சென்னை,ஆக.10–
சென்னை உள்பட தமிழகம் முழுவதும் ஆவின் பால் தட்டுப்பாடு நிலவி வருகிறது. கடைகளுக்கு பால் பாக்கெட் சப்ளை அளவு குறைக்கப் பட்டதால் பொதுமக்கள் தங்களுக்கு தேவையான அளவுக்கு பால் கிடைக்காமல் அவதியடைந்து வருகின்ற னர்.
தமிழ்நாடு அரசின் சொந்த நிறுவனமான ஆவின், பால் மற்றும் பால் பொருட்களை குறைந்த விலையில் வழங்கி வருகிறது. இந்நிலையில் சென்னை உள்பட தமிழகம் முழுவதும் ஆவின் பால் தட்டுப்பாடு நிலவி வருவதாக பொதுமக்கள் கடும் அதிருப்தி தெரிவித்துள்ளனர்.
காலை நேரத்திலேயே பல பகுதிகளில் பால் பாக்கெட்டுகள் கிடைப்ப தில்லை என்று கூறுகின்ற னர். தினமும் ஆவின் பாலை நம்பியிருக்கும் நடுத்தர, ஏழைக் குடும்பங்கள், குழந்தைகள், முதியவர்கள் மற்றும் தேநீர்க் கடை உரிமையாளர்கள் பெரும் நெருக்கடிக்கு உள்ளாகியுள்ளனர்.
முன்னர் ஒரு ஆவின் விற்பனை நிலையத்திற்கு 32 பெட்டிகள் பால் வழங்கப்பட்டு வந்த நிலையில், தற்போது அது 20 பெட்டிகளாகக் குறைக் கப்பட்டுள்ளது என்று வர்த்தகர்கள் தெரிவிக்கின்றனர்.
இதன் காரணமாக, குறிப்பாக பச்சை நிற பால் பாக்கெட்டுகளுக்கு (500 மி.லி-ரூ.22) தேவை அதிகமாக இருந்தும் தட்டுப்பாடு தீவிரமடைந்துள்ளது. இதனால் வாடிக்கையாளர்களுக்கு அதிகபட்சம் 5 பால் பாக்கெட்டுகள் மட்டுமே வழங்கப்படுவதாக குற்றச்சாட்டு எழுந்துள்ளது. அதேபோல பால் தரம் குறைந்துவிட்டதா கவும் நுகர்வோர் குற்றம்சாட்டுகின்றனர்.
இதனால், வழக்கமாக ஆவின் பாலை நம்பியிருந்த குடும்பங்கள் தனியார் நிறுவனங்களின் பாலை அதிக விலை கொடுத்து வாங்க வேண்டிய கட்டாயத்திற்குத் தள்ளப்பட்டுள்ளனர்.
நடுத்தர, ஏழைக் குடும்பங்கள் அதிகம் நம்பியிருப்பது ஆவின் பாலையே என்பதால், விநியோகம் படிப்படியாகக் குறைக்கப்படுவது அவர்களை மிகுந்த அவதிக்கு உள்ளாக்கியுள்ளதாக சமூக ஆர்வலர்கள் எச்சரிக்கை விடுத்துள்ளனர்.
ஆவின் பால் கொள்முதல் விலையை உடனடியாக உயர்த்தி, விவசாயி களை மீண்டும் ஈர்த்து, கொள்முதல் அளவை அதிகரிக்க வேண்டும் என்பதே பொதுமக்களின் முதன்மைக் கோரிக்கையாக உள்ளது. இதன் மூலம் மட்டுமே தட்டுப்பாடின்றி, குறைந்த விலையில் தரமான பால் அனைவருக்கும் கிடைக்கும் நிலை உறுதி செய்யப்படும் எனவர்த்தகர்களும், நுகர்வோர் அமைப்புகளும் அரசிடம் வலியுறுத்தி வருகின்றன.