சென்னை, ஆக. 11 –

காவி­ரிக்­காக அனைத்­துக் கட்­சிக் கூட்­டத்தை கூட்­டத் தயங்­கும் முதல்­வர் தொகுதி மறு­வ­ரை­ய­றைக்­காக கூட்­டம் போடு­வது தேவை­யில்­லாத ஆணி­க­ளைப் பிடுங்­கு­வ­தற்கு ஒப்­பா­கும் என 10.8.2026 தேதிய ‘தின­க­ரன்’ நாளேடு எதற்­காக எம்.பி.க்கள் கூட்­டம்? எனும் தலைப்­பில் எழு­திய தலை­யங்­கத்­தில் சாடி­யுள்­ளது.

இது குறித்து ‘தின­க­ரன்’ நாளேடு வெளி­யிட்­டுள்ள தலை­யங்­கம் வரு­மாறு:

தமி­ழ­கத்­தில் தற்­போது காவிரி நீர், மேக­தாது பிரச்­சினை, விவ­சா­யி­கள் போராட்­டம், தொழில்­து­றை­யில் பின்­ன­டைவு என பல பிரச்­சி­னை­கள் நில­வு­கின்­றன. இதை எல்­லாம் ஆளும் தவெக அரசு கண்­டு­கொள்­வ­தாக இல்லை. மக்­கள் பிரச்­சி­னை­களை திசை திருப்ப திடீ­ரென தொகுதி மறு­வ­ரை­யறை விவ­கா­ரம் தொடர்­பாக தமி­ழக எம்.பி.க்கள் கூட்­டத்தை கூட்டி நாட­க­மா­டி­யுள்­ளது. கூட்­டத் ­தில் தி.மு.க., அ.தி.மு.க., தே.மு. தி.க., பா.ம.க., ம.நீ.ம. எம்.பி.க் கள் பங்­கேற்­க­வில்லை என்­பது பாராட்ட வேண்­டிய விஷ­யம்.

தமிழ்­நாடுஅர­சி­யல் காவிரி பிரச்­சி­னை­யில் கர்­நா­டக காங்­கி­ரசை காப்­பாற்ற, த.வெ.க. அர­சால் தொகுதி மறு­வ­ரை­யறை கூட்­டம் நடத்­தப்­பட்­டதோ என்­கிற சந்­தே­க­மும் பல­ருக்கு எழு­கி­றது. தொகுதி மறு­வ­ரை­யறை விவ­கா­ரம் தொடர்­பாக கடந்த தி.மு.க. ஆட்­சிக்­கா­லத்­தில் எத்­த­னையோ போராட்­டங்­கள் நடத்­தப்­பட்­டன. தொகுதி மறு­வ­ரை­ய­றைக்கு எதிர்ப்பு தெரி­வித்து, அனைத்­துக் கட்­சிக் கூட்­டம் மட்­டு­மின்றி, தமி­ழக சட்­ட­மன்­றத்­தில் ஒரு­ம­ன­தாக தீர்­மா­ன­மும் நிறை­வேற்­றப்­பட்­டது.

தி.மு.க.வின் அழைப்­பினை ஏற்று அப்­போது சென்­னைக்கே 5 மாநில முதல்­வர், பல்­வேறு கட்­சித் தலை­வர்­கள் வந்து தொகுதி மறு­வ­ரை­ய­றைக்கு எதி­ரா­கக் குரல் கொடுத்­த­னர். தொகுதி மறு­வ­ரை­யறை விவ­கா­ரத்­தில் தென்­மா­நி­லங்­க­ளின் உரி­மை­களை நிலை­நாட்­டிட, தி.மு.க. உள்­ளிட்ட எதிர்க் ­கட்­சி­க­ளின் எம்.பி.க்கள், தொகுதி மறு­வ­ரை­யறை மசோ­தா­வுக்கு எதி­ராக வாக்­க­ளிக்க கேட்­டுக்கொள்­ளப்­பட்­ட­னர். இதன் கார­ண­மாக அந்த மசோதா தோற்­க­டிக்­கப்­பட்­டது.

