சென்னை, ஆக. 13–
மதுரையில் நடைபெற்ற கழகப் பொதுக்குழுவில் அறிவித்தபடி, கழகத் தலைவர் மு.க.ஸ்டாலின் அவர்கள் சாலை விபத்தில் மரணமடைந்த ஈரோடு வடக்கு மாவட்டத்தைச் சேர்ந்த சுரேஷ்குமார் - சேலம் மத்திய மாவட்டத்தைச் சேர்ந்த எம்.செந்தில்குமார் - விழுப்புரம் வடக்கு மாவட்டத்தைச் சேர்ந்த வி.ராஜ்கிரண் ஆகிய 3 குடும்பங்களுக்கு தி.மு.க. சார்பில் தலா ரூ.10 இலட்சம் வீதம் மொத்தம் 30 இலட்சம் ரூபாயினை நேற்று (12.8.2026) குடும்ப நிவாரண நிதியாக வழங்கினார். இதுவரை 30 கழக உறுப்பினர்களின் குடும்பங் களுக்கு ரூ. 3 கோடி வழங்கப்பட்டுள்ளது.
இதுகுறித்து தலைமைக் கழகம் வெளியிட்டுள்ள செய்திக் குறிப்பு வருமாறு:–
மதுரையில் 1.6.2025 அன்று நடைபெற்ற தி.மு.க. பொதுக்குழுக் கூட்டத்தில், கழகத்தலைவர் மு.க.ஸ்டாலின் அவர்கள், “கழக உறுப்பினர்கள் யாராவது எதிர்பாராத விதமாக சாலை விபத்தில் இறந்து போகும் சூழல் ஏற்பட்டால், இறந்த உறுப்பினரின் குடும்ப வாரிசுகள் 21 வயதுக்கு குறைவாக இருந்தால் அந்தக் குடும்பத்துக்கு தலைமைக் கழகத்தின் சார்பில் பத்து இலட்ச ரூபாய் நிவாரண நிதியாக வழங்கப்படும். அந்தப் பிள்ளைகளின் படிப்பு, குடும்பச் சூழலுக்கு இந்த நிதி உதவும்.” என்று அறிவித்திருந்தார்.
அந்த வகையில், விபத்தில் மரணமடைந்த
திண்டிவனம், இறையனூரைச் சேர்ந்த திருமதி சரிதா - -– இராமநாதபுரம் மாவட்டத்தைச் சேர்ந்த க.முத்தமிழ்ச்செல்வன் -– ஈரோடு மத்திய மாவட்டத்தைச் சேர்ந்த வே.சரவணன் -– திருவாரூர் மாவட்டத்தைச் சேர்ந்த எம்.விக்னேஷ் – - கடலூர் மேற்கு மாவட்டத்தைச் சேர்ந்த குப்புசாமி – காஞ்சிபுரம் வடக்கு மாவட்டத்தைச் சேர்ந்த கே.ஏ.ராம்பிரசாத் - – நாமக்கல் கிழக்கு மாவட்டத்தைச் சேர்ந்த கு.சரண்ராஜ் -– காஞ்சிபுரம் தெற்கு மாவட்டத்தைச் சேர்ந்த எஸ்.பிரகாசம் -– திருநெல்வேலி மேற்கு மாவட்டத்தைச் சேர்ந்த பி.மேகலிங்கம் -– சேலம் கிழக்கு மாவட்டத்தைச் சேர்ந்த ஆர்.முருகன் – - விழுப்புரம் மத்திய மாவட்டத்தைச் சேர்ந்த
மு.இராமதாஸ் -– நாமக்கல் கிழக்கு மாவட்டத்தைச் சேர்ந்த கு.சரவணகுமார், ஈரோடு வடக்கு மாவட்டத்தைச் சேர்ந்த எம்.லிங்கேஸ்வரன் – - மதுரை வடக்கு மாவட்டத்தைச் சேர்ந்த என்.திருப்பதி -– நாமக்கல் கிழக்கு மாவட்டத்தைச் சேர்ந்த ஜி.முத்து ராஜா-– இராமநாதபுரம் மாவட்டத்தைச் சேர்ந்த நா.மாரிமுத்து –- திருநெல்வேலி மேற்கு மாவட்டத்தைச் சேர்ந்த திருமதி பார்வதி (எ) உஷா – திருப்பூர் தெற்கு மாவட்டத்தைச் சேர்ந்த இ.பரத்குமார் -– தேனி தெற்கு மாவட்டத்தைச் சேர்ந்த ப.மணிகண்டன் –- ஈரோடு மத்திய மாவட்டத்தைச் சேர்ந்த
