புதுடெல்லி, ஆக. 13–

தமிழ்­நாட்­டில் கால்­நடை வளர்ச்சி மற்­றும் கால்­நடை மருத்­துவ சேவை­களை மேம்­ப­டுத்த ஒன்­றிய அரசு பல்­வேறு திட்­டங்­க­ளின் கீழ் நிதி­யு­தவி மற்­றும் தொழில்­நுட்ப ஆத­ரவை வழங்கி வரு­வ­தாக, காஞ்­சி­பு­ரம் நாடா­ளு­மன்ற உறுப்­பி­னர் க. செல்­வம் எழுப்­பிய கேள்­விக்கு ஒன்­றிய அரசு தெரி­வித்­துள்­ள­தா­வது:

தேசியகால்­நடை இயக்­கம் (NLM), கால்­நடை சுகா­தா­ரம் மற்­றும் நோய்க் கட்­டுப்­பாட்­டுத் திட்­டம் (LHDCP), தேசிய விலங்கு நோய்க் கட்­டுப்­பாட்­டுத் திட்­டம் (NADCP), கால்­நடை நோய்­க­ளைக் கட்­டுப்­ப­டுத்த மாநி­லங்­க­ளுக்கு உத­வும் திட்­டம் (ASCAD), நட­மா­டும் கால்­நடை மருத்­து­வப் பிரி­வு­கள் (MVUs) உள்­ளிட்ட திட்­டங்­கள் மூலம் தமிழ்­நாட்­டில் கால்­நடை மருத்­துவ சேவை­கள் வலுப்­ப­டுத்­தப்­பட்டு வரு­வ­தாக ஒன்­றிய அரசு தெரி­வித்­துள்­ளது.

ரூ.202.38 கோடி தடுப்­பூசி நிதி­யு­தவி

கடந்த ஐந்து ஆண்­டு­க­ளில் தமிழ்­நாட்­டிற்கு NADCP மற்­றும் CADCPதிட்­டங்­க­ளின் கீழ் கால்­ந­டை­ க­ளுக்கு தடுப்­பூசி செலுத்த ரூ.2,023.84 லட்­சம் நிதி­யு­தவி வழங்­கப்­பட்­டுள்­ளது. மேலும், 245 நட­மா­டும் கால்­நடை மருத்­து­வப் பிரி­வு­க­ளின் கொள்­மு­தல் மற்­றும் செயல்­பாட்­டிற்­காக ரூ.7,565.36 லட்­சம் வழங்­கப்­பட்­டுள்­ளது.

ASCAD திட்­டத்­தின் கீழ் கால்­நடை சுகா­தா­ரம் தொடர்­பான மாநில முன்­னு­ரி­மைப் பணி­க­ளுக்­காக ரூ.1,667.01 லட்­சம் வழங்­கப்­பட்­டுள்­ள­து­டன், இந்­தக் கால­கட்­டத்­தில் சுமார் 8.66 கோடி தடுப்­பூ­சி­கள் செலுத்­தப்­பட்­டுள்­ளன.

காஞ்­சி­பு­ரம் மாவட்­டத்­தில் 5.05 லட்­சம் தடுப்­பூ­சி­கள்

2025–26 மற்­றும் 2026–27ஆம் ஆண்­டில் ஆகஸ்ட் 5, 2026 வரை, தமிழ்­நாட்­டின் பல்­வேறு மாவட்­டங்­க­ளில் கால்­ந­டை­க­ளுக்கு தடுப்­பூசி செலுத்­தப்­பட்­டுள்­ள­தாக தெரி­விக்­கப்­பட்­டுள்­ளது.

அதன்­படி, காஞ்­சி­பு­ரம் மாவட்­டத்­தில் 5,05,826 கால்­ந­டை­க­ளுக்கு தடுப்­பூசி செலுத்­தப்­பட்­டுள்­ளது. மேலும், மாவட்­டத்­தில் 3 நட­மா­டும் கால்­நடைமருத்­து­வப் பிரி­வு­கள் (MVUs) செயல்­பட்டு வரு­கின்­றன.

காஞ்­சி­பு­ரத்­தில் கால்­நடை மருத்­துவ உட்­கட்­ட­மைப்பு மேம்­பாடு

2021 முதல் 2024 வரை­யி­லான கால­கட்­டத்­தில், மாநில அரசு அளித்த தர­வு­க­ளின்அடிப்­ப­டை­யில் காஞ்­சி­பு­ரம்மாவட்­டத்­தில் 3 கால்­நடைமருத்­துவ உட்­கட்­ட­மைப்­பு­கள் வலுப்­ப­டுத்­தப்­பட்­டுள்­ள­தாக ஒன்­றியஅரசு தெரி­வித்­துள்­ளது.

நோய் கண்­கா­ணிப்பு மற்­றும் இனப்­பெ­ருக்க மேம்­பாட்­டிற்கு நட­வ­டிக்­கை­கள் கால்­நடை நோய்­களை முன்­கூட்­டியே கண்­ட­றிந்து கட்­டுப்­ப­டுத்த மத்­திய நோய் கண்­ட­றி­யும்ஆய்­வ­கங்­கள், பிராந்­திய நோய் கண்­ட­றி­யும் ஆய்­வ­கங்­கள் மற்­றும் இந்­திய வேளாண் ஆராய்ச்சி கவுன்­சில் நிறு­வ­னங்­கள் மூலம் நோய் கண்­கா­ணிப்பு மேற்­கொள்­ளப்­ப­டு­கி­றது.

மேலும், ராஷ்ட்­ரிய கோகுல் மிஷன் மூலம் நாட்­டின் பாரம்­ப­ரிய கால்­நடை இனங்­க­ளைப் பாது­காத்­தல், மர­பணு மேம்­பாடு, பால் உற்­பத்தி மற்­றும்கால்­ந­டை­க­ளின் உற்­பத்­தித் திறனை உயர்த்­து­தல் போன்ற நட­வ­டிக்­கை­கள் மேற்­கொள்­ளப்­பட்டு வரு­வ­தாக ஒன்­றிய அரசு தெரி­வித்­துள்­ளது.

கால்­நடைவளர்ப்பு மாநி­லப் பாட­மாக இருந்­தா­லும், தமிழ்­நாடு உள்­ளிட்ட அனைத்து மாநி­லங்­க­ளி­லும்கால்­நடை சுகா­தா­ரம், உற்­பத்­தித் திறன் மற்­றும் விவ­சா­யி­ க­ளின் வரு­மா­னத்தை உயர்த்­து­வ­தற்­கான மத்­திய அர­சின் திட்­டங்­கள் தொடர்ந்துசெயல்­ப­டுத்­தப்­பட்டு வரு­வ­தாக ஒன்­றிய அரசுதெரி­வித்­துள்­ளது.