பா.ஜ. ஆட்­சிக்கு வந்­த­பி­றகு முதன் முத­லாக ஒரு மசோதா தோற்­க­டிக்­கப்­பட்­டது என்­றால், அது தொகுதி மறு­வ­ரை­யறை மசோதா தான். அதில் தி.மு.க. வின் பங்­க­ளிப்பு பிர­தா­ன­மாக இருந்­தது. அந்த மசோதா மீண்­டும் கொண்டு வரப்­பட உள்­ள­தாக பாரா­ளு­மன்ற மினிட்­டில் தக­வல் கூட இல்லை. இந்­நி­லை­யில் த.வெ.க. அரசு, அனைத்­துக் கட்சி எம்.பி.க்கள் கூட்­டத்தை கூட்­டி­யது விந்­தை­யாக உள்­ளது.

அதி­லும் காங்­கி­ரஸ் உள்­ளிட்ட ஒரு சில கட்சி எம்.பி.க்களை வைத்­துக் கொண்டு, தமி­ழ­கத்­தின் உரி­மை­களை பாது­காக்க சட்­டப் பேர­வை­யில் தீர்­மா­னம் நிறை­வேற்­றிட, அவர்­கள் தீர்­மா­னித் ­துள்­ள­னர். தேர்­த­லுக்­குப் பின்­னர் தி.மு.க.வின் முது­கில் குத்­தி­விட்டு வெளி­யேறி காங்­கி­ரஸ் கட்­சி­யா­னது, தற்­போது த.வெ.க. பக்­கம் நின்று கொண்டு, திரா­விட கட்­சி­கள் குறித்து எவ்­வித முடி­வுக்­கும் வர முடி­யா­மல் திண்­டா­டு­கி­றது.

இந்­திய அர­சி­யல் களத்­தில் தற்­போ­தைக்கு சி.ஜே.பி.யின் எழுச்சி, இந்­தியா கூட்­ட­ணி­யில் விரி­சல், பா.ஜ.வின் பலம் ஆகி­ய­வற்றை அனு­மா­னிக்க முடி­யா­மல் காங்­கி­ரஸ் திண்­டா­டு­கி­றது. இந்­திய அள­வில் தி.மு.க.வின் அடுத்த கட்ட செயல்­பா­டு­களை அறிந்து கொள்ள முடி­யா­மல் தவிக்­கும் காங்­கி­ரஸ், தமி­ழ­கத்­தில் தங்­கள் தூது­வ­ரான த.வெ.க. மூலம் சில அர­சி­யல் சதி­ராட்­டத்தை நடத்­திட முற்­பட்­டுள்­ளது.

அதற்கு அவர்­கள் கையில் எடுத்­துள்ள ஆயு­தமே துருப்­பி ­டித்த தொகுதி மறு­வ­ரை­யறை விவ­கா­ர­மா­கும். தொகுதி மறு­வ­ரை­யறை மசோதா விஷ­யத்­தில் தமி­ழக கட்­சி­கள் ஒருங்­கி­ணைந்து செயல்­பட வேண்­டும் என கம்­யூ­னிஸ்­டு­க­ளும் தெரி­வித்து வரு­வது குறிப்­பி­டத்­தக்­கது.

காவிரி பிரச்­சி­னைக்­காக அனைத்­துக் கட்­சிக் கூட்­டத்தை கூட்­டுங்­கள் என தி.மு.க. உள்­ளிட்ட எதிர்க்­கட்­சி­கள் தின­மும் கோரிக்கை வைத்து வரு­கின்­றன. சட்­ட­ச­பை­யில் கூட அனைத்­துக் கட்­சி­க­ளும் அதற்­காக குரல் கொடுக்­கின்­றன. ஆனால் காவி­ரிக்­காக அனைத்­துக் கட்­சிக் கூட்­டத்தை கூட்­டத் தயங்­கும் தமி­ழக முதல்­வர், தொகுதி மறு­வ­ரை­ய­றைக்­காக கூட்­டம் போடு­வது தேவை­யில்­லாத ஆணி­க­ளைப் பிடுங்க முற்­ப­டு­வ­தா­கும். இப்­போ­தைக்கு எது பிரச்­சி­னையோ, அதற்­கான விவா­தமே தமி­ழ­கத்­தின் நல­னைக் காப்­ப­தா­கும்.