சென்னை, ஆக.9–

எதிர்க்­கட்­சித் தலை­வர் அவர்­கள் பேசா­த­தைப் பேசி­ய­தாக திரித்து செய்தி வெளி­யிட்ட ‘இந்­தியா டுடே’ தொலைக்­காட்சி மற்­றும் அதன் செய்­தித் தொகுப்­பா­ளர் அ­க்ஷிதா நந்­த­கோ­பால் & ‘NDTV 24x7’ தொலைக்­காட்சி நிறு­வ­னம் மற்­றும் அதன் செய்­தித் தொகுப்­பா­ளர் சிவ அரூர் ஆகி­யோர் மீது 100 கோடி ரூபாய் நஷ்ட ஈடு கேட்டு எதிர்க்­கட்­சித் தலை­வர் உத­ய­நிதி ஸ்டாலின் சார்­பில் வழக்­க­றி­ஞர் நோட்­டீஸ் அனுப்­பப்­பட்­டுள்­ளது. அத்­து­டன் அவ­தூறு பரப்­பி­ய­தற்­காக பகி­ரங்க மன்­னிப்பு கேட்க வேண்­டும் என்­றும், 100 கோடி ரூபாய் நஷ்­ட­ஈடு தொகை விவ­சா­யி­க­ளுக்கு வழங்­கப்­ப­டும் என்­றும் அந்த நோட்­டீ­சில் குறிப்­பி­டப்­ பட்­டுள்­ளது.

இது பற்­றிய விவ­ரம் வரு­மாறு:–

தமிழ்­நாட்­டின் சட்­ட­மன்ற எதிர்க்­கட்­சித் தலை­வ­ரும், தி.மு.க. இளை­ஞ­ரணி செய­லா­ள­ரு­மான உத­ய­நிதி ஸ்டாலின் அவர்­கள் பேசி­ய­தைத் திரித்து அவ­தூ­றாக செய்­தி­க­ளைப் பரப்­பி­ய­தற்­காக ‘இந்­தியா டுடே’ (India Today TV) தொலைக்­காட்சி நிறு­வ­னம் & அதன் மூத்த செய்தி தொகுப்­பா­ளர் அ­க்ஷிதா நந்­த­கோ­பால் மற்­றும் ‘NDTV 24x7’ தொலைக்­காட்சி நிறு­வ­னம் & அதன் செய்­தித் தொகுப்­பா­ளர் சிவ அரூர்ஆகி­யோ­ரி­டம் 100 கோடி ரூபாய் நஷ்ட ஈடு கேட்டு சட்­ட­மன்ற எதிர்க்­கட்­சித் தலை­வர் அவர்­கள் சார்­பில் 06 ஆகஸ்ட் 2026 அன்று வழக்­க­றி­ஞர் நோட்­டீஸ் அனுப்­பப்­பட்­டுள்­ளது.

கடந்த ஆகஸ்ட் 3 மற்­றும் 4 ஆகிய தேதி­க­ளில் ‘இந்­தியா டுடே’ தொலைக்­காட்­சி­யி­லும், அதன் யூடி­யூப் பக்­கத்­தி­லும் ஒளி­ப­ரப்­பப்­பட்ட விவாத நிகழ்ச்­சி­க­ளில், தஞ்­சா­வூ­ரில் நடை­பெற்ற விவ­சா­யி ­க­ளுக்கு ஆத­ர­வான போராட்­டத்­தில் எதிர்க்­கட்­சித் தலை­வர் உத­ய­நிதி ஸ்டாலின் அவர்­கள் ஆற்­றிய உரை­யைத் திரித்து, தவ­றான மற்­றும் அவ­தூ­றான கருத்­து­கள் வெளி­யி­டப்­பட்­டுள்­ளது.

அவர் தனது உரை­யில் எந்­த­வொரு தனி­ந­ப­ரையோ, நடிகை திரி­ஷா­வையோ சுட்­டிக்­காட்­டிப் பேச­வில்லை அப்­படி இருக்­கும் போது பெண்­களை இழி­வு­ப­டுத்­தும் வகை­யில் பேசி­ய­தாக செய்­தித் தொகுப்­பா­ளர் அ­க்ஷிதா நந்­த­கோ­பால் தவ­றான அர்த்­தம் கற்­பித்­துள்­ளார்.

