சென்னை, ஆக. 11 –
தமிழ்நாட்டில் அறிமுகப்படுத்தப்பட்டுள்ள புதிய டாஸ்மாக் ஆன்லைன் மது முன்பதிவு திட்டத்தில் தொழில்நுட்பக் குளறுபடிகள் ஏற்பட்டுள்ளதால், கடைகளில் மதுப்பிரியர்களுக்கும்டாஸ்மாக் ஊழியர்களுக்கும் இடையே கடுமையான வாக்குவாதங்கள் எழுந்துள்ளன.
தமிழ்நாட்டில் ஆன்லைன் மது முன்பதிவு சேவை அதிகாரப்பூர்வமாகத் தொடங்கப்பட்டுள்ளது. TASMAC இணைய தளம் மூலம் மதுபானங்களை முன்பதிவு செய்யலாம் எனவும், தேவையான மதுபானத்தைத் தேர்வு செய்து, UPI அல்லது நெட் பேங்கிங் மூலம் ஆன்லைனிலேயே பணத்தைச் செலுத்த வேண்டும் என அறிவிக்கப்பட்டது.
இந்நிலையில் மதுப்பிரியர்கள் மதுபானம் வாங்க ஆன்லைனில் முன்பதிவு செய்துள்ளனர். பணம் செலுத்தி மதுபானத்தை முன்பதிவு செய்துவிட்டுடாஸ்மாக் கடைக்கு மதுப்பிரியர்கள் சென்றுள்ளனர்.
ஆனால் ஆன்லைன் க்யூஆர் கோடு வசதி இன்னும் வரவில்லை என டாஸ்மாக் ஊழியர்கள் கூறியதால் மதுப்பிரியர்கள் அதிர்ச்சியடைந்தனர்.
மேலும் கடைகளில் உள்ள பில்லிங் இயந்திரங்களில் ஏற்பட்ட தொழில்நுட்பக் கோளாறுகளால் ஆன்லைன் ஆர்டர்களைச் சரிபார்ப்பதில் ஊழியர்களுக்குப் பெரும் தாமதம் ஏற்பட்டுள்ளது.
அரக்கோணம் போன்ற பல்வேறு பகுதிகளில், ஆன்லைன் விவரங்களைக் காண்பித்தாலும் “எங்களிடம் அதற்கான சரிபார்ப்பு வசதிகள் இல்லை” என ஊழியர்கள் கைகளைக் விரித்ததால் மதுப்பிரியர்கள் ஏமாற்றமடைந்தனர்.
இந்த குளறுபடிகளால் ஆன்லைன் கவுண்டர் மட்டுமின்றி, நேரடியாக வந்து வாங்கும் சாதாரண வாடிக்கையாளர்களின் விற்பனையும் பாதிக்கப்பட்டு நீண்ட வரிசைகள் உருவாகின.
ஒன்றிய மோடி அரசைக் கண்டித்து விருதுநகர் மாவட்டத்தில் 13 இடங்களில் நடைபெற்ற ஆர்ப்பாட்டத்தில் விருதுநகர் தபால் நிலையம் முன்பு தொ.மு.ச. மாவட்டக் கவுன்சில் செயலாளர் ஆர்.வி.மாடசாமி தலைமையில் தொ.மு.ச. போக்குவரத்து பொதுச் செயலாளர் ரா.ராஜசெல்வம், மின்சாரம் அண்ணாதுரை, தொலைதொடர்பு துறை சின்னப்பன், சி.ஐ.டி.யு. சார்பில் வேலுச்சாமி- (போக்குவரத்து உதவி தலைவர்), சாராள் - (மாவட்ட உதவி செயலாளர்), எ.ஐ.டி.யு.சி. சார்பில் பாண்டியன் (நகரச் செயலாளர்), மூர்த்தி - (போக்குவரத்து பொதுச் செயலாளர்) மற்றும் விவசாய சங்க பிரதிநிதிகள், தொழிற்சங்க நிர்வாகிகள் பல்வேறு கோரிக்கைகளை வலியுறுத்தி ஆர்ப்பாட்டம் மற்றும் மறியல் போராட்டத்தில் திரளாக கலந்து கொண்டனர். மறியலில் ஈடுபட்ட 69 பேர் கைது செய்யப்பட்டனர்.