சென்னை, ஆக. 9 –
“பாரதூரமான விளைவுகளைக் கருத்தில் கொண்டு FCRA திருத்தச் சட்ட முன் வரைவை திரும்பப் பெற வேண்டும்” என்று ஒன்றிய அரசை கழகத் தலைவர் மு.க.ஸ்டாலின் அவர்கள் வலியுறுத்தியுள்ளார்.
வெளிநாட்டுப் பங்களிப்பு ஒழுங்குமுறை (திருத்த) மசோதா 2026,சிறுபான்மையினரின் தொண்டு நிறுவனங்களின் சொத்துகளைப் பறிமுதல் செய்யும் அதிகாரத்தின் மூலம் இந்தியாவில் பல்லாயிரக்கணக்கான மக்கள் நம்பியிருக்கும் நலத்திட்ட உதவிகள் முடக்கப்படக் கூடும் என்ற கடுமையான கவலைகள் எழுந்துள்ளன.
2026 மார்ச் 25 அன்று மக்களவையில் அறிமுகப்படுத்தப்பட்ட ‘‘வெளிநாட்டுப் பங்களிப்பு (ஒழுங்குமுறை) திருத்த மசோதா, 2026’’ என்பது ஒரு வழக்கமான ஒழுங்குமுறை
நடவடிக்கையையும்
தற்போது நடைமுறையில் இருக்கும் வரும் FCRA சட்டமே, உலகில் உள்ள எந்தவொரு ஜனநாயக நாடுகளிலும் இல்லாத வகையில், குடிமைச் சமூகத்தை மிகவும் கடுமையாகக் கட்டுப்படுத்தும் சட்டங்களில் ஒன்றாக ஏற்கனவே இருந்து வருகிறது. 2020-இல் அறிமுகப்படுத்தப்பட்ட திருத்தங் கள் அதில் பல கடுமையான கட்டுப்பாடு களை விதித்திருந்தன.
இந்நிலையில் இச்சட்டம் குறித்து கழகத் தலைவர் மு.க.ஸ்டாலின் அவர்கள் தமது சமூக வலை தளத்தில் பதிவிட்டிருப்பதாவது :–
இந்தியாவின் பல்வேறு மதப் பிரிவுகளைச் சேர்ந்த முக்கிய மதத் தலைவர்கள் இடம்பெற்ற, கழக நாடாளுமன்ற உறுப்பினர்வில்சன் அவர்கள் தலைமையிலானசிறுபான்மையினருக்கான கூட்டு நடவடிக்கைக் குழு மன்றத்தின்
பிரதிநிதிகள், 6.8.2026 அன்று ஒன்றிய உள்துறை அமைச்சரைச் சந்தித்தனர்.
2026 மார்ச் மாதம் மக்களவையில் அறிமுகப்படுத்தப்பட் ‘FCRA திருத்தச் சட்ட முன்வரைவு 2026’-ஐத் திரும்பப் பெறவும், FCRA
சட்டத்தின் பிரிவு 15-ஐ நீக்கவும் அல்லது அதற்கு மாற்றாக,
இச்சட்ட முன்வரைவையும், வெளிநாட்டு நிதிப் பங்களிப்பு (ஒழுங்குமுறை) சட்டம், 2010-ன் செயல்பாடு கள் குறித்த விரிவான ஆய்வையும் நாடாளுமன்றக் கூட்டுக் குழுவின் பரிசீலனைக்கு அனுப்பவும்
உள்துறை அமைச்சரிடம் அவர்கள்
வலியுறுத்தினர்.
முன்மொழியப்பட்டுள்ள இந்தச் சட்ட முன்வரைவின் பாரதூரமான விளைவுகளைக் கருத்தில் கொண்டு, அதன் விதிகளைத் தொடக்கத்திலிருந்தே எதிர்த்து வரும் தி.மு.க., இந்தக் கோரிக்கையை ஆதரிக்கிறது.
சிறுபான்மையினரின் உரிமை களைக் கருத்தில் கொண்டு,மன்றத்தின் கோரிக்கையை ஒன்றியஅரசு பரிசீலித்து, தற்போது நடைபெற்று வரும் நாடாளுமன்ற மழைக்காலக் கூட்டத் தொடரிலேயே உரிய நடவடிக்கைகளை மேற்கொள்ள வேண்டும் எனக் கேட்டுக்கொள்கிறேன்.
இவ்வாறு கழகத் தலைவர் மு.க.ஸ்டாலின் அவர்கள், தமது முகநூலில் பதிவிட்டுள்ளார்.