அதே­போல என்.டி.டி.வி. செய்­தித் தொகுப்­பா­ளர் சிவ அரூர், விவ­சா­யி­க­ளுக்கு ஆத­ர­வான போராட்­டக் கூட்­டத்­தில் சிலர் எழுப்­பிய கோஷங்­களை உத­ய­நிதி ஸ்டாலி­னின் அவர்­க­ளின் கருத்­தா­கச் ஜோடித்து, அதை இரட்டை அர்த்த ஆபா­சப் பேச்­சாக தவ­றா­கச் சித்­த­ரித்­துள்­ளார். சிவ அரூர் அவர்­கள் கடந்த பத்­தாண்­டு­க­ளுக்­கும் மேலாக தனது சமூக வலை­த­ளப் பக்­கங்­க­ளில் (X/Twitter) திமுக, திமுக தலை­வர்­கள் மற்­றும் உத­ய­நிதி ஸ்டாலின் அவர்­களின் குடும்­பத்­தி­ன­ருக்கு எதி­ராக அரு­வ­ருப்­பான சொற்­க­ளைப் பயன்­ப­டுத்­தித் தொடர்ச்­சி­யா­கத் தனிப்­பட்ட பகை உணர்வை வெளிப்­ப­டுத்தி வந்­துள்­ளது ஆதா­ரங்­க­ளு­டன் நோட்­டீ­ஸில் சுட்­டிக்­காட்­டப்­பட்­டுள்­ளது.

உத­ய­நிதி ஸ்டாலின் அவர்­கள் எந்த இடத்­தி­லும் நடிகை திரி­ஷா­வின் பெய­ரையோ, முத­ல­மைச்­ச ­ரின் தனிப்­பட்ட வாழ்க்­கை­யைப் பற்­றியோ பேசாத நிலை­யில், NDTV விவாத நிகழ்ச்­சி­யில் அவர்­க­ளது புகைப்­ப­டங்­களை ஒளி­ப­ரப்பி, அவ­தூ­றான கருத்­துக்­களை உத­ய­நிதி ஸ்டாலின் மீது சுமத்­தி ­யுள்­ளது திட்­ட­மிட்ட சதிச் செயல் என அந்த நோட்­டீ­ஸில் தெரி­விக்­கப்­பட்­டுள்­ளது.

மேலும் இந்த சட்­டப்­பூர்வ நோட்­டீஸ் கிடைத்த 48 மணி நேரத்­திற்­குள் இந்­தியா டுடே தொலைக்­காட்சி மற்­றும் ‘NDTV 24x7’ தொலைக்­காட்சி அவர்­க­ளின் அதி­கா­ரப்­பூர்வ சமூக வலை­த­ளப் பக்­கங்­க­ளில் நிபந்­த­னை­ யற்ற பகி­ரங்க மன்­னிப்பு கேட்க வேண்­டும். அவ­தூறு பரப்­பும் வகை­யில் யூடி­யூப் மற்­றும் சமூக வலை­த­ளங்­க­ளில் வெளி­யி­டப்­பட்ட வீடி­யோக்­களை உட­ன­டி­யாக நீக்க வேண்­டும். எதிர்க்­கட்­சித்­த­லை­வர் உத­ய­நிதி ஸ்டாலின் அவர்­க­ளின் நற்­பெ­ய­ருக்­குக் களங்­கம் ஏற்­ப­டுத்­தி­ய­தற்­காக ரூ.100 கோடி நஷ்ட ஈடு வழங்க வேண்­டும். அந்த தொகை­யா­னது காவிரி குறுவை சாகு­ப­டி­யால் பாதிக்­கப்­பட்ட விவ­சா­யி ­க­ளுக்கு முழு­மை­யாக வழங்­கப்­ப­டும் என அந்த வழக்­க­றி­ஞர் நோட்­டீ­ஸில் தெரி­விக்­கப்­பட்­டுள்­ளது.

மேலும் குறிப்­பிட்ட கெடு­வுக்­குள் மேற்­கண்ட கோரிக்­கை­களை நிறை­வேற்­றத் தவ­றி­னால், இந்­தியா டுடே நிறு­வ­னம் மற்­றும் செய்­தித் தொகுப்­பா­ளர் மீதும், ‘NDTV 24x7’ நிறு­வ­னம் மற்­றும் அதன் செய்­தித் தொகுப்­பா­ளர் மீதும் கிரி­மி­னல் சட்ட நட­வ­டிக்கை மேற்­கொள்­ளப்­ப­டும் என எச்­ச­ரிக்­கப்­பட்­டுள்­ளது.