திருவாரூர், ஆக-.12- –
த.வெ.க. அரசு தற்போது அறிவித்துள்ள மருத்துவ காப்பீடு திட்டங்கள் காப்பீட்டு நிறுவனத்திற்கு சாதகமாகவும் ஊழியர்களுக்கு பாதகமாகவும், இருப்பதாக ஓய்வு பெற்ற காவல் அலுவலர் நல சங்கத்தினர் குற்றம்சாட்டி யுள்ளனர்.
திருவாரூர் மாவட்ட ஓய்வு பெற்ற காவல் அலுவலர் நல சங்கத்தின் செயற்குழு மற்றும் பொதுக்குழு கூட்டம் திருவாரூரில் நடைபெற்றது.
கூட்டத்தில் பேசிய நிர்வாகிகள் இன்றைக்கு நாட்டு மக்கள் அமைதியாகவும், பாதுகாப்பாகவும் வாழ்வதற்கு காவலர்களின் பங்கு மகத்தானது. ஆனால் நாட்டு மக்களுக்காக தங்களை அற்பணித்துகொண்டு இரவு பகல் பராமல் பணியாற்றும் காவலர்கள் பெறும் ஊதியம் என்பது மிகமிக குறைவானது. காவலர் பணி செம்மையாக அமைந்திடவும், அவர்களது குடும்பங்கள் நலனை பாதுகாத்திடவும் த.வெ.க. அரசு பல்வேறு சிறப்பு திட்டங்களை நடப்பு பட்ஜெட் கூட்டத்தொடரில் அறிவிக்க வேண்டும் என வலியுறுத்தினர்.
தொடர்ந்து நடைபெற்ற கூட்டத்தில் தவெக அரசு புதிதாக அறிவித்துள்ள மருத்துவக் காப்பீட்டு திட்டமானது ஓய்வு பெற்ற மற்றும் பணியில் உள்ள ஊழியர்களுக்கு பாதகமாகவும், காப்பீட்டு நிறுவனங்களுக்கு சாதகமாக மாற்றிஅமைக்கப்பட்டுள்ளது.இந்த மருத்துவகாப்பீட்டு திட்டத்தில் ஊழல் முறைகேடு நடந்திருக்குமோ என ஐயம் ஏற்பட்டுள்ளதாகவும்,
மத்திய, மாநில அரசுகள் 8வது ஊதிய குழுவின் பரிந்துரையை அனைத்து ஓய்வூதியர்களுக்கும் பாகுபாடின்றி அமல்படுத்த வேண்டும்,குடும்ப பாதுகாப்பு நிதியை ரூ.1.5 லட்சமாக உயர்த்தி வழங்குவதோடு, பணியில் உள்ள காவலர்களின் ஊதியம் தொடர்பாக தவெக தேர்தல் அறிக்கையில் கூறியபடி அரசு சம்பள உயர்வு வழங்க
வேண்டும்,
சட்டம் ஒழுங்கு பிரச்சனை யில்லாமல் இருந்திட காவல் நிலைய காவலர் பணியிடங்களை அதிகரிக்க வேண்டும், பழைய ஓய்வூதிய திட்டத்தை அமல்படுத்த வேண்டுதல் உள்ளிட்ட பல்வேறு தீர்மா னங்கள் நிறைவேற்றப்பட்டன.
திமுக ஆட்சியில் வழங்கப்பட்ட முதலமைச்சர் மருத்துவ காப்பீட்டு திட்ட பலன்கள் , இன்னுயிர் காப்போம் நம்மைகக்காக்கும் 48, இல்லம் தேடி மருத்துவம், மக்களைத்தேடி மருத்து வம் திட்டங்களைப் போல மக்களுக்கு பயன்தரும் உயிர்காக்கும் திட்டங்களை தவெக அரசு தொடர்ந்து செயல்படுத்தவேண்டும் என்பதே அனைத்து தரப்பு மக்களின் எதிர்பார்ப்பாக
உள்ளது.