மாநிலஅரசுக்கு தங்களது கண்டனத்தை தெரிவிக்கின்ற வகையில் கழகத்தலைவரும் மற்றும் சட்டமன்ற உறுப்பிர்களும் கருப்புச்சட்டை அணிந்து சட்டமன்றத்திற்கு சென்றனர். கழகத்தலைவர் முயற்சியால் 15.03.2018 மாலை 3.00 மணிக்கு மீண்டும் பேரவை கூடியது. கழகத்தலைவர் தனது உரையில் மார்ச் 9 ஆம் தேதிக்கு முன்பே பேரவையைக் கூட்டி தீர்மானம் நிறைவேற்றிருக்க வேண்டும். காவிரி பிரச்சினையில் அனைத்துக்கட்சியும் சிந்தனையாலும், செயலாலும் ஒன்றுபட்டு இருக்கின்றது இந்த ஒற்றுமையை இந்தஅரசு முழுஅளவில் பயன்படுத்தி இருக்க வேண்டும் காவிரி மேலாண்மை வாரியம் முறை
படுத்தும் குழுவை அமைக்க உச்சநீதிமன்ற காலக்கெடு நிர்ணயித்த நிலையில் காலதாமதமாக செய்வது மிகுந்த கண்டனத்திற்கு உரியது என்றும் தீர்மானம் மூலம் தமிழக மக்களின் ஒட்டுமொத்த உணர்வும், ஒற்றுமை யும் ஒன்றிய அரசிற்குஉணர்த்தப்படுகிறது. இத்தீர்மானத்தை ஒன்றிய அரசு அவமதித்தால் தமிழக மக்களின் ஒட்டுமொத்த கோபத்தை மத்தியஅரசு எதிர்கொள்ள வேண்டிவரும் எனத்தெரிவித்து இத்தீர்மானத்திற்கு தி.மு.க. முழுமனதோடு ஆதரவு அளிப்பதோடு காவிரி மேலாண்மை வாரியத்தை மத்திய அரசு அமைக்காவிட்டால் தமிழகஅரசு சட்டமன்ற உறுப்பினர்கள் அனைவரும் இராஜினாமா செய்யவேண்டும் என்றும், தி.மு.க. உறுப்பினர்கள் அனைவரும் இராஜினாமா செய்யத் தயாராக இருக்கின்றோம் என்று அவையில் ஆற்றிய உரை உணர்வுப்பூர்வமானது, நேர்த்தியானது. அரசியலில் அவரின் முதிர்ச்சியை வெளிப்படுத்துகின்ற உரை என்பது தமிழக மக்கள்
அனைவரும் ஏற்றுக் கொண்டதாக அமைந்திருக்கின்றது.
டெல்லியில் நடைபெற்ற தென்மாநில அதிகாரிகள் கூட்டத்தில் உச்சநீதிமன்றத்தின் தீர்ப்பான காவிரி மேலாண்மை வாரியம்
அமைப்பதற்கு பதிலாக திட்டம் என்ற சொல் பயன்படுத்தப்பட்டு உச்சநீதிமன்ற தீர்ப்பினை நீர்த்துப்போக செய்கின்ற முயற்சியில் ஒன்றிய அரசு ஈடுப்பட்டு இருக்கின்றது என்பது மிக தெளிவாக தெரிகின்றது. உண்மையில் உச்ச உச்ச நீதிமன்ற தீர்ப்பின் நோக்கம் காவிரி மேலாண்மை வாரியம் அமைத்தல் என்பதனுடைய பொருள் என்னவென்றால் காவிரி மேலாண்மை வாரியப் பொறுப்பில் கபினி, ஹேமாவதி, ஹேரங்கி, யாக்காட்சி, சொர்ணநதி, கிருஷ்ணராஜ சாகர், லோயர், பவானி, அமரவதி, மேட்டூர், பனாசுராசாகர் இவ்வணைகள் அனைத்தும் இதன் கட்டுப்பாட்டில் வந்துவிடும்.
காவிரியில் சரியாக தண்ணீர் திறந்து
விடப்படுகிறதா என்பதனை ஒன்றிய நதிநீர் ஆணையம் உதவியுடன் காவிரி ஒழுங்காற்றுக்குழு கண்காணிக்கவேண்டும். தண்ணீர் திறந்துவிடுவதில் நீர்ஆதார மாநிலமான கர்நாடகம் தன்னிச்சையாக எந்த முடிவும் எடுக்க முடியாது
காவிரி மேலாண்மை வாரியம் மற்றும் ஒழுங்காற்றுக்குழு ஆறு வாரத்திற்குள் ஒன்றிய அரசு அமைக்கப்பட வேண்டுமென உச்ச நீதிமன்றம் அத்தீர்ப்பில் குறிப்பிட்டது போல் ஒன்றிய அரசு இதை கடைப்பிடிக்க வேண்டும். இதுதான் இந்த தீர்ப்பின் ஒரு பகுதி.
