சென்னை, ஆக. 12–
தொகுதி மறுவரையறையில் இரட்டை வேடம் போடும் நச்சுப் பாம்பான காங்கரசின் உண்மையான நிலைப்பாடு தான் என்ன? தொகுதி மறுவரையறை நிலைப்பாட்டில் ‘பல்டி’ தமிழ்நாட்டில் மட்டும் தானா? என மக்களவை கழகக் குழுத் துணைத் தலைவர் தயாநிதி மாறன் கடும் கண்டனம் தெரிவித்துள்ளார்.
கழக நாடாளுமன்றத் துணைத் தலைவரும் கழக விளையாட்டு மேம்பாட்டு அணிச் செயலாளருமான தயாநிதி மாறன் அவர்களின் வலைத்தள பதிவு பின்வருமாறு:-
Delimitation: தமிழ்நாட்டில் மட்டும் NoDelimitation நாடகம் ஏன்? தங்கள் Proxy அரசை வைத்து எம்.பி.க்கள் கூட்டம் நடத்தும் காங்கிரஸ், தான் ஆளும் நான்கு மாநிலங்களில் ஏன் அமைதியாக இருக்கிறது? தொகுதி மறுவரையறையை ஆதரித்த ரேவந்த் ரெட்டி அவர்களைக் கேள்வி கேட்கத் துணியுமா?
த.வெ.க. அரசைத் தூண்டிவிட்டு, தொகுதி மறுவரையறைக்கு எதிராகத் தமிழ்நாட்டில் எம்.பி.க்கள் கூட்டம் என்று நாடகமொன்றை அரங்கேற்றிய காங்கிரஸ் கட்சியின் உண்மையான நிலைப்பாடு தான் என்ன?
FairDelimitation என்ற நிலைப்பாட்டிலிருந்து NoDelimitation என்று அடித்திருக்கும் பல்டி தமிழ்நாட்டில் மட்டும்தானா? இல்லை, அனைத்து மாநிலங்களுக்கும் பொருந்துமா?
அப்படியெனில், காங்கிரஸ் ஆளும் நான்கு மாநிலங்களில் இப்படியான எம்.பி.க்கள் கூட்டத்தை ஏன் நடத்தவில்லை?
NoDelimitation என்று இங்கு நாடகமிடும் காங்கிரஸ் கட்சியின் முதலமைச்சர்களில் ஒருவரான ரேவந்த் ரெட்டி அவர்கள், Delimitation
நடந்தால் தெலங்கானா மாநிலத்தின் பிரதிநித்துவம் அதிகரிக்கும் என்று பேசியிருப்பது ஏன்?
தொகுதி மறுவரையறையில் தெளிவான நிலைப்பாடின்றி இருக்கும் காங்கிரஸ் கட்சி, தமிழ்நாட்டில் செய்வது PettyPolitics அன்றி வேறல்ல.
நச்சுப்பாம்பாக விளங்கும் காங்கிரஸ் கட்சியின் Proxy அரசை நடத்திக் கொண்டிருக்கும் ரீல்ஸ் கட்சியின் ரீல்களை மக்கள் நம்ப மாட்டார்கள்.
இவ்வாறு தயாநிதி மாறன் கண்டனம் தெரிவித்துள்ளார்.