புதுடெல்லி, ஆக.12–
2014-ஆம் ஆண்டிலிருந்து ஒன்றிய அரசால் உருவாக்கப்பட்ட வேலைவாய்ப்புகளின் விவரங்கள் என்ன? என்றும் வேலை வாய்ப்பு உருவாக்கத்தில் ஆண்டு வாரியான இலக்குகள், எட்டப்பட்ட சாதனைகள் மற்றும் பற்றாக்குறை ஏதேனும் இருப்பின் அதற்கான காரணங்கள் என்ன என்றும் ஒன்றிய தொழிலாளர் மற்றும் வேலைவாய்ப்புத் துறை அமைச்சர் மன்சுக் மாண்டவியா அவர்களிடம் கழக நாடாளுமன்றக் குழுத் துணைத் தலைவரும் மத்திய சென்னை நாடாளுமன்ற உறுப்பினருமான தயாநிதி மாறன் பல கேள்விகளை எழுப்பியுள்ளார்.
அதன் விவரங்கள் வருமாறு:-
அரசின் முக்கிய வேலை வாய்ப்பு திட்டங்களின் கீழ் 2014-ஆம் ஆண்டு முதல்
உருவாக்கப்பட்ட உண்மையான வேலைவாய்ப்புகள் குறித்து அரசு ஏதேனும் விரிவான ஆய்வை நடத்தியுள்ளதா? அவ்வாறெனில், அத்திட்டங்கள் மற்றும் ஆண்டு வாரியாக அதன் விவரங்கள் என்ன?
2014-ஆம் ஆண்டிலிருந்து சரிபார்க்கக்கூடிய வகையில் உருவாக்கப்பட்ட நிகர வேலைவாய்ப்புகளின் விவரங்கள் என்ன? அவற்றில் நிரந்தர வேலைவாய்ப்பு, ஒப்பந்த அடிப்படையிலான வேலைவாய்ப்பு, தற்காலிக வேலைவாய்ப்பு, சுயதொழில் மற்றும் (Gig/platform-based) அடிப்படையிலான வேலைவாய்ப்புகளுக்கு இடையிலான வேறுபாடுகளை குறிப்பிடுவ துடன், அத்தகைய வேலைவாய்ப்புகள் உண்மையானவை, தொடர்ந்து நீடிப்பவை மற்றும் இரட்டிப்புப் பதிவு இல்லாதவை என்பதை உறுதி செய்ய அரசு பின்பற்றிய வழிமுறைகள் என்ன?
வேலைவாய்ப்புஉருவாக்கம் தொடர்பான வாக்குறுதிகளுக்கும், 2014-ஆம் ஆண்டு முதல் மேற்கொள்ளப்பட்ட உண்மையான வேலைவாய்ப்பு முடிவு
களுக்கும் இடையிலான இடைவெளியை அரசு ஆய்வு செய்துள்ளதா? அவ்வாறெனில், ஆண்டு
வாரியான இலக்குகள், எட்டப்பட்ட சாதனைகள் மற்றும் பற்றாக்குறை ஏதேனும் இருப்பின் அதற்கான காரணங்கள் உள்ளிட்ட விவரங்கள் என்ன?
2014-ஆம் ஆண்டு முதல், ஆண்டு வாரியாக பணிக்கு முதன்முறையாக நுழைந்தவர்களின் மொத்த எண்ணிக்கை; EPFO, ESIC (Employees’ State Insurance Corporation) தேசிய ஓய்வூதியத் திட்ட (NPS) சந்தாதாரர்களின் மொத்த எண்ணிக்கை; ஏற்கனவே உள்ள தொழிலாளர்களின் பணி முறைப்படுத்தலாக (formalisation) இல்லாமல், உண்மையான புதிய வேலைவாய்ப்புகளைக் குறிப்பதாகத் தனித்தனியாகச் சரிபார்க்கப்பட்டவர்களின் எண்ணிக்கை ஆகியவற்றின் விவரங்கள் என்ன?
இவ்வாறு அவர் கேள்வி எழுப்பினார்.