தென்காசி, ஆக. 10 –
தென்காசி மாவட்டம் சங்கரன்கோவிலில் நெசவாளர்களின் வாழ்வாதாரத்தை பாதுகாக்க வேண்டி தொழிலார்கள் சார்பில் சங்கரன்கோவில்-திருவேங்கடம் சாலையில் த.வெ.க. அரசை வலியுறுத்தி மாபெரும் கண்டன ஆர்ப்பாட்டம் நடைபெற்றது.இதில் அனைத்துக் கட்சி நிர்வாகிகள் பங்கேற்று தங்களது ஆதரவை தெரிவித்து கண்டன உரையாற்றினார்கள்.
சங்கரன்கோவிலில் நெசவாளர்களின் வாழ்வாதாரத்தை பாதிக்கும் வகையில் சாயப்பட்டறைகள் பூட்டி த.வெ.க அரசு சீல் வைத்தது.அதனை கண்டித்து விசைத்தறி தொழிலாளர்கள் சார்பில் அனைத்து கட்சிகள் பங்கேற்ற மாபெரும் கண்டன ஆர்ப்பாட்டம் நடைபெற்றது.
அதாவது சங்கரன்கோவிலில் விசைத்தறி தொழில் முக்கிய தொழிலாக இருந்து வருகிறது.விசைத் தறிகளில் பயன்படுத்தப்படும் நூலுக்கு சாயம் ஏற்றுவதற்காக சாயப்பட்டறைகளும் அங்கு இயங்கி வருகின்றன.கடந்த சில வாரங்களுக்கு முன்பு மாசு கட்டுப்பாட்டு வாரிய அமைச்சர் ராஜீவ் சங்கரன்கோவிலில் உள்ள சாயப்பட் டறைகளில் திடீர் ஆய்வு செய்தார். அப்போது மாசு கட் டுப்பாட்டு வாரிய விதிமுறை களை மீறி சாயப்பட்டறைகள் செயல்பட்டு வருவதாக கூறி அதன் மீது நடவடிக்கை எடுக்க அதிகாரிக ளுக்கு உத் தரவிட்டார்.தொடர்ந்து சாயப்பட்டறை களை சீல் வைத்ததும்,மின் இணைப்பும் துண்டிக்கப்பட்டது.
இதன் காரணமாக 22 சாயப்பட்டறைகள் சீல் வைக்கப்பட்டன.இதனால் சுமார் 25,000 க்கும் மேற்பட்ட விசைத்தறி தொழிலாளர்களின் வாழ்வாதாரம் பாதிக்கப்பட்டது.அதனால் கடந்த மாதம் விசைத்தறி உரிமையாளர்கள், சாயப்பட்டறை உரிமையாளர்கள் மற்றும் விசைத்தறி தொழிலாளர்கள் திருவேங்கடம் சாலையில் கண்டன ஆர்ப்பாட்டம்,கஞ்சி தொட்டி திறப்பு,சாலை மறியல் போன்ற பல்வேறு போராட்டங் களை நடத்தினர்.அப்போது சங்கரன்கோவிலில் ஆடித்தவசு திருவிழா நடைபெற்றதை முன்னிட்டு விசைத்தறி தொழிலாளர்கள் போராட்டத்தை தற்காலிகமாக நிறுத்தினார்கள்.
இந்நிலையில் நேற்று முன்தினம் (08-008-2026) சங்கரன்கோவில்- திருவேங்க டம் சாலையில் நெசவாளர்களின் வாழ்வாதாரத்தை பாதுகாக்க வேண்டி சாயப்பட்டறைகள் பூட்டி சீல் வைக்கப்பட்டதை கண்டித்தும் த.வெ.க.அரசை வலியுறுத்தியும் விசைத்தறி தொழிலாளர்கள் சார்பில் அனைத்து கட்சிகள் பங்கேற்ற மாபெரும் கண்டன ஆர்ப்பாட்டம் செங்குந்தர் அபிவிருத்தி சங்க செயலாளர் மாரிமுத்து தலைமையில் நடைபெற்றது.
பின்னர் முன்னாள் அமைச்சர், தலைமைச் செயற்குழு உறுப்பினர் ச. தங்கவேலு, நகர கழகச் செயலாளர் மு.பிரகாஷ், நகர்மன்றத் துணை தலைவர் கண்ணன் (அ.தி.மு.க.) மாவட்ட பா.ஜ.க. தலைவர் ஆனந்தன், மா.கம்யூ.மாவட்ட குழு உறுப் பினர் அசோக் ராஜ்,அ.ம.மு.க. மாவட்ட செயலாளர் முருகையா பாண்டியன், நாம்தமிழர்கட்சி கார்த்திக் உட்பட விசைத்தறி உரிமை யாளர்கள் பலர் கோரிக்கைகளை வலியுறுத்தி உரையாற்றினார்கள்.தொடர்ந்து கோரிக்கை வலியுறுத்தி கோஷங்கள் எழுப்பப்பட்டது.
இந்த மாபெரும் கண்டன ஆர்ப்பாட்டத்தில் விசைத்தறி உரிமையாளர்கள்,சாயப்பட்டறை உரிமையாளர்கள்,தொழிலாளர்கள்,என 100 க்கும் மேற்பட்ட பெண்கள் உள்பட சுமார் 1000 க்கும் மேற்பட்டோர் கலந்து கொண்டனர்.
நிறைவில் விசைத்தறி தொழிலாளர் சங்க மாவட்ட பொருளாளர் மாணிக்கம் நன்றியுரையாற்றினார்.