நெல்லை, ஆக.11 –
முன்னாள் சட்டப்பேரவை தலைவர் மு. அப்பாவு தனது எக்ஸ் வலைதள பதிவில் கூறியிருப்பதாவது:-–
த.வெ.க. ஆட்சி ஆரம்பித்த நாள் முதல் அரசு தலைமைச் செயலகத்தை அமைச்சர்கள் மக்கள் பணிக்கு பயன்படுத்தாமல் த.வெ.க. கட்சி அலுவலகமாக பயன்படுத்தி வருவதோடு , தற்போது தமிழக தலைமைச் செயலாளரையும் த.வெ.க.தலைமைச் செய்தி தொடர்பாளராகவே மாற்றியிருப்பது கண்டிக்க தக்கது! நடவடிக்கை எடுக்கப்பட வேண்டியது !
நாடாளுமன்ற தொகுதி மறு வரையறை மசோதா குறித்து முதல்வர் தலைமையில் ஆலோசிக்கஇருப்பதால், தமிழக நாடாளுமன்ற மக்களவை, மாநிலங்களவை உறுப்பினர்கள் கலந்து கொள்ள வேண்டும் என்று அழைப்பு விடுத்த தலைமை செயலாளர், தற்போது ஒன்றிய அரசு கொண்டு வர இருக்கின்ற FCRA மசோதா குறித்து எதிர்கட்சித் தலைவர் உதயநிதிஸ்டாலின் தலைமையில், நடைபெறும் ஆலோசனைக் கூட்டத்திற்கு தமிழக நாடாளுமன்ற,
சட்டமன்ற உறுப்பினர்கள் கலந்து கொள்ள வேண்டும் என்று அழைப்பு விடுப்பாரா CMsir ?
நாடாளுமன்றத் தொகுதி மறு வரையறை குறித்து ஏற்கனவே முன்னாள் முதல்வர் மு.க.ஸ்டாலின் அவர்கள் தலைமையில் 5 மாநில முதலமைச்சர்கள் மற்றும் தென் மாநில அரசியல் கட்சித் தலைவர்கள் கலந்து கொண்ட கூட்டத்தை கொச்சைப்படுத்தும் விதமாக “இது ஒன்றும் அப்படி பெரிய “பிரச்சினை அல்ல”-என்று தேர்தலின் போது தெரிவித்த விஜய்,தற்போது ஆட்சியை தக்க வைக்க காங்கிரஸின் வஞ்சக வலையில் சிக்கி இந்தக் கூட்டத்தை நடத்தியதுஉங்களுக்கு வெட்கமாக இல்லையா
CMsir ?
தொகுதி மறு வரையறை என்ற தேசிய பிரச்சினையை இந்தியாவில் உள்ளஅனைத்து எதிர்க்கட்சிகளையும் அழைத்து பேசி முடிவெடுக்க முடியாத நாடாளுமன்ற எதிர்கட்சித் தலைவர் ராகுல்காந்தி , தமிழக சட்டமன்ற தேர்தல் நேரத்தில் எதிர் கருத்து தெரிவித்த விஜய்யை தூண்டிவிட்டு பின்னால் ஒளிந்து நின்று வேடிக்கை பார்ப்பதன் மர்மம் என்ன?
தொடர்ந்து காங்கிரஸ் கொண்டுவந்த நீட் தேர்வை பா.ஜ.க. தொடர்வதும், தமிழகத்திற்கு காவிரி தண்ணீரைத் தர கூடாது என்பதில் காங்கிரசும் -பா.ஜ.க.வும் ஓரணியில் நிற்பதும் அவர்கள் இருவருக்கும் துணை நிற்கும் நீங்களும் தமிழக மக்களுக்கு செய்யும் எட்டப்பர் வேலை என்பது மக்களுக்கு தெரியாததா சி.எம். சார்?
இவ்வாறு அவர் தனது எக்ஸ் வலைதள பதிவில் கூறியுள்ளார்.