திருவண்ணாமலை, ஆக. 10–
மழைக்காலம் தொடங்குவதை முன்னிட்டு ஓடைகள், நீர்வழிப்பாதைகளை உடனடியாக சீரமைத்திடுக என்று தூய்மை அருணை அமைப்பின், தூய்மைக் காவலர்களுக்கு,
முன்னாள் அமைச்சரும், தூய்மை அருணையின் அமைப்பாளருமான எ.வ.வேலு அவர்கள் அறிவுறுத்தியுள்ளார்.
திருவண்ணாமலையில் தொண்டு செய்வோம், துணை நிற்போம் என்ற முழக்கத்தோடு கடந்த 8 ஆண்டுகளாக முன்னாள் பொதுப்பணித் துறை அமைச்சர் எ.வ.வேலு அவர்களை அமைப்பாளராகக் கொண்டு, தூய்மை அருணை திட்டம் செயல்பட்டு வருகிறது. தூய்மை அருணை திட்டத்திற்கு 4 மேற்பார்வையாளர்களும், 39 வார்டுக்கு
39 ஒருங்கிணைப்பாளர்களும், மாட வீதி தூய்மைப் பணிக்கு 7 ஒருங்கிணைப்பாளர்களும் ஒவ்வொரு வார்டுக்கும் 25 தூய்மைக் காவலர்கள் என ஆயிரக் கணக்காணோர் மரம் நடுதல், பராமரித்தல், கால்வாய் மற்றும் தூர்வாருதல் என செயல்பட்டு வருகின்றனர்.
இதனைத் தொடர்ந்து, தூய்மை அருணை அமைப்பும், அருணை மருத்துவக் கல்லூரி மருத்துவமனையும் இணைந்து, கர்ப்பிணி தாய்மார்களுக்கு வளைகாப்புநிகழ்ச்சி மாதந்தோறும் நடத்துவதென தீர்மானிக்கப்பட்டு, முன்னாள் அமைச்சர் எ.வ.வேலு அவர்கள் ஜுலை 16 அன்று தொடங்கி வைத்தார்கள். இது மாதந்தோறும் நடைபெற்று வருகிறது.
08.08.2026 ஞாயிற்றுக்கிழமை அன்று காலை 7.00மணிக்கு, திருவண்ணா மலை மாநகரம், அவலூர்பேட்டை சாலை இரயில்வே கேட் அருகில், வார்டு எண்-3, இராமமூர்த்தி நகரில் மண்மேடுகள் அகற்றுதல், புதர்மண்டியிருந்த செடி, கொடிகளை அகற்றுதல் ஆகிய தூய்மை பணிகளை முன்னாள் அமைச்சர் எ.வ.வேலு பார்வையிட்டு ஆலோசனைகளை வழங்கினார்.
அடுத்து காலை 7.15மணிக்கு, வார்டு எண்.-2, மவுண்ட் செயிண்ட் மேல்நிலைப்பள்ளி பின்புறம் உள்ள கால்வாய் அடைப்புகள் நீக்கும் பணியினையும்,
காலை 7.30மணிக்கு, வார்டு எண் -1ல், கால்வாய் அடைப்புகள் நீக்கும் பணி, குப்பைகள் அகற்றும் பணியை பார்வையிட்டும், பின்னர் செட்டிக்குளத்தில் நீர்வரத்துப் பாதைகள் அடைப்பட்டுக்கிடப்பதால் அவற்றை உடனடியாக தூர்வாரிட அறிவுறுத்தினார்.
காலை 7.45மணிக்கு, வார்டு எண்-6 புதுத் தெருவிலும், வார்டு எண்-7 பேகோபுர முதல் தெருவிலும், மலை ஓடை முழுவதும் மண்மேடாகவும், செடி, கொடிகள் படர்ந்தும் உள்ளதை கண்டு, அதை உடனடியாக மழைக்காலம் தொடங்கும் முன் தூர்வாரிட வேண்டுமென அறிவுறுத்தினார்.
காலை 8.00மணிக்கு, வார்டு எண்-4, முத்துவிநாயகர் கோயில் தெருவில் நடைபெறும் தூய்மை பணியினைப் பார்வையிட்டு, தூய்மைக் காவலர்களுக்கும், தூய்மைப் பணியாளர்களுக்கும் தேனீர் வழங்கி பாராட்டினார்.
காலை 8.15மணிக்கு வார்டு எண்-9ல், காந்தி நகரில் நடைபெறும் கால்வாய் அடைப்பு மற்றும் தூய்மைப்பணியையும்,
காலை 8.30மணிக்கு, வார்டு எண்-10, செல்லனேரித் தெருவில் நடைபெற்று வரும் மண்மேடு அகற்றுதல், முட்செடிகளை அகற்றுதல்,
காலை 8.45மணிக்கு, வார்டு எண்-21, அஜிஸ் காலனியில் நடைபெற்று வரும் கால்வாய் அடைப்புப் பணிகளை பார்வையிட்டு, முன்னாள் அமைச்சர் எ.வ.வேலு ஆலோசனை களை வழங்கினார்.
தூய்மைப்பணியில் தூய்மை அருணையின் மேற்பார்வையாளர்கள் இரா.ஸ்ரீதரன், ப.கார்த்திவேல்மாறன், ப்ரியா ப.விஜயரங்கன், இல.குண சேகரன், துணை மேயர் சு.ராஜாங்கம், ஒருங்கிணைப்பா ளர்கள் அ.கோவிந்தன், செ. எழில்மாறன், எஸ்.கண்ணதாசன், ஏ.ஏ.ஆறுமுகம், ம.வினோத்குமார், எஸ்.கே.டி.வீரா, வழக்கறிஞர்கள் ம.செந்தில், சு.விஜி(எ) விஜியராஜ், கிருஷ்ண மூர்த்தி, ஆகாஷ்.ஹரிகிருஷ்ணன், வழக்கறிஞர் ந.சீனுவாசன், இரா.அருண்குமார், மெட்ராஸ் கே.சுப்பிரமணி, காலேஜ் கு.ரவி, கே.காளிதாஸ், குட்டி க.புகழேந்தி, சி.சண்முகம், பி.ஆர்.நாகராஜ், கு.குமார், மண்டி.பிரகாஷ், மு.கருணா மூர்த்தி, இரா.ராஜாமணி, அ.திவாகர், அ.பழனி, கே.பிரகாஷ், பி.ஜி.முருகன், கோபி.சங்கர், சென்னை.சுரேஷ், முபாரக், லயன்.ஷெரீப். கா.ஏழுமலை, எஸ்.ஜாகீர், இரா.ஜோதி, கு.தியாகு, மூ.காமேஷ்,ஹக்கிம்சேட்,சி.கே.சசிக்குமார், கோல்டு.எஸ்.பிரபு மற்றும் மாட வீதி ஒருங்கிணைப்பாளர்கள் அருணை.வெங்கட், சினம்.பெருமாள், ஆர்.கே.பாஸ்கர், ஜீவரேகா விஜயராஜ்,உட்பட ஆயிரக்கணக்கான தூய்மைக் காவலர்களும் கலந்து கொண்டனர்.