சென்னை, ஆக.8–

கலை­ஞர் என்­றும் வாழ்­கி­றார் – தத்­து­வங்­க­ளாய்! வருக அவர் விரும்­பிய சுய­ம­ரி­யா­தைச் சுக வாழ்வு, சமத்­து­வம் என்று ‘மான­மிகு சுய­ம­ரி­யா­தைக்­கா­ரர்’ கலை­ஞ­ரது நினைவு நாள் சிந்­த­னை­யாக திரா­வி­டர் கழ­கத் தலை­வர் கி.வீர­மணி அவர்­கள் அறிக்கை வெளி­யிட்­டுள்­ளார்.

அவ­ரது அறிக்கை வரு­மாறு:

நேற்று (7.8.2026) திரா­விட இயக்­கத்­தின் ‘‘மான­மிகு சுய­ம­ரி­யா ­தைக்­கா­ரன்’’ என்று தன்னை ஒரு வரி விமர்­ச­னத்­திற்­குள் அடக்கி, பதி­ல­ளித்த வித்­த­கர் முத்­த­மி­ழ­றி­ஞர் கலை­ஞர் மறைந்து (2018) 8 ஆண்­டு­கள் ஆகி­விட்­டன.

புத்­தம் புதிய விளைச்­ச­லைத் தரும்

வீரிய விதை­யா­கவே விதைக்­கப்­பட்­டி­ருக்­கி­றார்!

கலை­ஞர் என்ற உடல் வேண்­டு­மா­னால் அண்­ணா­விற்­குப் பக்­கத்­தில் புதைக்­கப்­பட்­டி­ருக்­க­லாமே தவிர, மற்­ற­படி, திரா­விட இன எழுச்சி, பெரி­யார், அண்ணா பாதை­யில் – நித்­தம் நித்­தம் புத்­தம் புதிய விளைச்­ச­லைத் தரும் வீரிய விதை­யா­கவே விதைக்­கப்­பட்­டி­ருக்­கி­றார்!

தனது இறுதி முடிவு எய்­தும் வரை, தந்தை பெரி­யார், அறி­ஞர் அண்ணா போலவே, காலத்தை வென்ற ஈரோட்­டுக் குரு­கு­லத்­தின் தேரோட்­டி­யா­கவே பகுத்­த­றி­வுக் கொள்­கைக்­க­ல­னாய், கலை­யின் கரு­வூ­ல­மாய், லட்­சி­யம், கொள்­கை­க­ளைத் தனது எழுத்து, பேச்சு, ஆளுமை ஆற்­றல்­கள், பரப்­பு­ரைப் பய­ணங்­க­ளால் செம்­மை­யாக்­கி­யத் தனி வர­லாற்­றைப் படைத்த ஒப்­பற்­றத் தனித்­தன்­மை­யா­ளர் கலை­ஞர்!

கலை­ஞர் என்­றும் வாழ்­கி­றார் –

தத்­து­வங்­க­ளாய்!

‘‘பத­விச் செங்­கோல் என்­னி­டம் வந்து போக­லாம்; ஆனால், எனது நாவை­யும், பேனா­வை­யும் என்­னி­ட­மி­ருந்து எவ­ரா­லும் பறிக்க முடி­யாது’’ என்று தனக்கு ஏற்­பட்ட சோத­னை­களை எதிர்­கொண்டு, நெருப்­பாற்­றில் நீந்தி, புது வர­லாற்­றுப் பாடத்தை அடுத்த தலை­மு­றை­க­ளுக்­கும் கற்­றுத்­தந்த ஒரு பல்­க­லைக் கழ­கம் அவர். அவ­ரால் செதுக்­கப்­பட்ட இன்­றைய தி.மு.க. தலை­வர், ‘திரா­விட மாட­லின்’ சமூ­க­நீ­திக்­கான சரித்­திர நாய­கர் மான­மிகு மு.க. ஸ்டாலி­னின் தலைமை, தற்­போது ஏற்­ப­டும் சோத­னை­க­ளை­யும் வென்று, மலை­யென வரும் இன்­னல்­கள், அடக்­கு­மு­றை­கள் பனி­யெ­னக் கரைந்து போகக்­கூ­டிய அமை­தி­யான அணு­கு­மு­றை­யின் செயல்­வ­டி­வம்!

எனவே, கலை­ஞர் என்­றும் வாழ்­கி­றார் – தத்­து­வங்­க­ளாய்!

வாழ்க கலை­ஞர்!

வருக அவர் விரும்­பிய சுய­ம­ரி­யா­தைச் சுக வாழ்வு, சமத்­து­வம்!

இவ்­வாறு திரா­வி­டர் கழ­கத் தலை­வர் கி.வீர­மணி தமது அறிக்­கை­யில் குறிப்­பிட்­டுள்­ளார்.

முத்தமிழ் அறிஞர் கலைஞர் அவர்களின் 8 ஆண்டு நினைவு நாளை முன்னிட்டு சென்னை வடகிழக்கு மாவட்டம் மாதவரம் தெற்கு பகுதி 30 அ வட்டத்தின் சார்பில் விநாயகபுரம் திருவள்ளுவர் சிலை அருகில் கலைஞரின் திருவுருவப்படத்திற்கு மாலையிட்டு மலர் தூவி அஞ்சலி செலுத்தப்பட்டது. இதில் அவைத் தலைவர் இ.ராமன், வட்ட செயலாளர் டி.சுந்தரம், சக்கரபாணி, பரமேஸ்வரி, கே.நரேந்திரன், எம்.சீனிவாசன், எஸ்.என். ராஜு, அபிப்ரகுமான், கௌதமன், பி.எஸ்.என்.எல். குமார், எஸ்பி கண்ணன், ஏ.வி.முருகன், கவி பிரியா, தயாளன், உமா மகேஸ்வரி, மோகனப்பிரியா, வெற்றிவேல், விக்னேஷ் மற்றும் பலர் கலந்து கொண்டனர்.