புதுடெல்லி, ஆக. 8 –
டெல்லி நாடாளுமன்ற கூட்ட தொடரில் (06.08.2026) அன்று ஒன்றிய ரயில்வே துறை அமைச்சர் அஸ்வின் வைஷ்ணவ் நேரில் சந்தித்து தென்காசி நாடாளுமன்ற உறுப்பினர் மரு.ராணி ஸ்ரீகுமார் பொதுமக்களின் கோரிக்கைகளை நிறைவேற்றி தர வலியுறுத்தி மனு கொடுத்துள்ளார்.
அந்த மனுவில் அவர் கூறியிருப்பதாவது.
பெங்களூர் முதல் மதுரை வரை செல்லும் கண்டோன்மெண்ட் வந்தே பாரத் இரயிலை (20671/20672) தென்காசி வரை நீட்டிக்க வேண்டி.
தாம்பரம் முதல் மதுரை வரை செல்லும் தேஜஸ் விரைவு இரயிலை (22671/22672) இராஜபாளையம் வரை நீட்டிக்க வேண்டி.
கோயம்புத்தூர் முதல் மதுரை வரை செல்லும் இரயிலை (16721/16722) செங்கோட்டை வரை நீட்டிக்க வேண்டி.
செங்கோட்டை முதல் தாம்பரம் வரை சிலம்பு விரைவு இரயிலை (20681/20682) LHB பெட்டியுடன் தினசரி இயக்க வேண்டி.
கொல்லம் முதல் தாம்பரம் செல்லும் கொல்லம் விரைவு இரயிலில் (16101/16102) மூன்று முன்பதிவற்ற பெட்டிகளை இணைக்க வேண்டி.
தென்காசி முதல் தாம்பரம் வரை விரைவில் புதிய வந்தே பாரத் இரயில் சேவையை தொடங்க வேண்டி.
சங்கரன்கோவில் ரயில் நிலையத்தை அம்ரித் பாரத் ரயில் நிலையத்திட்டத் தின் கீழ் மறுசீரமைப்பு செய்ய வேண்டி.இச்சந்திப்பின்போது, தென்காசி நாடாளுமன்ற தொகுதி ஒரு முக்கியமான சுற்றுலா, கல்வி, வணிக மற்றும் விவசாயம் நிறைந்த பகுதியாக உள்ளதாலும், மேலும் ஏழை எளிய பொதுமக்கள், வணிகர்கள், விவசாய பெருமக்கள் மாணவ மாணவியர்கள் வேலைவாய்ப்பிற்கா வும், மருத்துவம் உள்ளிட பிற அத்தாவசிய தேவைக்காக மதுரை, சென்னை, கோயம்புத்தூர், பெங்களூர் உள்ளிட்ட பிற முக்கிய நகரங்களுக்கு தொடர்ந்து பயணம் மேற்கொள்ள வேண்டிய சூழ்நிலை உள்ளது. ஆகவே மேற்கண்ட கோரிக்கைகளை நிறைவேறும் பட்சத்தில் சுற்றுலா மேம்படுதல், குறைந்த கட்டண போக்குவரத்து வசதியில் பொதுமக்கள் பயன்பெறுதல், மற்றும் வர்த்தக வசதி மேம் படும் இதன்மூலம் இப்பகுதியின் ஒட்டுமொத்த சமூக பொருளாதரம் மேம்படும், ஆகவே மேற்கண்ட கோரிக்கைகளை விரைந்து பரிசீலனை செய்து பொதுமக்கள் பயன்பாட்டிற்கு கொண்டுவர நடவடிக்கை மேற்கொள்ளுமாறு வலியுறுத்தியுள்ளார்.அதற்கு ஒன்றிய அமைச்சர் அவர்களும் கோரிக்கைகளை அனைத்தும் உடனடியாக பரிசீலனை செய்து நடவடிக்கை எடுப்பதாக உறுதி அளித்துள்ளார்.