சென்னை, ஆக. 9 –
தமிழ் இனம், மொழிக்காகத் தன் வாழ்நாளையெல்லாம் அர்ப்பணித்த நவீன தமிழ்நாட்டின் சிற்பி – தமிழினத் தலைவர் கலைஞர் அவர்களின் 8ஆம் ஆண்டுநினைவு நாள்ஆக.7! இதனையொட்டி சென்னையில்கழகத் தலைவர் மு.க.ஸ்டாலின் அவர்களின் தலைமையில் மாபெரும் அமைதிப் பேரணி நடைபெற்றது. இதில் கழகத்தினர் பல்லாயிரக்கணக்கானோர் பங்கேற்றனர்.
மேலும் தமிழ்நாடு முழுவதும் தமிழினத் தலைவர் கலைஞர் அவர்களின் திருவுருவச் சிலைகளுக்கும், திருவுருவப் படங்களுக்கும் கழகத்தினர் மாலை அணிவித்து மரியாதை செலுத்தினர்.
தமிழ்நாட்டிற்காக, தமிழ் இனத்திற்காக, தமிழ்மொழிக்காக தன் வாழ்நாள் முழு
வதும் அர்ப்பணித்த பெருமகன் முத்தமிழறி ஞர் கலைஞர் அவர்கள், தமிழ்நாட்டிற்கு
செய்திட்ட திட்டங்கள் ஒன்றா, இரண்டா பட்டியலிட? அவர் தீட்டிய ஒவ்வொரு திட்டமும் தமிழ்நாட்டின் வளத்தை தமிழ் மக்களின் வாழ் வாதாரத்தை மேம்படுத்தவே என்றால் அது மிகையல்ல.
தமிழ்மொழிக்கு செம்மொழி அங்கீகாரம் கிடைக்கச் செய்து தமிழ்மொழிக்குப் பெருமைச் சேர்த்த திராவிட இயக்கப் பெருந்தலைவர் முத்தமிழறிஞர் கலைஞர் அவர்களின் நினைவு நாள் (ஆக.7)!
கலைஞர் நினைவிடத்தில்
மலரஞ்சலி!
தகைமைசால் தலைவராக, எழுத்தாளராக, கவிஞராக-, சொற்பொழிவாளராக, திரைக்கதை வசனகர்த்தாவாக, இலக்கிய வாதியாக, திரைப்படத் தயாரிப்பாளராக, தலைசிறந்த நிர்வாகியாக, -தமிழ்நாட்டின் ஐந்து முறை முதலமைச்சராக, -உலகத் தமிழர்களின் ஒப்பற்ற தலைவராக விளங்கியவரும், திராவிட இயக்கத்தின் போர்வாள்களில் ஒருவராகத் தமது பொதுவாழ்வைத் தொடங்கி, பின்னர், காஞ்சிதந்த காவியத் தலைவர் அறிஞர் அண்ணாஅவர்களோடுதிராவிட முன்னேற்றக் கழகத்தில் தொடர்ந்துபணியாற்றி, அண்ணா அவர்களின் மறைவுக்குப் பிறகு, திராவிட முன்னேற்றக் கழகத்தின் தலைவராக ஏறத்தாழ 50 ஆண்டுகள் பொறுப்பு வகித்து, அகில இந்திய அரசியலில்சிறந்த வழிகாட்டியாகத் திகழ்ந்து, தமிழ்நாட்டுவரலாற்றில் தமக்கென்று சில பக்கங்களை ஒதுக்கிக்கொண்ட முத்தமிழறிஞர் தமிழினத் தலைவர் கலைஞர் அவர்களின் 8வது நினைவு நாளினையொட்டி கழகத் தலைவர் மு.க.ஸ்டாலின் அவர்கள் தலைமையில் கழகப் பொதுச்செயலாளர் துரைமுருகன், பொருளாளர் டி.ஆர்.பாலுஎம்.பி., முதன்மைச்
செயலாளர், துணைப்பொதுச்செயலாளர்கள் உள்ளிட்ட கழக முன்னணியினர்கலந்துகொண்ட “அமைதிப்பேரணி” நேற்று முன்தினம்(ஆகஸ்ட்-7, வெள்ளிக்கிழமை) காலை 8.00 மணிக்கு சென்னை, அண்ணா சாலை, ஓமந்தூரார் வளாகத்தில் அமைந்துள்ள முத்தமிழறிஞர் கலைஞர் சிலை அருகிலிருந்து புறப்பட்டு, காமராஜர் சாலையில் அமைந்துள்ள கலைஞர் நினைவிடத்தில் மலர்வளையம் வைத்து அஞ்சலி செலுத்தினர்.
