#Title

வெளிநாடுகளில் மருத்துவம் படித்த இந்திய மாணவர்களின் எதிர்காலத்தை கேள்விக்குறியாக்கும் வகையில் எப்.எம்.ஜி.இ. தேர்வு முறை மாற்றத்திற்கு ஒன்றிய அரசு உடனடியாக தலையிட வேண்டும்! சுகாதாரத்துறை அமைச்சர் நட்டாவை நேரில் சந்தித்து – தமிழச்சி தங்கபாண்டியன் எம்.பி. கோரிக்கை!

புதுடெல்லி, ஆக.9-–

வெளிநாடுகளில் மருத்துவம் படித்த இந்திய மாணவர்களின் எதிர்காலத்தை கேள்விக்குறியாக்கும் வகையில் FMGE தேர்வு முறை உள்ளது. இவற்றைத் தடுக்க ஒன்றிய அரசு உடனடியாக தலையிட வேண்டுமென சுகாதாரத் துறை அமைச்சர் நட்டாவை நேரில் சந்தித்து தமிழச்சி தங்கபாண்டியன் எம்.பி. கோரிக்கை விடுத்துள்ளார்.

சென்னை தெற்கு மக்களவைத் தொகுதி உறுப்பினர் தமிழச்சி தங்கபாண்டியன், வெளிநாடுகளில் மருத்துவம் படித்த இந்திய மாணவர்கள் எழுதும் Foreign Medical Graduate Examination (FMGE) தேர்வில் திடீரென செய்யப்பட்ட மாற்றங்கள் குறித்து மத்திய சுகாதாரத் துறை அமைச்சர் ஜெ.பி. நட்டாவுக்கு கடிதம் எழுதியுள்ளார். அந்தக் கடிதத்தை டெல்லியில் ஒன்றிய சுகாதாரத்துறை அமைச்சர் ஜெகத் பிரகாஷ் நட்டாவை நேரில் சந்தித்து வழங்கினார்

அந்த சந்திப்பின் போது, அடிப்படை மருத்துவத் தகுதியை மதிப்பிடும் உரிமத் தேர்வாக இருக்க வேண்டிய FMGE, தற்போது NEET-PG மற்றும் INI-CET போன்ற முதுநிலை நுழைவுத் தேர்வுகளுக்கு இணையான கடினத் தன்மையுடன் நடத்தப்பட்டுள்ளது. இதனால், வெளிநாடுகளில் மருத்துவம் பயின்ற இந்திய மாணவர்கள் கடுமையாக பாதிக்கப்பட்டுள்ளதாக தெரி வித்துள்ளார்.

மேலும், முன்கூட்டிய அறிவிப்பின்றி தேர்வு முறை மாற்றப்பட்டதாகவும், நீளமான Case-based Clinical Questions, X-ray, CT Scan உள்ளிட்ட பட அடிப்படையிலான கேள்விகள் மற்றும்புதிய வினாத்தாள் அமைப்புஅறிமுகப்படுத்தப்பட்டதாகவும் ஒன்றிய அமைச்சரிடம் சுட்டிக்காட்டியுள்ளார். புதுப்பிக்கப்பட்ட பாடத்திட்டம் அல்லது தேர்வு வரைமுறை எதுவும் வெளியிடப்படாத நிலையில் இந்த மாற்றங்கள் செய்யப்பட்டதாகவும் அவர் கூறியுள்ளார்.

சமீபத்திய FMGE தேர்வில் தேர்ச்சி விகிதம் வெறும் 12 சதவீதமாகக் குறைந்துள்ள தாகவும், தேர்வு எழுதிய சுமார் 36,000 பேரில் 32,000 பேர் தோல்வியடைந்துள்ளதாகவும் தமிழச்சி தங்கபாண்டியன் எம்பி குறிப்பிட்டுள்ளார். போட்டித் தேர்வாக இல்லாத உரிமத் தேர்வில்88 சதவீத தோல்வி விகிதம் இருப்பது, தற்போதைய மதிப்பீட்டு முறை அடிப்படையிலேயே தவறானது என்பதை காட்டுவதாக அவர் தெரிவித்துள்ளார்.

அதேபோல், தேர்வுக்கு ₹6,000 முதல் ₹7,000 வரை கட்டணம் வசூலித்தும், அதிகாரப்பூர்வ Answer Key, Response Sheet ஆகியவை வெளியிடப்படவில்லை என்றும், Re-checking அல்லது Re-evaluation செய்யவும் வாய்ப்பு வழங்கப்படவில்லை

எனவே,

(1)அதிகாரப்பூர்வ விடைக்குறிப்பை கட்டாயமாக வெளியிட வேண்டும்,

(2)மாணவர்களின் புகார்களை விசாரிக்க தனித்துவமான Grievance Mechanism அமைக்க வேண்டும்,

(3) தேர்வு முறையில் மாற்றங்கள் செய்யப்படுமானால், குறைந்தது ஒரு வருடத்திற்கு முன்பே அறிவிக்க வேண்டும்,

(4) அதற்கேற்ற மாதிரி வினாத்தாள்களையும் வெளியிட வேண்டும்,

என ஒன்றிய அமைச்சரிடம் தமிழச்சி தங்கபாண்டியன் வலியுறுத்தியுள்ளார்.

இந்த விவகாரத்தில், வெளிநாட்டு மருத்துவ பட்டதாரிகளின் எதிர்காலத்தை பாதுகாக்க ஒன்றிய அரசு உதவியாக தலையிட்டு நடவடிக்கை எடுக்க வேண்டும் எனவும் வலியுறுத்தியுள்ளார்.