வி.கோபாலகிருஷ்ணன் – தருமபுரி கிழக்கு மாவட்டத்தைச் சேர்ந்த
பி.சண்முகம் – காஞ்சிபுரம் தெற்கு மாவட்டத்தைச் சேர்ந்த என்.கார்த்திக் – - திருநெல்வேலி மேற்கு மாவட்டத்தைச் சேர்ந்த எம்.முத்து சுரேஷ்ராஜா – விழுப்புரம் வடக்கு மாவட்டத்தைச் சேர்ந்த ஆர்.விக்னேஷ்ராஜ் -– ஈரோடு தெற்கு மாவட்டத்தைச் சேர்ந்த கல்வெட்டுபாளையம் பி.சரவணன் மற்றும் சூரம்பட்டி த.விஜயகுமார் - – கள்ளக்குறிச்சி தெற்கு மாவட்டத்தைச் சேர்ந்த
கு.ராமமூர்த்தி ஆகிய 27 குடும்
பத்திற்கு நிதியுதவிவழங்கியதைத் தொடர்ந்து;
ஈரோடு வடக்கு மாவட்டம், பவானி நகரத்தைச் சேர்ந்த சுரேஷ்குமார் அவர்கள் 17.08.2025 அன்று கவுந்தப்பாடி-பவானி சாலையில், பூலப்பாளையம் பிரிவுக்கு அருகில் இருசக்கரவாகனத்தில் சென்றபோது வேன் மோதிய விபத்தில் சிக்கியும் - சேலம் மத்திய மாவட்டம், சேலம், சின்னகொல்லப் பட்டி சேர்ந்த எம்.செந்தில்குமார் அவர்கள் கடந்த 12.7.2025 அன்று ஏற்காடு மெயின் ரோடு, சப்தகிரி டவர் எதிரே கார் மோதிய விபத்தில் சிக்கியும் -விழுப்புரம் வடக்கு மாவட்டம், திண்டிவனம், மாரிச்செட்டி குளத்தைச் சேர்ந்த வி.ராஜ்கிரண் அவர்கள், கடந்த 23.3.2026 அன்று சென்னையிலிருந்து தனது ஊருக்கு திரும்பி கொண்டிருந்தபோது, வண்டலூர் உயிரியியல் பூங்கா அருகே லாரி மோதி விபத்தில் சிக்கியும் உயிரிழந்த
இந்த 3 பேரின் குடும்பங்களுக்கும் குடும்ப நிவாரண நிதியாக, தலா ரூபாய் 10 இலட்சத்திற்கான காசோலையினை, கழகத் தலைவர் மு.க.ஸ்டாலின் அவர்கள்,
ஈரோடு வடக்கு மாவட்டம், பவானி நகரத்தைச் சேர்ந்த சுரேஷ்குமார் அவர்கள் மனைவி திருமதி ரம்யா அவர்களிடமும் - சேலம் மத்திய மாவட்டம், சேலம், சின்னகொல்லப்பட்டி சேர்ந்த எம்.செந்தில்குமார் அவர்களின் மனைவி திருமதி செ.தமிழ்ச் செல்வி அவர்களிடமும் -விழுப்புரம் வடக்கு மாவட்டம், திண்டிவனம், மாரிச்செட்டிகுளத்தைச் சேர்ந்த வி.ராஜ்கிரண் அவர்களின் மனைவி திருமதி ஆர்.மாலதி அவர்களிடமும் நேற்று (12.-8.-2026) காலை வழங்கினார்.