மதுரை, ஆக. 11–
தமிழ்நாட்டில் உள்ளாட்சித் தேர்தல் வருவதற்கு முன்பே சட்டமன்றத் தேர்தல் நடைபெற வாய்ப்புள்ளதாக கழக சட்டத்துறை செயலாளர் என்.ஆர்.இளங்கோ மதுரையில் நடைபெற்ற தென் மண்டல தி.மு.க. வழக்கறிஞர்கள் கலந்துரையாடல் கூட்டத்தில் தெரிவித்தார்.
தி.மு.க. சட்டத்துறை சார்பில் தென்மண்டல தி.மு.க. வழக்கறிஞர்கள் கலந்துரையாடல் கூட்டம் மதுரை உத்தங்குடி உள்ள தனியார் திருமண மண்டபத்தில் தி.மு.க. சட்டத்துறை செயலாளர் முன்னாள் எம்.பி. என்.ஆர்.இளங்கோ தலைமையில் நடைபெற்றது.
விருதுநகர் வடக்கு மாவட்ட செயலாளர் முன்னாள் அமைச்சர் தங்கம் தென்னரசு, மதுரை வடக்கு மாவட்ட செயலாளர் முன்னாள்அமைச்சர் பி.மூர்த்தி, முன்னாள் சபாநாயகர் இரா.ஆவுடையப்பன், தேனி வடக்கு மாவட்ட செயலாளர்டி.தங்கதமிழ்செல்வன் எம்.பி., மாநகர் மாவட்ட செயலாளர் கோ.தளபதி, சட்டத்துறை இணை செயலாளர்கள் கே.எஸ்.ரவிச்சந்திரன், ராதாகிருஷ்ணன், ராஜா முகம்மது, தலைமை கழக வழக்கறிஞர்கள் கலாநிதி, மனோஜ் ஆகியோர் முன்னிலை வகித்தனர்.
வடக்கு மாவட்ட வழக்கறிஞர் அணி அமைப்பாளர் கோகுல்நாத் வரவேற்புரை நிகழ்த்தினார்.
கூட்டத்தில் முதலில் பேசிய வடக்கு மாவட்ட செயலாளர், முன்னாள் அமைச்சர் பி.மூர்த்தி,
துடிப்போடு இருக்கும்
வழக்கறிஞர் அணி
நடந்து முடிந்த சட்டமன்ற தேர்தல் முடிவுகளை யாரும் எதிர்பார்க்கவில்லை, நாம் அ.தி.மு.க. வை எதிர்த்து தான் களமாடினோம், த.வெ.க. ஆட்சிக்கு வந்தது நம் கவனக்குறைவால் தான், உணர்வோடும் துடிப்போடும் இருக்கும் வழக்கறிஞர்அணி தி.மு.க.வில் தான் உள்ளது.
தி.மு.க. ஆட்சி இழந்தவுடன் தொண்டர்கள் சோர்வில் இருந்தார்கள், ஆனால் எதிர்க்கட்சித் தலைவர் உதயநிதி ஸ்டாலின் மீது இந்த அரசு பொய் வழக்கு போட்டவுடன் தி.மு.க.வில் உள்ள அனைவரும் அரை மணி நேரத்தில் நாடே திரும்பி பார்க்கும் வகையில் உணர்வுப் பூர்வமான போராட்டத்தை நடத்தினார்கள். சென்னையில் இருந்து தஞ்சாவூர் அழைத்து வரும் வரைதி.மு.க.தொண்டர்களிடையே ஒரு மிகப்பெரிய எழுச்சி ஏற்பட்டது.தி.மு.க.வழக்கறிஞர்கள் அணியில் உள்ள வழக்கறிஞர்களுக்கு சில பல குறைகள் மனதில் இருந்தாலும் மாற்றுக் கட்சியில் சிலர் எதையாவது எதிர்ப்பார்த்து போகலாம். ஆனால் எதையும் எதிர்பார்க்காமல், எதற்கும் ஆசைப்படாமல் இயக்கம் மட்டுமே முக்கியம் என்று உள்ளவர்கள் தி.மு.க. வில் தான் அதிகம் உள்ளார்கள்.எதுவுமே தெரியாமல் இந்த ஆட்சி நடந்து வருகிறதுஎன்றார்
அதனைத் தொடர்ந்து தலைமையுரை ஆற்றிய தி.மு.க. சட்டத்துறை செயலாளர் என்.ஆர்.இளங்கோ தமிழகவெற்றிக் கழக ஆட்சியில் யாருக்கும் சட்டமும் தெரியவில்லை, சட்டத்தை சொல்லி தர ஆளும் இல்லை.ஒருவர் மீது எதற்காக வழக்கு போடுகிறோம் என்பதை ஆய்வு செய்ய கூட தெரியவில்லை. தி.மு.க.வில் உள்ள வழக்கறிஞர்கள்எங்கேயாவது பிரச்சினை என்றால் நாம் முதல் ஆளாக சென்று நிற்க வேண்டும். முன்னாள் அமைச்சராக இருந்தாலும், தொண்டராக இருந்தாலும் எல்லோருக்கும் பாதுகாப்பு வழங்க வேண்டும்.
கைது செய்யப்படுவதற்கு முன்பாக தகவல் தெரிந்தால் உயர்நீதிமன்றத்தில் முன்ஜாமின் பெற ஏற்பாடு செய்ய வேண்டும். தி.மு.க.வில் உள்ள வழக்கறிஞர்களுக்கு அரசியல் உணர்வு இருந்தால் மட்டும் போதாது, சட்டத்தையும் நன்றாக படிக்க வேண்டும்,
இந்த சர்வாதிகார ஆட்சியில் தி.மு.க.வில் உள்ளவர்கள் எதற்காகவும், எப்போதும் கைது செய்யப்படலாம், ஆனால் சட்டத்திற்கு புறம்பாக செய்யும் எந்த ஒரு கைதையும்தி.மு.க.அனுமதிக்காது,அதை எதிர்த்து போராடும்,தி.மு.க.வழக்கறிஞர்கள் அணிமாநாடு சென்னையில் நடத்த திட்டமிடப்பட்டுள்ளது.
மிக விரைவில் தேர்தல் வரும்.உள்ளாட்சி தேர்தல் வருவதற்கு முன் சட்டமன்ற தேர்தல் வருவதற்கும் வாய்ப்பு உள்ளது, அதற்கும் தி.மு.க. வழக்கறிஞர் அணியினர் தயாராக இருக்க வேண்டும்” என்றார்.
மேலும்இக்கூட்டத்தில் திருநெல்வேலி கிழக்கு மாவட்ட செயலாளர் கிரகாம்பெல், தென்காசி தெற்கு மாவட்ட செயலாளர் ஜெயபாலன், முன்னாள் உயர்நீதிமன்ற அரசு வழக்கறிஞர் வீர கதிரவன் உள்ளிட்ட தென் மாவட்டத்தைச் சேர்ந்தநூற்றுக்கணக்கான கழக சட்டத்துறை வழக்கறிஞர்கள்
பங்கேற்றனர்.
முடிவில்மதுரை மாநகர் மாவட்ட வழக்கறிஞர் அணி அமைப்பாளர் தேவசேனன், மதுரை தெற்கு மாவட்ட வழக்கறிஞர் அணி அமைப்பாளர் சிவனேசன் உள்ளிட்டோர் நன்றி கூறினர்.