சென்னை, ஆக. 11 –
‘முரசொலி’ 85-–ஆவது ஆண்டில் அடியெடுத்து வைப்பதையொட்டி கழகத் தலைவர் மு.க.ஸ்டாலின் அவர்கள் தமது சமூக வலைதளத்தில், ‘‘அறிவாலயத்தின் அறிவாயுதமாகத் திகழும் ‘முரசொலி’யின் பயணம் நூறாண்டுகள் கடந்தும் தொடர்க’’ என்று வாழ்த்திப் பதிவிட்டுள்ளார்.
இதுகுறித்து நேற்று
(10.-08.-2026), கழகத்
தலைவர் மு.க.ஸ்டாலின் அவர்கள் சமூக வலை
தளத்தில் பதிவிட்டுள்ள செய்தி வருமாறு :–
“கழக உடன்பிறப்புகளின் இதயத்துடிப்பு -– தமிழ்நாட்டு அரசியல் வரலாற்றின்
நாட்குறிப்பு -– முத்தமிழறிஞர் கலைஞர் உதிரம் சிந்தி வளர்த்த மூத்த பிள்ளை
முரசொலி!
அதன் அலுவலகத்திற்குச் சென்று, என் மூத்த சகோதரனுக்கு 85-ஆவது பிறந்தநாள் வாழ்த்துகளைத் தெரிவித்தேன்!
தலைவர் கலைஞர், முரசொலி மாறன், முரசொலி செல்வம் என முரசொலியைத் தொடர்ந்து செழுமையாக வளர்த்தார்கள். நானும்
முரசொலிக்காகப் பார்க்காத வேலையே இல்லை என்னும் அளவுக்கு, அனைத்து நிலை களிலும் பணியாற்றி இருக்கிறேன்.
அறிவிப்புப் பலகைகளாக மட்டுமே இயங்கும் பல
அரசியல் கட்சி இதழ்களுக்கு இடையே, கருத்தாழமிக்க
கட்டுரைகள், மொழிபெயர்ப்புகள், பொங்கல் மலர், பாசறைப் பக்கம் என அறிவாலயத்தின் அறிவாயுதமாகத் திகழும் முரசொலியின் பயணம் நூறாண்டுகள் கடந்தும் தொடர்க! அதன் பணிகளில் வெல்க!
இவ்வாறு கழகத் தலைவர் மு.க.ஸ்டாலின் அவர்கள் தமது சமூக வலைதளத்தில் பதிவிட்டுள்ளார்.