திருவாரூர்,ஆக.12 –
சத்துணவு, அங்கன்வாடியில் பணிபுரிந்து ஓய்வூ பெற்றவர்களுக்கு அரசு குறைந்தபட்ச ஒய்வூதியம் கூட வழங்க மறுப்பதாக குற்றம்சாட்டி தமிழ்நாடு அரசு ஓய்வூதிய சங்கத்தினர் த.வெ.க. அரசைக் கண்டித்து திரு வாரூர் மாவட்ட ஆட்சியர் அலுவலகம் முன்பு கண்டன ஆர்ப்பாட்டத்தில்
ஈடுபட்டனர்.
தமிழ்நாடு அரசு ஓய்வூதியர் சங்க கூட்டமைப்பின் தலைவர் ஜெயராமன் தலைமையில் நடைபெற்ற ஆர்ப்பாட்டத்தில் பங்கேற்ற திரளான ஓய்வூதியர்கள் ஒன்பது அம்சகோரிக்கையினை விளக்கி பேசினர்.
இதில் முக்கியமாக தமிழக அரசு பழைய ஓய்வூதிய திட்டத்தை உடனடியாக அமல்படுத்த முன்வர வேண்டும்.
70 வயது முடிந்த ஓய்வூதியர்களுக்கு 10 சதவீதம் கூடுதலாக ஓய்வூதியத்தில் வழங்கவேண்டும்.
சத்துணவு மற்றும் அங்கன்வாடிகளில் பணிபுரிந்து ஓய்வூபெற்றவர்களுக்கு அரசு குறைந்தபட்ச ஓய்வூதியமாக ரூ.7850 வழங்கிடும் வகையில் உரிய நட வடிக்கை எடுக்கவேண்டும் என்பது உள்ளிட்ட முக்கிய கோரிக்கைகளை வலியுறுத்தி, த.வெ.க. அரசுக்கு எதிராக கண்டன முழக்கங்களை எழுப்பி ஆர்ப்பாட்டத்தில் ஈடுபட்டனர்.