புதுடெல்லி, ஆக. 10–
தமிழ்நாட்டில்,குறிப்பாக தர்மபுரி நாடாளுமன்ற தொகுதியில், அனைத்து குடும்பங்களுக்கும் வீட்டு உபயோக சமையல் எரிவாயு (எல்பிஜி) உருளைகளை தாமதமின்றி எளிதாக வழங்குவதற்காக விநியோக கட்டமைப்பை வலுப்படுத்த ஒன்றிய அரசு மேற்கொண்டுள்ள நடவடிக்கைகள் என்ன? என்று தருமபுரி தொகுதி உறுப்பினர் ஆ.மணி கேள்வி எழுப்பினார்.
அதை தொடர்ந்து மேலும் அவர் தர்மபுரி நாடாளுமன்ற தொகுதியில், வீட்டு உபயோக எல்பிஜி எரிவாயு அனைத்து குடும்பங்க ளுக்கும் தாமதமின்றி எளிதில் கிடைப்பதை உறுதி செய்ய விநியோக கட்டமைப்பை வலுப்படுத்த ஒன்றிய அரசு நடவடிக்கைகள் மேற்கொண்டுள்ளதா? அவ்வாறு மேற்கொள்ளப்பட்டிருந்தால், அதன் விவரங்கள் என்ன?
தர்மபுரி நாடாளுமன்ற தொகுதியில் தற்போது செயல்பட்டு வரும் எல்பிஜி விநியோகஸ்தர்கள், விநியோக மையங்கள் மற்றும் எல்பிஜி நுகர்வோரின் எண்ணிக்கை எவ்வளவு? கடந்த 3 ஆண்டுகளில் விநியோக கட்டமைப்பை விரிவு படுத்த எடுக்கப்பட்ட நடவடிக்கைகள் என்ன?
தர்மபுரி தொகுதியின் கிராமப்புற மற்றும் தொலைதூர பகுதிகளில் எல்பிஜி சிலிண்டர் விநியோகத்தை மேம்படுத்த கூடுதல் எல்பிஜி விநியோகஸ்தர்களை நியமிக்கவோஅல்லது விநியோகத் தளவாடங்களை வலுப்படுத்தவோ ஒன்றிய அரசு திட்டமிட்டுள்ளதா? அவ்வாறு இருந்தால், அதன் விவரங்கள் என்ன?
தமிழகத்தில், குறிப்பாக தர்மபுரி நாடாளுமன்ற தொகுதியில், எல்பிஜி நுகர்வோர் பாதுகாப்பு, ஆன்லைன்/டிஜிட்டல் முன்பதிவு, வீடுகளுக்கே நேரடியாக சிலிண்டர் விநியோகம் மற்றும் உரிய காலத்திற்குள் மறு நிரப்பல் சிலிண்டர் கிடைப்பதை உறுதி செய்வதற்காக மேற்கொள்ளப்பட்டுள்ள நடவடிக்கைகள் என்ன? மேலும், எல்பிஜி சேவையின் அணுகல் மற்றும் தரத்தை மேம்படுத்த எடுக்கப்பட்டுள்ள நடவடிக்கைகள்என்ன? என்று
மத்திய பெட்ரோலியம் மற்றும் இயற்கை எரிவாயு அமைச்சகத்தின் இணை அமைச்சர் சுரேஷ் கோபியிடம் ஆ.மணி எம்.பி.கேள்வி எழுப்பி உள்ளார்.