புதுடெல்லி, ஆக. 12 –
வேலூர் மாவட்டத்தில் பல்வேறு சுற்றுலாத் திட்டப் பணிகளுக்காக ஒன்றிய அரசால் ஒதுக்கீடு செய்யப்பட்ட நிதி குறித்து நாடாளுமன்ற மக்களவையில் வேலூர் தொகுதி உறுப்பினர் டி.எம். கதிர் ஆனந்த் கேள்வி எழுப்பினார். கூடவே சுற்றுலா தலமாக மாற்றப்படுமா என்றும் கேட்டார்.
அவரது கேள்விகள் வருமாறு:
தமிழ்நாட்டில் வேலூர் மாவட்டத்தில் உள்ள குடியாத்தம் கங்கையம்மன் திருவிழா, வேலூர் நகரத்தின் புஷ்ப பல்லக்கு திருவிழா மற்றும் மலர் தோட்டங்கள், காய்கறிப் பயிரி டும் இடங்கள், மூலிகைத் தோட்டங்கள், பழத்தோட்டங்கள், வெற்றிலை சாகுபடி கொட்டகைகள் மற்றும் கோழிப்பண்ணை ஆகியவற்றைக் கொண்ட ‘அறிவுத்தோட்டம்’ வேளாண்- சுற்றுலா மையம் ஆகியவற்றை, அம்மாவட்டத்தின் முக்கிய சுற்றுலாத் தலங்களாக ஒன்றிய அரசு மதிப்பிட்டுள்ளதா?
சுற்றுலாப் பயணச் சுற்றுகள் (tourism circuits), விளம்பரப் பிரச்சாரங்கள் மற்றும் சுற்றுலாத் தல மேம்பாட்டுத் திட்டங்கள் மூலம் மேற்கூறிய இடங்களை ஊக்குவிக்க அரசு எடுத்துள்ள நடவடிக்கைகள் குறித்த விவரங்கள் தருக?
மேற்கூறிய இடங்கள் தொடர்பான சுற்றுலா உள்கட்டமைப்பு, பார்வையாளர்களுக்கான வசதிகள் மற்றும் ஊக்குவிப்பு நடவடிக்கைகளை மேம்படுத்துவதற்கு அரசு நிதி உதவி ஒதுக்கீடு செய்துள்ளதா? அல்லது நிதி ஒதுக்கீடு செய்ய உத்தேசித்துள்ளதா?
‘அறிவுத்தோட்டம்’ மூலம் நிலையான மற்றும் ரசாயனமற்ற விவசா யத்தை ஊக்குவிக்கும் அதே வேளையில், பள்ளி மற்றும் கல்லூரி மாணவர்கள், விவசாயிகள் மற்றும் பொதுமக்களின் வருகையை ஊக்குவிக்க எடுக்கப்பட்ட அல்லது எடுக்கப்பட்டு வரும் முயற்சிகள் குறித்த விவரங்கள்; மற்றும்
மேற்கூறிய இடங்களை தேசிய மற்றும் சர்வதேச அளவில் சுற்றுலாத் தலங்களாக முன்னிறுத்த அரசு எடுத்துள்ள நடவடிக்கைகள் குறித்த விவரங்கள் தருக?
இவ்வாறு அவர் கேட்டிருந்தாார்.
அதற்கு ஒன்றிய அரசின் கலாச்சாரம் மற்றும் சுற்றுலா துறை அமைச்சர் கஜேந்திர சிங் ஷெகாவத் அவர்களால் பதிலளிக்கப்பட்ட விவரம் வருமாறு:-
சுற்றுலா மேம்பாடு மற்றும் ஊக்குவிப்புப் பணிகள் முதன்மையாக அந்தந்த மாநில அரசுகள் அல்லது யூனியன் பிரதேச நிர்வாகங்களால் மேற்கொள்ளப்படுகின்றன. கண்காட்சிகள், திரு
விழாக்கள் மற்றும் சுற்றுலா தொடர்பான நிகழ்வுகளை நடத்துவதற்கும், சுற்றுலா உள்கட்டமைப்பை மேம்படுத்துவதற்கும் மாநிலங்கள் மற்றும்யூனியன் பிரதேசங்களுக்குமத்திய நிதியுதவி (CFA) வழங்குவதன் மூலம் சுற்றுலா அமைச்சகம் இம்முயற்சிகளுக்குத் துணைபுரிகிறது. இத்தகைய நிதியுதவி, திட்ட வழிகாட்டு தல்கள், நிதி இருப்பு மற்றும் சம்பந்தப்பட்ட மாநில அரசு அல்லது யூனியன் பிரதேச நிர்வாகத்திடமிருந்து தகுதி யான முன்மொழிவு களைப் பெறுதல் ஆகியவற்றிற்கு உட்பட்டது.
மேலும், தமிழ்நாடு உட்பட நாட்டின் பல்வேறு சுற்றுலாத் தலங்கள் மற்றும் அனுபவங்களை சுற்றுலா அமைச்சகம் பல்வேறு முன்னெடுப்புகள் மூலம் ஊக்குவித்து வருகிறது. சுற்றுலா கண்காட்சிகளில் பங்கேற்பது, சாலைவழி விளம்பர நிகழ்ச்சிகள் (roadshows) மற்றும் கள ஆய்வுப் பயணங்களை (FAM tours) ஏற்பாடு செய்வது, சமூக ஊடகத் தாக்கத்தை ஏற்படுத்துபவர்களுக்கான (influencers) நிகழ்ச்சிகள், சுற்றுலா நிகழ்வுகளை ஆதரித்தல் மற்றும் நடத்துதல், அத்துடன் டிஜிட்டல் மற்றும் சமூக ஊடகங்கள் வாயிலாகத் தகவல்களைப் பரப்புதல் ஆகியவற்றின் மூலம் இந்த ஊக்குவிப்புப் பணிகள் மேற்கொள்ளப்படுகின்றன.
குடியாத்தம் கங்கையம்மன் திருவிழா, வேலூர் நகர புஷ்ப பல்லக்கு திருவிழா அல்லது வேலூர் அறிவுத்தோட்டம் வேளாண் சுற்றுலா மையம் ஆகியவற்றிற்காக நிதியுதவி கோரி தமிழ்நாடு அரசிடமிருந்து எந்தவொரு முன்மொழி வையும் அமைச்சகம் பெறவில்லை.
மேலும், குறிப்பிட்ட சுற்றுலாச் சுற்றுப்பாதை (tourism circuit) எதுவும் உருவாக்கப்படவில்லை என்றும், இந்தச் சுற்றுலாத் தலங்களுக்காகத் தனியாக எந்த நிதியுதவியும் அனுமதிக்கப்படவில்லை என்றும் தமிழ்நாடு அரசு தெரிவித்துள்ளது.
தமிழ்நாட்டில் பல்வேறு சுற்றுலா உள்கட்டமைப்பு மேம்பாட்டுத் திட்டங்க ளின் கீழ் கண்காட்சிகள், திருவிழாக்கள், சுற்றுலா தொடர்பான நிகழ்வுகள் மற்றும் உள்கட்டமைப்புத் திட்டங்களை நடத்துவதற்காக சுற்றுலா அமைச்சகத்தால் அனுமதிக்கப்பட்ட நிதியுதவி குறித்த விவரங்களை விரிவாக தெரிவித்தார்.
இவ்வாறு அமைச்சர் தனது பதிலில் கூறியுள் ளார்.