கலைஞர் நினைவிடத்தில் அஞ்சலி செலுத்திய பின்னர், கலைஞர் அவர்களின் கோபாலபுரம் இல்லம் - சி.ஐ.டி.காலனி
இல்லம் – அண்ணா அறிவாலயம் ஆகிய
இடங்களில் அலங்கரித்து வைக்கப்பட்டிருந்த
முத்தமிழறிஞர் கலைஞர்அவர்களின் திரு
வுருவப் படங்களுக்கு மலர்தூவி மரியாதை செலுத்தினர்.
அமைதிப்பேரணியில், முன்னாள் அமைச்சர் பெருமக்கள், மாவட்டக் கழகச் செயலாளர்கள்- இந்நாள், முன்னாள் நாடாளு மன்ற, சட்டமன்ற உறுப்பினர்கள், தலைமைக் கழகச் செயலாளர்கள், தலைமைச் செயற்குழு - பொதுக்குழு உறுப்பினர்கள், மாவட்டக் கழக, பகுதிக் கழக, வட்டக் கழக நிர்வாகிகள், மாநகராட்சி மன்ற உறுப்பினர்கள்மற்றும் இளைஞர் அணி, மகளிர் அணி, மாணவர் அணி, உள்ளிட்ட அனைத்து அணியினரும் பங்கேற்று, முத்தமிழறிஞர்கலைஞர் அவர்களின் நினைவைப் போற்றிஅஞ்சலி செலுத்தினர்.
தமிழ்நாடு முழுவதும் உள்ள மாவட்டங்கள் தோறும் கழக முன்னோடி கள் முத்தமிழறிஞர் கலைஞர் அவர்களின் சிலைகளுக்கு மாலை அணிவித்தும்,நினைவுப் பேரணிகள் நடத்தியும் மரியாதைசெலுத்தினர்.
தமிழினத் தலைவர் கலைஞர் அவர்களின் 8ஆம் ஆண்டு நினைவு நாளையொட்டி நேற்று முன்தினம் (7.8.2026), கழகத் தலைவர் மு.க.ஸ்டாலின் அவர்கள் தலைமையில் பல்லாயிரக்கணக்கான கழகத்தினர் அமைதிப் பேரணியாகச் சென்று சென்னை மெரினாவில் உள்ள கலைஞர் நினைவிடத்தில் மலர்தூவி மரியாதை செலுத்தினர். இந்நிகழ்வின்போது, கழக பொதுச் செயலாளர் துரைமுருகன், எதிர்க்கட்சித் தலைவர் உதயநிதி ஸ்டாலின், கழகப் பொருளாளர் டி.ஆர்.பாலு, கழக முதன்மைச் செயலாளர் கே.என்.நேரு, கழக துணைப் பொதுச் செயலாளர்கள் க.பொன்முடி, ஆ.இராசா, கனிமொழி கருணாநிதி, மு.பெ.சாமிநாதன் மற்றும் நாடாளுமன்ற உறுப்பினர்கள், சட்டமன்ற உறுப்பினர்கள், தலைமைக் கழக நிர்வாகிகள், முன்னாள் அமைச்சர்கள், மாவட்டக் கழகச் செயலாளர்கள் கழகத்தினர் என ஆயிரக்கணக்கானோர் கலந்துகொண்டனர்.