புதுடெல்லி, ஆக. 9 –
பின்தங்கிய மற்றும் கிராமப்புற மாவட்டங்களில் நிலவும் டிஜிட்டல் இடைவெளியைப் போக்கும் வகையில்,குறிப்பாக தமிழ்நாட்டின் தருமபுரி மாவட்டத்தில், பிராட்பேண்ட் இணைய இணைப்பு விரிவாக்கம், டிஜிட்டல் உள்கட்டமைப்பு மற்றும் பொதுமக்களை மையமாகக் கொண்ட டிஜிட்டல் சேவைகளை மேம்படுத்துவதற்காக ஒன்றிய அரசு ஏதேனும் சிறப்பு திட்டங்களை செயல்படுத்தியுள்ளதா? அவ்வாறெனில், அதன் விவரங்கள் என்ன?
கடந்த மூன்று ஆண்டுகளில் தருமபுரி மாவட்டத்தில் டிஜிட்டல் இணைப்பு, ஃபைபர் உள்கட்டமைப்பு மற்றும் கிராமப்புற டிஜிட்டல் திட்டங்களுக்காக ஒதுக்கப்பட்ட, விடுவிக்கப் பட்ட மற்றும் பயன்படுத்தப்பட்ட நிதியின் விவரங்கள் என்ன?
தருமபுரி மாவட்டத்தில் டிஜிட்டல் கல்வியறிவை மேம்படுத்துதல், பொது சேவை மையங்களை (CSC) வலுப்படுத்துதல், மின்னணு ஆளுமைச் சேவைகளுக்கான அணுகலை மேம்படுத்துதல் மற்றும் டிஜிட்டல் நிதி உள்ளடக்கத்தை ஊக்குவித்தல் ஆகியவற்றுக்காக ஒன்றிய அரசு ஏதேனும் திட்டங்களை செயல்படுத்தியுள்ளதா? அவ்வாறெனில், அதன் விவரங்கள் என்ன?
தருமபுரி மாவட்டத்தில் அதிவேக இணைய இணைப்பு, கடைசி நிலை (Last-Mile) டிஜிட்டல் உள்கட்டமைப்பு மற்றும் பொதுமக்களின் வீடுக ளுக்கே டிஜிட்டல் அரசு சேவைகளை வழங்கும் முறையை மேம்படுத்துவதற்காக கூடுதல் திட்டங்கள் ஏதேனும் முன்மொழியப் பட்டுள்ளனவா? அவ்வாறெனில், அதன் விவரங்கள் என்ன? என்று மின்னணு மற்றும் தகவல் தொழில்நுட்பத் துறை இணை அமைச்சர் ஜிதின் பிரசாதாவிடம் தருமபுரி எம்.பி.ஆ.மணி கேள்வி எழுப்பியுள்ளார்.
முத்தமிழ் அறிஞர் கலைஞர் அவர்களின் 8ம் ஆண்டு நினைவு தினத்தை முன்னிட்டு, திருவாரூர் கீழவீதி தலைவர் கலைஞர் அவர்களின் இல்லத்தில், அவரது திருவுருவப்படத்திற்கு மலர்மாலை அணிவித்து மரியாதை செலுத்தப்பட்டது. தலைவர் கலைஞர் குடும்பத்திலிருந்து சோமாஸ் கந்தன் , முன்னாள் சட்டமன்ற உறுப்பினர் அ.அசோகன் நகர செயலாளர் வாரை.பிரகாஷ், ஒன்றிய செயலாளர் சேகர்கலியபெருமாள், நகர்மன்ற துணை தலைவர் அகிலா சந்திரசேகர் மற்றும் கழக நிர்வாகிகளும் மரியாதை செலுத்தினர்.