முத்தமிழறிஞர் கலைஞரின் 8ஆவது ஆண்டு நினைவு நாளை முன்னிட்டு,கழகத் தலைவர் மு.க. ஸ்டாலின் அவர்களின் தலைமையில் நடைபெற்ற அமைதிப் பேரணியில் மாற்றுத்திறனாளிகள் அணி மாநில தலைவர் ரெ.தங்கம் தலைமையில் இணைப்புச் சக்கர வாகனத்தில் 200க்கும் மேற்பட்ட மாற்றுத்திறனாளிகள் பங்கேற்றனர். அவர்கள் வாகனத்தில் ஒருவர் பின் ஒருவராக பேரணி சென்றது அங்கிருந்த பொது மக்களை வெகுவாக கவர்ந்தது. பின்னர் அவர்கள் அனைவரும் கலைஞரின் நினைவிடத்தில் மலர்தூவி மரியாதை செலுத்தினர் அப்போது கலைஞர் மாற்றுத்திறனாளிகளுக்கு அளித்த பல்வேறு திட்டங்களை நினைவு கூர்ந்தனர். இதில் அணியின் மாநிலச் செயலாளர் பேராசிரியர் தீபக் நாதன், கழக மாற்றுத்திறனாளிகள் அணியின் மாநில துணைச் செயலாளர்களான க. எழிலன், ஜே. புஷ்பராஜ், ஜெ.வசந்தகுமார், ஏ.கருணாகரன், வெங்கடேஷ், கழக மாற்றுத்திறனாளிகளும், மற்றும் தமிழ்நாடு மாற்றுத்திறனாளிகள் முன்னேற்ற சங்கத்தினரும் ஏராளமானோர் பங்கேற்றார்.