புதுடெல்லி, ஆக. 10–
திராவிட முன்னேற்ற கழக மேலவை உறுப்பினர் எஸ். ஆர். சிவலிங்கம் மாநிலங்களவையில் 6 ஆகஸ்ட் 2026 அன்று விண்வெளித் துறையில் செயல் படுத்தப்பட்டு வரும் - நீலப் பறவை செயற்கை கோள் திட்டம் குறிப்பிடத்தக்க முன்னேற்றம் அடைந்துள்ளதா? என்றும் சர்வதேச விண்வெளி ஆராய்ச்சி நிறுவனங்க ளுடன் ஒன்றிய அரசின் ஒத்துழைப்பை பெருக்கிட ஏதேனும் திட்டங்கள் உள்ளதா? தனியார் பங்களிப்பை விண்வெளித் துறையில் அதிகரிக்கும் செயல் வடிவம் அரசிடம் உள்ளதா? என்றும் ஒன்றிய அரசின் விண்வெளி ஆராய்ச்சித்துறை இணையமைச்சர் டாக்டர் ஜிதேந்திர சிங் அவர்களிடம் விரிவான கேள்வியை எழுப்பி னார்.
அமெரிக்க விண்வெளித் துறையின் ஒத்துழைப்போடு LVMJ செயற்கை கோள் திட்டத்தின் படி 6100 கிலோ எடையுள்ள செயற்கைக் கோளில் 520 கிலோ மீட்டர் உயரத்தில், இந்தியாவிலிருந்து ஏவப்பட்டன என்றும், செயற்கை; கோள் செலுத்தும் தொழில் நுட்பத்தில் இந்தியா முக்கியமான இடத்தைப் பெற்றுள்ளது என்றும், வருகின்ற 2047ஆம் ஆண்டிற்குள் சர்வதேச விண்வெளி ஒத்துழைப்பில் இந்தியாவின் விண்வெளித் துறை முக்கியமான மைல் கல்லை எட்டிப்பிடிப்பதற்கான அனைத்து முயற்சிகளை யும் ஒன்றிய அரசு எடுத்து வருகிறது என்றும், மனிதர்களை விண்வெளிக்கு அனுப்புவது, விண்வெளி யில் ஆராய்ச்சி மையம் ஏற்படுத்துவது போன்ற அனைத்து துறைகளிலும் மற்ற நாடுகளுடன் இணைந்து இந்தியா செயல்படும் என்று இணையமைச்சர் மாநிலங்களவையில் தெரிவித்தார்.
தமிழ்நாட்டின் குலசேகரப்பட்டினத்தில் இரண்டாவது ஏவுத்தளம் அமைத்து விண்வெளி கட்டமைப்புகளை வலுப்படுத்துதல், இந்திய தரக் கட்டுப்பாட்டு நிறுவனத்துடன் இணைந்து இந்திய விண்வெளி தரக் கட்டுபாட்டுகளை ஏற்படுத்துதல், ஸ்கைரூட், அக்னிகூல், இந்துஸ்தான் ஏரோநாட்டிக்ள் போன்ற நிறுவனங்களுடன் இணைந்து செயல்படுதல், வெளிநாட்டு நேரடி முதலீட்டை விண்வெளித் துறையில் அதிகரித்தல், 1000 கோடி ரூபாய்க்கான விண்வெளி நிதியம் ஒன்றை ஏற்படுத்துல் 2047ஆம் ஆண்டிற்குள் செயல்படுத்த அனைத்து முயற்சிகளையும் ஒன்றிய அரசுஎடுத்து வருகிறது என்று ஒன்றிய அரசின் விண்வெளி ஆராய்ச்சித்துறை இணையமைச்சர் டாக்டர் ஜிதேந்திர சிங் அவர்கள்,மாநிலங்களவையில் திராவிட முன்னேற்ற கழக மேலவை உறுப்பினர் எஸ்.ஆர். சிவலிங்கம் அவர்கள் எழுப்பிய கேள்விக்கு விரிவான பதிலை அளித்துள்ளார்.