அ டக்குமுறை

காலத்தில்

அடிமையாய் இருந்த தமிழனை

தலை நிமிர செய்த நாளிதழ்!

1942 –-ல் துண்டறிக்கையாய்

உதித்து

1948 – ல்

வார இதழாக மெருகேறி

1960 – ல்

நாளிதழாக அரங்கேறிய முரசொலியே!

தலைவர் கலைஞர் பேனா உதிர்த்த முத்துக்களால்

தமிழர்க்கு தன்மானம் –

சுயமரியாதை –

பகுத்தறிவு

என்கிற சொத்துக்களை

மீட்டெடுத்தாய்!

கலைஞரின்

உடன்பிறப்பே என்கிற மடலால்

உயிர்த்தெழுந்த தமிழினம்

தளபதியின்

உங்களில் ஒருவன் மடலால் ஒன்றிணைந்தது!

இன்றைய செய்தி நாளைய வரலாறு

ஆம்

வரலாறாய் மட்டுமில்லாமல்

எதிர்வரும் தலைமுறைக்கும் கல்வெட்டாய்

காட்சி தரும் முரசொலியே!

உனதொலி எதிரிகளின் செவிப்பறையை கிழிக்கட்டும்

துரோகிகளின் முகத்திரையை விலக்கட்டும்

எட்டுத்திக்கும்

உனது முரசு ஒலிக்கட்டும்!

நூற்றாண்டு விழா காணப்போகும் கலைஞரின்

மூத்த பிள்ளையே...

வைரவிழா கண்ட கழகத்தின் செல்லப்பிள்ளையே

பவள விழா கடந்து நூறாண்டை

நோக்கிப் பயணிக்கும்

எங்கள் முரசொலியே

வாழிய வாழியவே...........!