#Title

சென்னை 13.08.2026 தி.மு.க.வும் - அ.தி.மு.க.வும் ஒன்றல்ல; வேறு வேறு கட்சிகள்! ‘நீட்’ தேர்வு முறை ரத்து குறித்த தீர்மானத்தை தி.மு.க. ஆதரிக்கிறது! சட்டப் பேரவையில் கழகக் கொறடா எ.வ.வேலு பேச்சு!

சென்னை, ஆக. 13 –

தி.மு.க.வும், அ.தி.மு.க.வும் ஒன்றல்ல; வேறு வேறு கட்சிகள் எனவும் நீட் தேர்வு முறை ரத்து குறித்த தீர்மானத்தை தி.மு.க. ஆதரிக்கிறது எனவும்சட்டப் பேரவையில் கழகக் கொறடா எ.வ.வேலு பேசினார்.

கழகக் கொறடா எ.வ.வேலு பேசியது வருமாறு:–

எ.வ. வேலு: இந்த Live Telecast-க்கு முன்பு, இவ்வாறு பேசினால், பேரவைத் தலைவர் அவர்கள் அறைக்குச் சென்று, text-ஐப் படித்துவிட்டு எதை நீக்கலாம், என்ன நிலைமை என்று பார்க்கிற நடைமுறை ஏற்கெனவே இருந்தது. அப்போது பத்திரிகை நண்பர்களும் அதனை வெளியிடமாட்டார்கள். இப்போது அப்படியில்லை, இப்போது உங்களுடைய கட்டுப்பாட்டில் எல்லாமே live-ல் போகிறது. உடனுக்குடன், அப்போதே தீர்வு கண்டால்தான் இதற்கு ஒரு முடிவு வருமே யொழிய, நீங்கள் பின்னால் ஆய்வுசெய்வது என்ற முறையை கொஞ்சம் மாற்றிக் கொள்ள வேண்டும். உங்களை order போடுவதற்கு எனக்கு அதிகாரம் இல்லை. ஏனென்றால் இது சட்டமன்றம்; உங்களுடைய கட்டுப்பாடு என்பது தெரியும். தகவலாக உங்களுக்கு நான் சொல்கிறேன். அப்போதைக்கு அப்போதே முடிவு எடுத்துவிடுவதுதான் சரியாக இருக்குமேயொழிய, அது பின்னால் எடுப்பது என்பது சரியாக வராது.

அந்தந்த ஆட்சிவருகிறபோது தகுதியானவர்களுக்கு பட்டா கொடுக்கப்பட வேண்டுமென்றுதான் எல்லா அரசாங்கமும் நினைப்பார்கள். அதில் மாற்றுக்கருத்து இல்லை. ஆனால், 2006-–2011 காலகட்டத்தில், வருவாய்த் துறையினுடைய record-ஐ எடுத்துப்பார்க்கலாம். நீண்ட நெடிய காலமாக பட்டா இல்லையென்ற நிலையை மாற்றி, பத்தாண்டு காலம் எந்த இடத்தை அனுபவித்திருந்தாலும், அதை பட்டா செய்யலாம் என்று தளர்த்தி, அண்ணன் கலைஞர் அவர்கள் முதலமைச்சராக இருந்தபோது பட்டா வழங்கினார்கள். தமிழ்நாடே பாராட்டியது. திராவிட மாடல் ஆட்சியில் ஏற்கெனவேban இருந்தது. நகராட்சி பகுதியாக இருந்தால் 7 கி.மீ. முதல் 8 கி.மீ வரை பட்டா செய்யக்கூடாது என்று ban இருந்தது. அமைச்சரவையில், எங்களுடைய முதலமைச்சர் அவர்கள், திராவிட மாடல் ஆட்சியின் நாயகர், தளபதியார் அவர்கள் தமிழ்நாட்டில் இருக்கிற எல்லா நகராட்சிகள், பேரூராட்சிகளில் இந்தத் தடையை எடுத்துவிட்டு பட்டா கொடுக்கப்பட வேண்டுமென்று சொல்லி அனைவருக்கும் ஏனென்றால் நகராட்சியில் ஒரு இடம் இருக்கிறது என்று சொன்னால் கோடிக்கணக்கில் போகும்.

அப்படிப்பட்ட இடத்தை பட்டா செய்துகொடுத்தார் என்றுதான் சொல்கிறோம். வேறொன்றுமில்லை.

அனிதாவினுடைய நிகழ்வு என்பது தவிர்க்கப்பட வேண்டிய ஒன்று. ஆனால், அது நிகழ்ந்துவிட்டது.

