புது­டெல்லி, ஆக. 12–

தமிழ்­நாட்­டின் கிரா­மப்­புற மற்­றும் பின்­தங்­கிய பகு­தி­க­ளில் இளை­ஞர்­க­ளுக்­கான திறன் மேம்­பாட்­டுப் பயிற்­சி­களை விரி­வு­ப­டுத்த மேற்­கொள்­ளப்­பட்­டுள்ள நட­வ­டிக்­கை­கள் குறித்து, காஞ்­சி­பு­ரம் மக்­க­ளவை உறுப்­பி­னர் க. செல்­வம் நாடா­ளு­மன்ற மக்­க­ள­வை­யில் எழுப்­பிய கேள்­விக்கு ஒன்­றிய திறன் மேம்­பாடு மற்­றும் தொழில்­மு­னை­வோர் அமைச்­ச­கம் பதி­ல­ளித்­துள்­ளது.

ஒன்­றிய அர­சின் ‘ஸ்கில் இந்­தியா மிஷன்’ திட்­டத்­தின் கீழ், கிரா­மப்­புற மற்­றும் வளர்ச்சி குறி­யீ­டு­க­ளில் பின்­தங்­கிய பகு­தி­கள் உள்­ளிட்ட தமிழ்­நாட்­டின் அனைத்து பகு­தி­க­ளி­லும் திறன் பயிற்சி, மறு­தி­றன் பயிற்சி மற்­றும் மேம்­பட்ட திறன் பயிற்­சி­கள் வழங்­கப்­பட்டு வரு­கின்­றன. பிர­தான் மந்­திரி கௌஷல் விகாஸ் யோஜனா (PMKVY), ஜன சி­க்ஷண் சன்ஸ்­தான் (JSS), தேசிய தொழிற்­ப­யிற்சி ஊக்­கு­விப்­புத் திட்­டம் (NAPS), தொழி­லா­ளர் பயிற்­சித் திட்­டம் (CTS) உள்­ளிட்ட பல்­வேறு திட்­டங்­கள் மூலம் இந்­தப் பயிற்­சி­கள் வழங்­கப்­ப­டு­கின்­றன.

பெண்­கள் மற்­றும் பின்­தங்­கிய சமூ­கத்­தி­ன­ருக்கு சிறப்பு கவ­னம்

PMKVY திட்­டத்­தின் கீழ், பட்­டி­ய­லி­னத்­த­வர், பழங்­கு­டி­யி­னர், பெண்­கள் மற்­றும் வளர்ச்சி குறி­யீ­டு­க­ளில் பின்­தங்­கிய மாவட்­டங்­கள் உள்­ளிட்ட பகு­தி­களை இலக்­கா­கக் கொண்டு சிறப்­புத் திட்­டங்­கள் செயல்­ப­டுத்­தப்­ப­டு­கின்­றன.

பெண்­கள், பழங்­கு­டி­யி­னர் மற்­றும் கிரா­மப்­பு­றங்­க­ளில் உள்ள பிற விளிம்­பு­நிலை சமூ­கத்­தி­ன­ரின் பங்­கேற்பை அதி­க­ரிக்க சிறப்பு கவ­னம் செலுத்­தப்­ப­டு­வ­தாக ஒன்­றிய அரசு தெரி­வித்­துள்­ளது. பயிற்­சிக்­காக பெண்­கள் மற்­றும் மாற்­றுத்­தி­ற­னா­ளி­க­ளுக்கு தங்­கு­மி­டம், உணவு மற்­றும் போக்­கு­வ­ரத்து வச­தி­க­ளும் வழங்­கப்­ப­டு­கின்­றன.

ஜன சி­க்ஷண் சன்ஸ்­தான் (JSS) திட்­டத்­தின் மூலம் பய­னா­ளி­க­ளின் இல்­லத்­திற்கே அரு­கில் முறை­சாரா திறன் பயிற்சி வழங்­கப்­ப­டு­கி­றது. தமிழ்­நாட்­டில் இந்­தத் திட்­டத்­தின் பய­னா­ளி­க­ளில் 90 சத­வீ­தத்­திற்­கும் மேற்­பட்­டோர் பட்­டி­ய­லி­னத்­த­வர், பழங்­கு­டி­யி­னர் மற்­றும் பிற பின்­தங்­கிய பிரி­வு­க­ளைச் சேர்ந்­த­வர்­கள். இதில் பெண்­கள் 86 சத­வீ­தம் என்­பது குறிப்­பி­டத்­தக்­கது.

