புதுடெல்லி, ஆக. 12 –
தமிழ்நாட்டில் ஆயுர்வேதம் மற்றும் மருத்துவ மூலிகைகள் தொடர்பான பாரம்பரிய அறிவைக் கொண்டுள்ள உள்ளூர் சமூகங்கள், பாரம்பரிய மருத்துவர்கள் மற்றும் பழங்குடியினரின் உரிமைகளைப் பாதுகாத்து, அவர்களுக்கு உரிய நியாயமான பலன்கள் கிடைப்பதை உறுதி செய்ய ஒன்றிய அரசு மேற்கொண்டுள்ள நடவடிக்கைகள் குறித்து தருமபுரி நாடாளுமன்ற உறுப்பினர் ஆ.மணி மக்களவையில் கேள்வி எழுப்பினார்.
அவர் எழுப்பிய கேள்வியில், தமிழ்நாட்டில், குறிப்பாக தருமபுரி உள்ளிட்ட மாவட்டங்களில், ஆயுர்வேதம் மற்றும் மருத்துவ மூலிகைகள் தொடர்பான பாரம்பரிய அறிவைக் கொண்டுள்ள பழங்குடியினர் மற்றும் உள்ளூர் சமூகங்களின் அறிவுசார் உரிமைகளைப் பாதுகாக்கவும், அவர்கள் பெற வேண்டிய நியாயமான பலன்களை உறுதி செய்யவும் ஒன்றிய அரசு மேற்கொண்டுள்ள நடவடிக்கைகள் என்ன?
மேலும், ஆயுஷ் மருந்து தயாரிப்பு நிறுவனங்கள், மூலிகை வியாபாரிகள் மற்றும் பாரம்பரிய அறிவைக் கொண்டுள்ள சமூகத்தின ருக்கு இடையே ஏற்படுத்தப்படும் பலன் பகிர்வு முறைகளை ஒழுங்குபடுத்துவதற்கான நடைமுறைகள் என்ன என்பதையும், பாரம்பரிய அறிவை அனுமதியின்றி வணிகரீதியாகப் பயன்படுத்துவதைத் தடுப்பதற்கான பாதுகாப்பு நடவடிக்கைகள் குறித்தும் அவர் கேள்வி எழுப்பினார்.
கடந்த 5 ஆண்டுகளில் தமிழ்நாட்டில் தகுதியுள்ள பழங்குடியினர் மற்றும் உள்ளூர் சமூகங்களுக்கு நிதியுதவி, ராயல்டி, திறன் மேம்பாட்டுப் பயிற்சிகள் மற்றும் சமூக மேம்பாட்டுத் திட்டங்கள் வழங்கப்பட்டுள்ளனவா? அவ்வாறு வழங்கப்பட்டி ருந்தால், மாவட்ட வாரியான விவரங்கள் என்ன ?
பாரம்பரிய அறிவைக் கொண்டுள்ளவர்களின் உரிமைகளை வலுப்படுத்தவும், நிர்வாகத்தில் வெளிப்படைத்தன்மையை ஏற்படுத்தவும், அவர்களின் பாரம்பரிய அறிவுக்கு சட்டப்பூர்வ பாதுகாப்பு வழங்கவும், அவர்களுக்கு உரிய நியாய மான இழப்பீடு மற்றும் பலன்கள் கிடைப்பதை உறுதி செய்யவும் ஒன்றிய அரசு மேற்கொள்ள உள்ள அடுத்தகட்ட நடவடிக்கைகள் என்ன? என்றும்
மத்திய ஆயுஷ் அமைச்சகத்தின் இணை அமைச்சர் (தனி பொறுப்பு) பிரதாப்ராவ் ஜாதவ்விடம் தருமபுரி நாடாளுமன்ற உறுப்பினர் ஆ.மணி கேள்வி எழுப்பி உள்ளார்.