சென்னை, ஆக.11
தமிழ்த்தாய் வாழ்த்து தீர்மானம்தொடர்பாக கழக முன்னாள் அமைச்சர் எஸ்.ரகுபதி பேட்டி அளித்தார். அவரது பேட்டியில் தமிழ்த்தாய் வாழ்த்து முதலில் பாட தனி சட்டம் கொண்டுவர வேண்டும் என்றும், இந்த தீர்மானம் ஆளுநரைக் கட்டுப்படுத்துமா? என்றும், ஒன்றிய அரசு என உச்சரிக்கவேபயப்படுகிற இந்த அரசு சட்டம் கொண்டு வருமா? என்றும் கேள்வி கேட்டுள்ளார்.
இது குறித்து முன்னாள் அமைச்சர் எஸ்.ரகுபதி அளித்த பேட்டி வருமாறு:–
தமிழ்நாடு அரசு இன்று தமிழ்த்தாய் வாழ்த்தினை முதலில் பாட வேண்டும்என்ற ஒரு தீர்மானத்தை சட்டமன்றத்தில் கொண்டு வந்து நிறைவேற்றி இருக்கிறது. கடந்த திராவிட மாடல் ஆட்சியில் தமிழ்நாடு முதலமைச்சர் அனைத்து நிகழ்ச்சிகளிலும் முதலில்தமிழ்த்தாய் வாழ்த்து பாட வேண்டும்.
அதை சொந்த குரலிலே பாட வேண்டும் என்கின்ற உத்தரவு மூலம் அமல்படுத்தப்பட்டது. ஆனால் இன்றைக்கு தமிழ்நாட்டின்ஆளுனர் அர்லேகர் அவர்கள் தமிழ்த்தாய் வாழ்த்தை மூன்றாவது இடத்திற்கு தள்ளிவிட்டார். திராவிட முன்னேற்றக்கழக ஆட்சியிலே தமிழ்த்தாய் வாழ்த்து முதலிலே பாடப்பட வேண்டும் என்பதற்கான தீர்மானம் கொண்டுவரப்பட்டு நிறைவேற்றப்பட்டு எல்லா நிகழ்ச்சிகளிலேயும் அது அமல்படுத்தப்பட்டது.
எனவே இன்றைக்கு கொண்டு வந்திருக்கிற அந்த தீர்மானம் என்பது நிச்சயமாக ஆளுநரையோ மற்றவர்களையோ கட்டுப்படுத்துமா என்பது சந்தேகம்.
சட்டப்பூர்வமான
அங்கீகாரம் வேண்டும்!
எனவே தி.மு.க.வை பொறுத்தவரையில் ஒரு மசோதா கொண்டுவந்து அதன் மூலமாக இதற்கு சட்டபூர்வமான அங்கீகாரம் அளிக்க வேண்டும்.
தமிழ்நாட்டிலே தமிழ்தாய் வாழ்த்து முதலிலே பாடப்பட வேண்டும் என்கின்றசட்டபூர்வ அங்கீகாரத்தை அரசு பெற்று தந்தால் தான் அது நிலைத்து நிற்க முடியும். ஆனால் சட்டபூர்வ அங்கீகாரத்தை அளிப்பதற்கு இந்த அரசு எந்த நடவடிக்கையும் எடுப்பதாக தெரியவில்லை. ஒன்றிய அரசு என்று சொல்லவே அவர்கள் பயப்படுகிறார்கள். எனவே ஒன்றிய அரசு என்று உச்சரிக்கவே பயப்படுகிற இந்த அரசு சட்டம் கொண்டு வருமா என்பது சந்தேகம். கொண்டு வர வேண்டும் என்பது எங்களுடையவிருப்பம். கொண்டு வர வேண்டும். கொண்டு வந்தால் தான் அது நிலைத்து நிற்கும்.
இவ்வாறு முன்னாள் அமைச்சர் எஸ்.ரகுபதி பேட்டியளித்தார்.
காஞ்சிபுரம் தெற்கு மாவட்டம் கழக மூத்த முன்னோடி காரை அருளானந்தம் அவர்கள் உடல்நிலை சரியில்லாத காரணத்தால் வீட்டில் ஓய்வெடுத்துக் கொண்டிருக்கும் அவர்களைமாவட்ட கழக செயலாளர் க.சுந்தர் சந்தித்து கழகம் கடந்து வந்த நினைவுகளை பகிர்ந்து கொண்டார். உடன் மாநகர செயலாளர் சி.கே.வி.தமிழ்ச்செல்வன், தலைமை செயற்குழு உறுப்பினர். எம்.எஸ். சுகுமார் மாநில வர்த்தக அணி துணை செயலாளர்
வி.எஸ்.ராமகிருஷ்ணன், பகுதி செயலாளர் கே.திலகர் மாநகர பொருளாளர் கே. சுப்பராயன் உள்ளிட்ட பலர் இருந்தனர்.