கட்டத்தில் இந்த முயற்சிகள் மேற்கொள்ளப்பட்டன. அரசு- தனியார் பங்கேற்பு முறையில்
ஆலையை இயக்கி உற்பத்தியை மேற்கொள்ள விருப்பம் தெரிவித்தல், செயலாக்க முன்மொழிவு ஆகியவற்றை அரசுக்கு சமர்ப்பிக்கும் படி வேண்டுதல் விடுக்கப் பட்டது. துவக்கத்தில் ஒருசில தனியார் நிறுவனங்கள் ஆர்வம் காண்பித்தன. ஆனால், இறுதியாக எவரிடமிருந்தும் முன்மொழிவுடன் கூடிய கோரிக்கைகள் வரவில்லை.”
அன்றைய முதல்வர் கோரிக்கையை ஏற்க மறுப்பு.
2021 ஆம் ஆண்டில் தளபதி மு.க.ஸ்டாலின் அவர்கள் முதல்வராக பொறுப்பேற்ற உடனேயே, கொரோனா தடுப்பூசியை தட்டுப்பாடு இல்லாமல் தமழ்நாடு மக்களுக்குக் கிடைத்திடும் நோக்கில் இந்த ஆவையை செயல்பாட்டுக்கு கொண்டு வரவும் உடனடியாக தடுப்பூசி உற்பத்தியைத் தொடங்கி வேண்டும் என்ற வேண்டுகோள்தனை விடுத்தார்.
ஆட்சிப் பொறுப்பேற்ற ஒரு சில நாட்களில் செங்கல்பட்டு அருகே அமைந்துள்ள இந்த ஒருங்கிணைந்த வேக்சின் ஆலை வளாகத்தைப் பார்வையிட்டதுடன், ஆலையே இயக்கும் பொறுப்பை தமிழ்நாடு அரசுக்கு தரவேண்டும் என்ற வேண்டுகோளையும் ஒன்றிய அரசுக்கு வைத்தார்.இது தொடர்பாக ஒன்றிய அரசுக்கு விரிவான முறையான கடிதம் ஒன்றையும் எழுதினார்.
அதனைத் தொடர்ந்து திமுக அரசும் அன்றைய முதல்வர் தளபதி அவர்களும் ஹெ.பி.எல். தடுப்புசி ஆலையை தமிழ்நாடு அரசு ஏற்று நடத்திட பலகட்ட முன்னெடுப்புகளையும்முயற்சிகளையும் மேற்கொண்ட பின்னரும் ஒன்றிய அரசு அதனை ஏற்க வில்லை. இந்நிலையில், சென்ற ஏழு ஆண்டுகளாக இந்த அதிநவீன ஒருங்கிணைந்த தடுப்பூசி ஆலை வளாகம் இயக்கப்படாமல் பயன்பாடின்றிக் கிடக்கிறது என்ற உண்மை அமைச்சரின் பதில் வழியாக தற்போது தெரிய வந்துள்ளது.