தொழிற்­ப­யிற்­சி­யில் பெண்­க­ளின் பங்­கேற்பு அதி­க­ரிப்பு

தேசிய தொழிற்­ப­யிற்சி ஊக்­கு­விப்­புத் திட்­டத்­தின் (NAPS) கீழ் சேவைத் துறை­யில் புதிய தொழிற்­பி­ரி­வு­கள் அறி­மு­கப்­ப­டுத்­தப்­பட்­ட­தன் மூலம் பெண்­க­ளின் தொழிற்­ப­யிற்சி பங்­கேற்பு அதி­க­ரித்­துள்­ளது.

2024–25ஆம் ஆண்­டில் 22.79 சத­வீ­த­மாக இருந்த பெண்­கள் பயிற்­சி­யா­ளர்­க­ளின் பங்கு, 2025–26ஆம் ஆண்­டில் 25.80 சத­வீ­த­மாக உயர்ந்­துள்­ளது.

NAPS திட்­டத்­தின் கீழ், பயிற்சி பெறும் இளை­ஞர்­க­ளுக்கு மாதம் அதி­க­பட்­சம் ரூ.1,500 வரை உத­வித்­தொகை வழங்­கப்­ப­டு­கி­றது. இந்­தத் தொகை நேரடி பணப்­ப­ரி­மாற்­றம் (DBT) மூலம் பயிற்­சி­யா­ளர்­க­ளின் வங்­கிக் கணக்­கில் செலுத்­தப்­ப­டு­கி­றது.

மேலும், நாடு முழு­வ­தும் பெண்­க­ளுக்­காக பிரத்­யே­க­ மாக 19 தேசிய திறன் பயிற்சி நிறு­வ­னங்­க­ளும், 300–க்கும் மேற்­பட்ட தொழிற்­ப­யிற்சி நிறு­வ­னங்­க­ளும் (ITIs) செயல்­பட்டு வரு­கின்­றன. அனைத்து அரசு மற்­றும் தனி­யார் தொழிற்­ப­யிற்சி நிறு­வ­னங்­க­ளி­லும் அனைத்து பாடப்­பி­ரி­வு­க­ளி­லும் பெண்­க­ளுக்கு 30 சத­வீத இட­ஒ­துக்­கீடு வழங்க ஒன்­றிய அரசு ஒப்­பு­தல் அளித்­துள்­ளது.

நவீன தொழில்­நுட்­பப் பயிற்­சிக்கு முக்­கி­யத்­து­வம்

இளை­ஞர்­க­ளின் வேலை­வாய்ப்பை அதி­க­ரிக்­கும் வகை­யில், செயற்கை நுண்­ண­றிவு (AI), இயந்­தி­ரக் கற்­றல் (ML), ரோபோ­டிக்ஸ், மெக்­காட்­ரா­னிக்ஸ், ட்ரோன் தொழில்­நுட்­பம் உள்­ளிட்ட Industry 4.0 சார்ந்த புதிய தலை­முறை திறன் பயிற்­சி­கள் அறி­மு­கப்­ப­டுத்­தப்­பட்­டுள்­ளன.

மேலும், 5G நெட்­வொர்க் தொழில்­நுட்ப வல்­லு­நர், செயற்கை நுண்­ண­றிவு நிர­லாக்க உத­வி­யா­ளர், சைபர் பாது­காப்பு உத­வி­யா­ளர், ட்ரோன் தொழில்­நுட்ப வல்­லு­நர் உள்­ளிட்ட புதிய பாடப்­பி­ரி­வு­க­ளும் அறி­மு­கப்­ப­டுத்­தப்­பட்­டுள்­ளன.

IBM, CISCO, Microsoft, AWS உள்­ளிட்ட முன்­னணி தக­வல் தொழில்­நுட்ப நிறு­ வ­னங்­க­ளு­டன் புரிந்­து­ணர்வு ஒப்­பந்­தங்­கள் மேற்­கொள்­ளப்­பட்டு, தொழில்­து­றைக்கு தேவை­யான நவீன தொழில்­நுட்­பப் பயிற்­சி­கள் வழங்­கப்­பட்டு வரு­கின்­றன.

திறன் பயிற்சி – வேலை­வாய்ப்பு – தொழில்­மு­னைவு

Skill India Digital Hub (SIDH) என்ற ஒருங்­கி­ணைந்த டிஜிட்­டல் தளம் மூலம் திறன் பயிற்சி, கல்வி, வேலை­வாய்ப்பு மற்­றும் தொழில்­மு­னைவு வாய்ப்­பு­கள் ஒருங்­கி­ணைக்­கப்­பட்­டுள்­ளன. பயிற்சி பெற்­ற­வர்­க­ளின் விவ­ரங்­கள் இந்­தத் தளத்­தில் இடம்­பெ­று­வ­தால், அவர்­களை வேலை­வாய்ப்பு வழங்­கு­நர்­க­ளு­டன் இணைக்­க­வும், வேலை­வாய்ப்பு மற்­றும் தொழிற்­ப­யிற்சி வாய்ப்­பு­க­ளைப் பெற­வும் உத­வு­கி­றது.

