சென்னை, ஆக. 11 –
அரசு ஊழியர்கள் மற்றும் ஆசிரியர்களின் ஓய்வூதியம், ஓய்வூதிய காலப் பலன்களுக்கான நிதி ஒதுக்கீட்டை பட்ஜெட் டில் ரூ.14,003.32 கோடி குறைத்திருப்பதுதன் மூலம் பழைய ஓய்வூதியத்தை அல்லது உறுதி அளிக்கப்பட்ட ஓய்வூதிய திட்டத்தை அரசு அமல்படுத்துமா? என்பதை தமிழக அரசு விளக்க வேண்டும் என்று தமிழ்நாடு தலைமைச் செயலகச் சங்கம் வலியுறுத்தியுள்ளது.
இதுதொடர்பாக அந்தச் சங்கத்தின் தலைவர் வெங்கடேசன் கூறுகையில், ‘2026–-27-ஆம் ஆண்டுக்கான திருத்தப்பட்ட நிதிநிலை அறிக் கையில், அரசு ஊழியர்கள் மற்றும் ஆசிரியர்களின் ஓய்வூதியம், குடும்ப ஓய்வூதியம், பணிக் கொடை உள்ளிட்ட பல்வேறு ஓய்வூதியப் பிரிவுகளுக்கான ஒதுக்கீடு, இடைக்கால நிதிநிலை அறிக்கையுடன் ஒப்பிடும்போது மொத்தம் ரூ.14,003.32 கோடி குறைக்கப்பட்
டுள்ளது.
ஆட்சி மாற்றத்துக்குப் பிறகு, அரசு ஊழியர்கள் மற்றும் ஆசிரியர்களுக்கு பழைய ஓய் வூதியத் திட்டம் நடை முறைப்படுத்தப்படும் என த.வெ.க. அரசு உறுதியளித்திருந்ததை எதிர் பார்த்திருந்த நிலையில், ஓய்வூதிய நிதி ஒதுக்கீடு குறைக்கப்பட்டிருப்பது
பேரதிர்ச்சியை ஏற்படுத்தியுள்ளது.
குறிப்பாக, முந்தைய தி.மு.க .அரசால் அறிவிக்கப்பட்ட உறுதியளிக்கப்பட்ட ஓய்வூதியத் திட்டத்துக்கான அரசின் ஆண்டு ஒதுக்கீடு ரூ.11,000 கோடி முழுமையாக ரத்து செய்யப்பட்டுள்ளது. பிற ஓய்வூதியப் பிரிவுகளிலும் சுமார் ரூ.3,000 கோடி குறைக்கப் பட்டுள்ளது.
இதனால் பழைய ஓய்வூதியத்தை அரசு நடை முறைப்படுத்தப் போகிறதா அல்லது புதிய ஓய்வூதியத்தை செயல்படுத்த உள்ளதா அல்லதுஉறுதியளிக்கப்பட்ட ஓய்வூதியத் திட்டத்துக்கான நிதி ரத்து செய்யப்பட்டுள்ளதால், அரசு ஊழியர்களின் ஓய்வூதிய வயது 62-ஆக அதிகரிக்குமா என்ற பல்வேறு கேள்விகள் எழுந்துள்ளன. எனவே, ஓய்வூதிய நிதி ஒதுக்கீடு ரூ.14,000 கோடி குறைக்கப்பட்டதற்கான விளக்கத்தை சட்டப்பேரவையில் தமிழக அரசு அளிக்க வேண்டும். மேலும், அரசு ஊழியர்கள் மற்றும் ஆசிரியர்களின் நீண்டகால கோரிக்கையான பழைய ஓய்வூதியத் திட்டத்தை நடைமு றைப்படுத்துவது குறித்து அறிவிப்பு வெளியிட வேண்டும். இது தொடர்பாக முதல்வர் ஜோசப் விஜய்க்கு கடிதம் எழுதப்பட்டுள்ளது’ என்று தெரிவித்தார்.