ஆனால், எங்களுடைய தலைவர், முன்னாள் முதலமைச்சர் அவர்கள், நேரடியாக அவரது இல்லத்திற்குச் சென்று கலந்துகொண்டு அவர்களுடைய தேவைகளையெல்லாம்கூட பூர்த்தி செய்தார்கள் என்பதை நான் பதிவு செய்கின்றேன்.

‘நீட்’ தேர்வு தமிழ்நாட்டிற்குத் தேவையில்லை!

இந்த நீட் தேர்வு முறையை இரத்து செய்ய வேண்டி, தலைவர் ராகுல் காந்தி அவர்களும் மாணவர்களுடன் இணைந்து அவர்கள் நலனுக்காகத் தொடர்ந்து போராடிவருகிறார். நீட் தேர்வு தமிழ்நாட்டிற்குத் தேவையில்லை. நீட் தேர்வு தமிழ்நாட்டிற்குத் தேவையில்லை. இது கண்டிப்பாக ஒழிக்கப்பட வேண்டும். முதலமைச்சர் அவர்கள் கொண்டுவந்திருக்கிற இந்தத் தனித் தீர்மானத்தை நான் ஆதரிக்கிறேன், வரவேற்கிறேன்.

காங்கிரஸ் பேரியக்கம் ஆட்சியி லிருந்தபோது திராவிட முன்னேற்றக் கழகம் அதில் பங்குபெற்றது என்பது தவறான செய்தி அல்ல, அது உண்மையான செய்திதான். அப்போது நாமக்கல்லைச் சார்ந்த செ. காந்திசெல்வன் என்பவர் அப்போது அரசின் துணை மந்திரியாக தான் இருந்தார். அப்போது அவர் நீட் தேர்வை நாடாளுமன்றத்தில் அறிமுகப்படுத்தவில்லை. பொதுப் பணித் துறை அமைச்சர் அவர்களிடம் தெரிவித்துக்கொள்கிறேன். காங்கிரஸ் கட்சியின் அமைச்சர் அவர்கள் தெரிந்துகொள்ள வேண்டுமென்பதற்காக தெரிவிக்கிறேன்.

தமிழ்நாட்டிற்கு ‘நீட்’ ஒத்து வராது எனக் கூறியவர் கலைஞர்!

குலாம் நபி ஆசாத் அவர்கள் காங்கிரஸ் இயக்கத்தைச் சார்ந்த மூத்த அமைச்சர் ஆவார். அவர்தான் நாடாளுமன்றத்தில் அறிமுகப்படுத்திப் பேசினாரேயொழிய, நாடாளுமன்றத்தில் எப்போதுமே இணை அமைச்சர்கள் இதுபோன்றவற்றை அறிமுகப்படுத்த முடியாது; நாங்கள் இருந்தோம். ஆனால், அதே நேரத்தில் cabinet-ல் நாங்கள் தமிழ்நாட்டில் நீட் தேர்வை ஏற்றுக்கொள்ள மாட்டோம் என்று தமிழ்நாட்டு முதலமைச்சராக இருந்த கலைஞர் தெரிவித்த கருத்தும் அந்த cabinet-ல் தெரிவிக்கப்பட்டது.

தெரிவிக்கப்பட்டது மட்டுமல்ல; அப்போது முதலமைச்ச ராக இருந்த கலைஞர் அவர்கள் ‘தமிழ்நாட்டிற்கு நீட் ஒத்து வராது, நாங்கள் அறிமுகப்படுத்த மாட்டோம், ஏற்றுக்கொள்ள மாட்டோம் என்று தெரிவித்து கடிதம் எழுதினார்கள். அவர்களும் தமிழ்நாட்டில் நாங்கள் நிறைவேற்ற மாட்டோம் என்றும், ஏற்றுக்கொள்கிற மாநிலங்கள் ஏற்றுக்கொள்ளட்டும் என்றும் உத்தரவாதம் அளித்திருந்தார்கள். அதனால்தான் அவரது காலத்தில் தடை இருந்தது. அதன் பின்னர் மாநிலத்தினை ஆட்சி செய்த அம்மையார்அவர்கள் காலத்திலும் நீட் தேர்வு இங்கு வரவில்லை. அதுதான் வரலாறு.

