சென்னை, ஆக.11 –
தமிழ்நாட்டில் அறிமுகப்படுத்தப்பட்டுள்ள புதிய டாஸ்மாக் ஆன்லைன் மது முன்பதிவு திட்டத்தில் தொழில்நுட்பக் குளறுபடிகள் ஏற்பட்டுள்ளதால், கடைகளில் மதுப்பிரியர்களுக்கும் டாஸ்மாக் ஊழியர்களுக்கும் இடையே கடுமையான வாக்குவாதங்கள் எழுந்துள்ளன.
தமிழ்நாட்டில் ஆன்லைன் மது முன்பதிவு சேவை அதிகாரப்பூர்வமாகத் தொடங்கப்பட்டுள்ளது. TASMAC இணைய தளம் மூலம் மதுபானங்களை முன்பதிவு செய்யலாம் எனவும், தேவையான மதுபானத்தைத் தேர்வு செய்து, UPI அல்லது நெட் பேங்கிங் மூலம் ஆன்லைனிலேயே பணத்தைச் செலுத்த வேண்டும் என அறிவிக்கப்பட்டது.
இந்நிலையில் மதுப்பிரியர்கள் மதுபானம் வாங்கஆன்லைனில் முன்பதிவு செய்துள்ளனர். பணம் செலுத்தி மதுபானத்தை முன்பதிவு செய்துவிட்டு டாஸ்மாக் கடைக்கு மதுப்பிரியர்கள் சென்றுள் ளனர்.
ஆனால் ஆன்லைன் க்யூஆர் கோடு வசதி இன்னும் வரவில்லை என டாஸ்மாக் ஊழியர்கள் கூறியதால் மதுப்பிரியர்கள் அதிர்ச்சியடைந்தனர்.
மேலும் கடைகளில் உள்ள பில்லிங் இயந்திரங்களில் ஏற்பட்ட தொழில்நுட்பக் கோளாறுகளால் ஆன்லைன் ஆர்டர்களைச் சரிபார்ப்பதில் ஊழியர்களுக்குப் பெரும் தாமதம் ஏற்பட்டுள்ளது.
அரக்கோணம் போன்ற பல்வேறு பகுதிகளில், ஆன்லைன் விவரங்களைக் காண்பித்தாலும் “எங்களிடம் அதற்கான சரிபார்ப்பு வசதிகள் இல்லை” என ஊழியர்கள் கைகளைக் விரித்ததால் மதுப்பிரியர்கள் ஏமாற்றமடைந்தனர்.
இந்த குளறுபடிகளால் ஆன்லைன் கவுண்டர் மட்டுமின்றி, நேரடியாக வந்து வாங்கும் சாதாரண வாடிக்கையாளர்களின் விற்பனையும் பாதிக்கப்பட்டு நீண்ட வரிசைகள் உருவாகின.
விழுப்புரம் வடக்கு மாவட்ட தி.மு.க. இளைஞரணி சார்பில் முத்தமிழ் அறிஞர் கலைஞரின் 8வது ஆண்டு நினைவு தினத்தை முன்னிட்டு திண்டிவனம் செஞ்சி பேருந்து நிலையம் அருகில் நடைபெற்ற நிகழ்ச்சியில் அலங்கரித்து வைக்கப்பட்டிருந்த முத்தமிழ் அறிஞர் கலைஞரின் திருவுருவப்படத்திற்கு விழுப்புரம் வடக்கு மாவட்டச் செயலாளர் – முன்னாள் அமைச்சர் செஞ்சி மஸ்தான் மலர் தூவி, மரியாதை செலுத்தி, 500 நபர்களுக்கு அறுசுவை உணவு வழங்கும் நிகழ்ச்சியை தொடங்கி வைத்தார். உடன் முன்னாள் சட்டமன்ற உறுப்பினர்கள் டாக்டர் மாசிலாமணி, சேது நாதன், நகரச் செயலாளர் ஆசிரியர் கண்ணன், நகர மன்றத் தலைவர் நிர்மலா ரவிச்சந்திரன் உள்ளிட்ட தி.மு.க. நிர்வாகிகள் உள்ளனர்.