புது­டெல்லி, ஆக. 13 –

திரா­விட முன்­னேற்­றக் கழக, அரக்­கோ­ணம்நாடா­ளு­மன்ற உறுப்­பி­னர், டாக்­டர் எஸ். ஜெகத்­ரட்­ச­கன் நேற்று மக்­க­ள­வை­யில், நாட்­டின் ஆராய்ச்சி, புதுமை மற்­றும் தொழில்­நுட்­பத் திறன்­களை வலுப்­ப­டுத்த ஒன்­றிய அரசு மேற்­கொண்­டுள்ள நட­வ­டிக்­கை­கள் குறித்து கேள்வி எழுப்­பி­னார்.

இதற்கு ஒன்­றிய அர­சின் அறி­வி­யல் மற்­றும் தொழில்­நுட்­பத் துறை இணை அமைச்­சர் டாக்­டர் ஜிதேந்­திர சிங் அவர்­கள் அளித்த பதி­லில், உள்­நாட்டு ஆராய்ச்­சியை வலுப்­ப­டுத்த அதிக நிதி­யு­தவி, உல­க­ளா­விய திற­மை­யா­ளர்­களை ஈர்த்­தல், மேம்­பட்ட ஆராய்ச்சி உள்­கட்­ட­மைப்பு மற்­றும் ஆழ்­தொ­ழில்­நுட்­பப் புது­மை­க­ளுக்கு முக்­கி­யத்­து­வம் அளிக்­கப்­ப­டு­வ­தாக தெரி­வித்­தார்.

இந்­தியா ஏஐ இயக்­கம், இந்­தியா குறைக்­க­டத்தி இயக்­கம், தேசிய பசுமை ஹைட்­ர­ஜன் இயக்­கம், தேசிய குவாண்­டம் இயக்­கம் மற்­றும் ஆராய்ச்சி, மேம்­பாடு மற்­றும் புதுமை நிதி உள்­ளிட்ட திட்­டங்­கள் செயல்­ப­டுத்­தப்­பட்டு வரு­கின்­றன. அறி­வி­யல் மற்­றும் தொழில்­நுட்ப அமைச்­ச­கத்­தின் ஆராய்ச்சி நிதி ₹14,794.03 கோடி­யி­லி­ருந்து 2025-26ஆம் ஆண்­டில் ₹38,613.32 கோடி­யாக உயர்ந்­துள்­ள­தா­க­வும் தெரி­வித்­தார்.

அறி­வி­யல் திற­மை­யா­ளர்­ களை நாட்­டி­லேயே தக்­க­வைத்­துக்­கொள்ள ஆராய்ச்சி உத­வித்­தொ­கை­கள், மானி­யங்­கள் மற்­றும் இளம் விஞ்­ஞா­னி­ க­ளுக்­கான சிறப்பு திட்­டங்­கள் செயல்­ப­டுத்­தப்­ப­டு­கின்­றன. மேலும், ₹1 லட்­சம் கோடி ஆராய்ச்சி, மேம்­பாடு மற்­றும் புதுமை நிதி மூலம் உயர்­தர ஆராய்ச்­சிக்­கும், அறி­வி­யல் மற்­றும் தொழில்­நுட்­பம் சார்ந்த தொடக்க நிறு­வ­னங்­க­ளுக்­கும் வாய்ப்­பு­கள் உரு­வாக்­கப்­பட்­டுள்­ளன.

செயற்கை நுண்­ண­றிவு, குவாண்­டம் தொழில்­நுட்­பம், உயிரி அறி­வி­யல் மற்­றும் மேம்­பட்ட பொருட்­கள் துறை­க­ளில் 25 தொழில்­நுட்­பப் புதுமை மையங்­கள், நான்கு குவாண்­டம் கருப்­பொ­ருள் மையங்­கள் உள்­ளிட்ட நட­வ­டிக்­கை­கள் மேற்­கொள்­ளப்­பட்டு, நாட்­டின் அறி­வி­யல் சிறப்பு, தொழில்­நுட்­பத் தன்­னி­றைவு மற்­றும் உல­க­ளா­விய போட்­டித்­தி­றன் வலுப்­ப­டுத்­தப்­ப­டு­வ­தாக, மாண்­பு­மிகு அமைச்­சர் டாக்­டர் ஜிதேந்­திர சிங் அவர்­கள், டாக்­டர் எஸ். ஜெகத்­ரட்­ச­கன் அவர்­கள் எழுப்­பிய கேள்­விக்கு எழுத்­துப்­பூர்­வ­மாக அளித்த பதி­லில் தெரி­வித்­துள்­ளார்.