கிருஷ்ணகிரி, ஆக. 9–
கிருஷ்ணகிரி கிழக்கு மாவட்ட தி.மு.க. அவசர செயற்குழுக் கூட்டம், மாவட்ட அவைத்தலைவர் நாகராஜ் தலைமையில் நடைபெற்றது. இக்கூட்டத்தில் மாவட்ட துணைச் செயலாளர்கள் கோவிந்தசாமி, சாவித்திரி கடலரசுமூர்த்தி, மாவட்ட பொருளாளர் கதிரவன் ஆகியோர் முன்னிலை வகித்தனர். கிழக்கு மாவட்ட செயலாளர் மதியழகன் கலந்து கொண்டு சிறப்புரையாற்றி கீழ்க்கண்ட தீர்மானங்களை விளக்க உரையாற்றினார்.
கூட்டத்தில் தலைமைச் செயற்குழு உறுப்பினர் கிருபாகரன், பொதுக்குழு உறுப்பினர்கள் நாகராசன், செந்தில் நகர செயலாளர்கள் அஸ்லாம், வேலுமணி, ஒன்றிய செயலாளர்கள் தனசேகரன், மகேந்திரன், சுப்பிரமணி, மகேந்திரன், சரவணன், சாந்தமூர்த்தி, குண.வசந்தரசு, குமரேசன், ரஜினிசெல்வம், இளையராஜா, காந்தி, பேரூர் செயலாளர்கள் பாபு, தம்பிதுரை, வெங்கடப்பன், பார்த்திபன், அணிகளின் அமைப்பாளர்கள் தினேஷ்ராஜன், ஜெயந்திரன், வக்கீல் வெங்கடேஷ் ராஜா, பாரி, பிரியா, புஷ்பா, சாஜித், பாலாஜி,மோகன், காந்தி உள்ளிட்ட ஏராளமான நிர்வாகி கள் கலந்து கொண்டனர்.
இக்கூட்டத்தில் பல்வேறு முக்கிய தீர்மானங்கள் ஒருமனதாக நிறைவேற்றப்பட்டன.
கழக இளைஞரணி செயலாளரும் சட்டமன்ற எதிர்க்கட்சி தலைவருமானஉதயநிதி ஸ்டாலின் மீது நற்பெயருக்குக் களங்கம் ஏற்படுத்தும் வகையில் பொய் வழக்கு பதிவு செய்துள்ள அரசின் நடவடிக்கைக்குக் கடும் கண்டனம் தெரிவிக்கப்பட்டது.
விவசாயிகள் மற்றும் பொதுமக்களின் அடிப்படைத் தேவைகளில் கவனம் செலுத்தாமல், எதிர்க்கட்சிகள் மீது பழிவாங்கும் நடவடிக்கைகளில் மட்டுமே முனைப்பு காட்டும் அரசின் செயல்பாடுகளுக்கு எதிர்ப்பும் பதிவு செய்யப்பட்டது.
கிருஷ்ணகிரி மாவட்டத்தில் தலைவிரித்தாடும் குடிநீர்ப் பிரச்சினையை போர்க்கால அடிப்படையில் முன்னுரிமை அளித்து உடனடியாகத் தீர்க்க வேண்டும் என்றும், தவறினால் மக்களுடன் இணைந்து தி.மு.க. சார்பில் தொடர் போராட்டங்கள் நடத்தப்படும் என்றும் எச்சரிக்கப்பட்டது. அத்துடன் காவிரியிலிருந்து உரிமையான தண்ணீரைப் பெற்று மேட்டூர் அணையைத் திறக்கவும், கர்நாடக அரசு மேகதாதுவில் அணை கட்டுவதைத் தடுத்து நிறுத்தி டெல்டா விவசாயிகளின் வாழ்வாதாரத்தைப் பாதுகாக்கவும் வலியுறுத்தப்பட்டது.
இறுதியாக, திராவிட மாடல் ஆட்சியில் கொண்டுவரப்பட்ட மக்கள் நலத் திட்டங்களின் பெயர்களை மாற்றுவது, திட்டங்களை முடக்குவது, நிதியைக் குறைப்பது போன்ற செயல்களுக்குக் கண்டனம் தெரிவிக்கப்பட்டதுடன், குறிப்பாகத் தற்போதைய நிதிநிலை அறிக்கையில் கல்விக்கான நிதியைக் குறைத்துள்ள தற்கு இக்கூட்டத்தில் கடும் கண்டனம் தெரிவித்து தீர்மானங்கள் நிறைவேற்றப்பட்டன.