மேலும், கௌசல் மகோத்­சவ் மற்­றும் பிர­தான் மந்­திரி தேசிய தொழிற்­ப­யிற்சி வேலை­வாய்ப்பு முகாம்­கள் நடத்­தப்­பட்டு, திறன் பயிற்சி பெற்­ற­வர்­க­ளுக்கு வேலை­வாய்ப்பு மற்­றும் தொழிற்­ப­யிற்சி வாய்ப்­பு­கள் ஏற்­ப­டுத்­தப்­ப­டு­கின்­றன.

ரூ.60,000 கோடி­யில் PM–SETU திட்­டம்

தொழிற்­ப­யிற்சி நிறு­வ­னங்­களை நவீ­னப்­ப­டுத்­தும் நோக்­கில் ரூ.60,000 கோடி முத­லீட்­டில் PM–SETU (Pradhan Mantri Skilling and Employability Transformation through Upgraded ITIs) திட்­டத்தை ஒன்­றிய அரசு தொடங்­கி­யுள்­ளது.

இதன் மூலம் நாடு முழு­வ­தும் 1,000 அரசு தொழிற்­ப­யிற்சி நிறு­வ­னங்­கள் நவீ­னப்­ப­டுத்­தப்­பட உள்­ளன. இதில் 200 மைய தொழிற்­ப­யிற்சி நிறு­வ­னங்­க­ளும், அவற்­று­டன் இணைக்­கப்­பட்ட 800 தொழிற்­ப­யிற்சி நிறு­வ­னங்­க­ளும் ‘Hub and Spoke’ முறை­யில் செயல்­ப­டும். வேலை­வாய்ப்பு, தொழில்­மு­னைவு மற்­றும் சுய­தொ­ழில் வாய்ப்­பு­க­ளுக்கு தேவை­யான திறன்­களை இளை­ஞர்­கள் பெறு­வ­தற்கு இத்­திட்­டம் உத­வும் என ஒன்­றிய அரசு தெரி­வித்­துள்­ளது.

காஞ்­சி­பு­ரம் மாவட்­டத்­தில் திறன் பயிற்சி விவ­ரங்­கள்

நாடா­ளு­மன்­றத்­தில் அளிக்­கப்­பட்ட இணைப்­புத் தக­வ­லின்­படி, கடந்த மூன்று ஆண்­டு­கள் மற்­றும் 2026 ஜூன் 30 வரை:

PMKVY திட்­டத்­தில்:

– 16 பயிற்சி மையங்­கள் செயல்­பட்­டுள்­ளன. – 5,666 பேர் பதிவு செய்­துள்­ள­னர். – 5,540 பேர் பயிற்சி பெற்­றுள்­ள­னர். – 4,201 பேர் சான்­றி­தழ் பெற்­றுள்­ள­னர்.

JSS திட்­டத்­தில்:

– 1 பயிற்சி மையம் செயல்­பட்­டுள்­ளது.– 5,576 பேர் பதிவு செய்­துள்­ள­னர்.– 5,276 பேர் பயிற்சி பெற்­றுள்­ள­னர். – 5,251 பேர் சான்­றி­தழ் பெற்­றுள்­ள­னர்.

NAPS திட்­டத்­தில்:

– 505 நிறு­வ­னங்­கள் பங்­கேற்­றுள்­ளன.– 1,14,521 பேர் தொழிற்­ப­யிற்­சி­யில் ஈடு­ப­டுத்­தப்­பட்­டுள்­ள­னர்.– 2,663 பேர் சான்­றி­தழ் பெற்­றுள்­ள­னர்.

CTS/ITI திட்­டத்­தில்:

– 8 தொழிற்­ப­யிற்சி மையங்­கள் உள்­ளன.– 1,191 பேர் பதிவு செய்­துள்­ள­னர்.– 518 பேர் பயிற்சி/மதிப்­பீடு பெற்­றுள்­ள­னர். – 439 பேர் சான்­றி­தழ் பெற்­றுள்­ள­னர்.

கிரா­மப்­புற மற்­றும் பின்­தங்­கிய பகு­தி­க­ளைச் சேர்ந்த இளை­ஞர்­கள், பெண்­கள் உள்­ளிட்ட அனைத்து தரப்­பி­ன­ருக்­கும் தொழில்­து­றை­யின் தேவைக்­கேற்ற திறன்­களை வழங்கி, வேலை­வாய்ப்பு மற்­றும் தொழில்­மு­னைவு வாய்ப்­பு­களை அதி­க­ரிப்­பதே இத்­திட்­டங்­க­ளின் நோக்­கம் என்று ஒன்­றிய திறன் மேம்­பாடுமற்­றும் தொழில்­மு­னை­வோர் அமைச்­ச­கம் தெரி­வித்­துள்­ளது.