நாமக்கல், ஆக. 10 –
நாமக்கல் மேற்கு மாவட்டம் திருச்செங் கோட்டில் முத்தமிழறிஞர் கலைஞர் அவர்களின் 8-ம் ஆண்டு நினைவு தினத்தையொட்டி கிழக்கு, மேற்கு நகர திமுக சார்பில் மௌன அஞ்சலி ஊர்வலம் நடைபெற்றது.
நாமக்கல் மேற்கு மாவட்ட தி.மு.க. செயலாளரும், பரமத்தி தொகுதி முன்னாள் சட்டமன்ற உறுப்பினருமான கே.எஸ்.மூர்த்தி தலைமையில் திருச்செங்கோடு பழைய பேருந்து நிலையம் அண்ணா சிலை அருகே அலங்கரித்து வைக்கப்பட்டிருந்த முத்தமிழறிஞர் கலைஞர் உருவப்படத்திற்கு நாமக்கல் மேற்கு மாவட்டப் பொறுப்பாளரும், முன்னாள் சட்டமன்ற உறுப்பினருமான கே.எஸ்.மூர்த்திஉள்ளிட்ட திமுகவினர் மலர் தூவி மரியாதை செலுத்தினர்.
தொடர்ந்துஅண்ணா சிலை அருகிலிருந்து நகராட்சி வளாகம் வரை மௌன ஊர்வலம் நடைபெற்றது. நகராட்சி வளாகம் அருகே நகர்மன்ற தலைவர் மற்றும் உறுப்பினர்கள் சார்பில் அலங்கரித்து வைக்கப்பட்டிருந்த கலைஞரின் உருவப்படத்திற்கும் மலர் தூவி மரியாதை செலுத்தப்பட்டது.
நிகழ்ச்சியில் மேற்கு நகர திமுக செயலாளரும் முன்னாள் நகர்மன்ற தலைவருமான ஆர்.நடேசன், கிழக்கு நகர திமுக செயலாளரும் நகர்மன்ற துணைத்தலைவருமான தா.கார்த்தி கேயன், ஒன்றிய செயலாளர்கள் வட்டூர் தங்கவேல், தாமரைச்செல்வன், அருண், மாவட்ட வழக்கறிஞர் அணி தலைவர் சுரேஷ்பாபு, நகர்மன்ற தலைவர் நளினி சுரேஷ்பாபு, நகர்மன்ற உறுப்பினர்கள், மற்றும் இளைஞரணி,மகளிரணி உள்ளிட்ட 100 க்கும் மேற்பட்டோர் பங்கேற்றனர்.
இதேபோல் பரமத்தி வேலூரில் முத்தமிழறிஞர் கலைஞர் அவர்களின் எட்டாம் ஆண்டு நினைவு நாளை முன்னிட்டு நாமக்கல் மேற்கு மாவட்டப் பொறுப்பாளரும், முன்னாள் சட்டமன்ற உறுப்பினருமான கே.எஸ்.மூர்த்தி தலைமையில் பேரூர் செயலாளர் முருகன் மற்றும் கழக நிர்வாகிகள் கலைஞர் அவர்களின் திருவுருவப் படத்திற்கு கழக நிர்வாகி கள் மாலை அணிவித்து அஞ்சலி செலுத்தினர்.