நம்முடைய முன்னாள் முதலமைச்சர் அவர்கள் நீங்கள் சொன்னதுபோல் சிறப்பாக பேசிக்கொண்டிருந்தார். நாம் அனைவரும் அவருடைய பேச்சை கவனித்துக்கொண்டுதான் இருந்தோம். கடைசியாக, இறுதியாக அவர் ஒரு கருத்தைச் சொல்கிறபொழுது, அமைச்சர் பெருமக்கள் எழுந்து, அதற்குரிய விளக்கங்கள் என்ற பெயரில் சிலவற்றையெல்லாம் சொன்னார்கள். அது அவர்களுக்கு ஆத்திரத்தை மூட்டுகின்ற அளவிற்கு அந்த நிகழ்வு இங்கு நடைபெற்றுவிட்டது. அதற்காக நீங்கள் ஒரு நடுநிலையாகஇருந்து ஏதோ ஒரு தீர்ப்பு சொல்வதற்காகத்தான் அமைதிப்படுத்திக் கொண்டிருக்கிறீர்கள். உங்களுக்கு support செய்ய வேண்டும் என்ற அந்த அடிப்படையில்தான், ஏற்கெனவே வழக்கு மன்றத்திலே வழக்கு நடைபெற்றுக் கொண்டிருக்கிறது. அது ஒன்றும் தவறானது இல்லை என்று அவர் சொன்னார் அவ்வளவுதான். நீங்கள் அதற்காக அவருக்கு ruling கொடுக்கலாம். இல்லை, இல்லை நீங்கள் அதைச் சொல்லாதீர்கள் என்றுகூட சொல்லலாம். நாங்கள் இரண்டுபேரும் ஒன்றாக சேர்ந்துகொண்டு என்று ஒன்றைச் சொன்னீர்கள் பாருங்கள். அதுபோல் இல்லை. (குறுக்கீடுகள்) அதுமாதிரி கிடையாது. (குறுக்கீடுகள்) அந்த அவசியம் எங்களுக்குத் தேவையில்லை. (குறுக்கீடுகள்) அது எங்களுக்குத் தேவையில்லாத ஒன்று.

உள்நோக்கம்கற்பிக்க வேண்டிய அவசியம் எங்களுக்கு இல்லை!

பேரவைத் தலைவர்: இருவரும் ஒன்றாக சேர்ந்துவிடுவீர்கள் என்றுதான் நான் சொன்னேன்.

எ.வ. வேலு: உங்களுடைய பேச்சுக்கு உள்நோக்கம் கற்பிக்க வேண்டிய அவசியம் எங்களுக்கு இல்லை. அதை நாங்கள் செய்யவும் மாட்டோம்.

நாங்கள் எதிர்க்கட்சி என்ற அடிப்படையில்தான் எங்களுக்கு அந்தஸ்தெல்லாம் கொடுத்து, எங்களை எதிர்க்கட்சி என்று வைத்திருக் கிறீர்கள்.

உங்களுடைய பேச்சை முழுமையாக, நடுநிலையாக நீங்கள் நடத்திக் கொண்டிருப்பதுதான் எங்களுக்குக் கொடுக்கிற பாதுகாப்பு. அவருக்குப் பதில் சொல்ல வேண்டுமென்ற அடிப்படையில் ஏதோ ஒரு நிலையில் அப்படி நீங்கள் சொல்லிவிட்டீர்கள். ஆனால், அது அப்படியல்ல. நாங்கள் வேறு கட்சி; அவர்கள் வேறு கட்சி. அவர்களும் ஆண்ட கட்சி; நாங்களும் ஆண்ட கட்சி. அடுத்த முறை ஆள வேண்டுமென்று திட்டமிட்டிருக்கிற கட்சி எங்கள் கட்சி. அடுத்த முறை நாங்கள்தான் ஆள வேண்டுமென்று திட்டம் போட்டுக் கொண்டிருக்கிற கட்சி, எங்கள் கட்சி. இப்படிப்பட்ட நிலையில், அவர்களுடைய பிரச்சினையில் நீங்கள் தீர்ப்பதற்குத்தான் முயற்சி செய்ய வேண்டுமேயொழிய, அந்தக் குற்றச்சாட்டில் நாங்கள் இல்லை. அது மாதிரி நாங்களும், அவர்களும் ஒன்றாக இல்லை.

முரசொலி அலுவலகம்

பஞ்சமி நிலம் அல்ல!

சமூக நீதித் துறை அமைச்சர் அவர்கள், இந்த முரசொலி அலுவலகத்தைப் பொறுத்தமட்டில் வழக்கு மட்டத்தில் இருப்பதாக ஒரு செய்தியைப் பகிர்ந்துகொண்டார்கள். அரசு வருவாய்த் துறையே முரசொலி இடம் என்பது பஞ்சமி நிலம் இல்லை என்று அரசே ஏற்கெனவே நீதிமன்றத்தில் சொல்லிவிட்டது. அதனால் முழுக்க முழுக்க முரசொலி அலுவலகம் என்பது ஏற்கெனவே வாங்கப்பட்டது. அது பொதுவெளியில்தான் இருக்கிறதேயொழிய, வருவாய்த் துறையில்தான் இருக்கிறதே யொழிய, அது பஞ்சமி நிலம் என்பது இல்லை.

இவ்வாறு அவர் பேசினார்.