ஸ்கீம் என்ற வார்த்தையை பயன்படுத்தி ஒன்றிய அரசு திட்டமிட்டு காவிரி மேலாண்மை வாரியம் அமைக்காமல் கால தாமதப்படுத்தி காவிரி டெல்டா பகுதிகளை பாலைவனமாக்கவும் ஹைட்ரோகார்பன் திட்டம் மற்றும் பெட்ரோ கெமிக்கல் திட்டத்தை கொண்டு வந்து நிலத்தடி நீரை உறிஞ்சி அப்பகுதியை சுடுகாடு ஆக்கவும் எடுக்கப்பட்ட நடவடிக்கையை தமிழகத்தின் அன்றைய முதல்வர் ஒன்றிய அரசுக்கு கடுமையான கண்டனம் தெரிவிக்காமல் மௌனமாக இருந்தது கண்டிக்கத்தக்கது.
ஒன்றிய அரசு என்பது மாநிலங்களின் ஒன்றியம் என்பதனை(Union of States) மோடிஅரசு முற்றிலுமாக மறந்து சர்வாதிகாரமாக நடப்பது உயர்ந்த பதவியில் இருப்பதற்கு அழகல்ல. மாநிலம் என்பது கூட்டாட்சிக்கான அனைத்து அரசமைப்பு சட்டத்தை கொண்டுள்ளது. 13 நீதிபதிகளை கொண்ட உச்சநீதிமன்றஅமர்வு 1973ம் ஆண்டின் கேசவானந்தபாரதி வழக்கில் வழங்கிய தீர்ப்பில் கூட்டாட்சி தத்துவம் இந்திய அரசியலமைப்பு சட்டத்தின் அடிப்படை கூறுகளில்ஒன்று என்று தெளிவுபடுத்தியுள்ளது. அதன் அடிப்படையில்தான் மாநில அரசுகளுக்கு உரிமைகள் வழங்கப்பட்டுள்ளது.
இந்திய நாடாளுமன்றத்தால் சட்டத்தை உருவாக்க முடியும் உச்சநீதிமன்றம் மட்டும் அச்சட்டத்தை அமுல்படுத்துவதற்குண்டான அதிகார அமைப்பாகும். எனவே, நீதிமன்ற உத்திரவுகளை நாடாளுமன்றம் விசாரிக்கும் எனும் வாதம் இந்திய அரசியல் அமைப்பு சட்டத்திற்கு முரணானது. காவிரி நடுவர்மன்றம் என்பது உச்சநீதிமன்றத்திற்கு இணையான அதிகாரத்துடன் நாடாளுமன்றத்தில் வாக்கெடுப்பு நடத்தி பெரும்பான்மை அடிப்படையில் ஏற்படுத்தப்பட்டது. காவிரி நடுவர் மன்றத்தின் இறுதித் தீர்ப்பை ஒட்டி உச்சநீதிமன்றத்தில் அரசியல் சாசன அமர்வின் தீர்ப்பை காலதாமதமாக்கவோ, தடை விதிக்கவோ, மறு விசாரணை நடத்தவோ நாடாளுமன்றத்திற்கு அதிகாரம் இல்லை.
உச்சநீதிமன்ற தீர்ப்பு அனைவரையும், எல்லா மாநிலங்களையும் கட்டுப்படுத்தக் கூடியது என்பது ஒப்புக் கொள்ளப்பட்ட உண்மை, உச்சநீதிமன்றம் அரசியல் அமைப்பு சட்டத்தால் தேவையான அதிகாரங்களுடன் ஏற்படுத்தப்பட்ட அமைப்பு.
இதன் முடிவுகளும், தீர்ப்புகளும் தனியாரையும், நிறுவனங்களையும், மாநில அரசுகளையும், மத்திய அரசுகளையும் கட்டுப்படுத்தக் கூடியது. அரசியல் சட்டத்திற்கு கட்டுப்பட்டு நடப்பதாகவே ஒன்றிய, மாநில அரசின் அமைச்சர்கள் பதவிப் பிரமாணம் எடுத்துள்ளனர். அப்படியிருக்கும்பொழுது உச்சநீதிமன்ற தீர்ப்புகளை நிறைவேற்றாம லும் காலதாமதம் செய்வதும், ஊதாசினப்படுத்துவதும் அவற்றிற்கு எதிராக பேசுவதும் இந்திய அரசியல் அமைப்பு சட்டத்திற்கு
முரணானது. ஆறு வாரத்திற்குள் உச்சநீதிமன்ற தீர்ப்பான காவிரி மேலாண்மை வாரியத்தை ஒன்றிய அரசு அமல்படுத்தா
விட்டால், ஒன்றியஅரசு மக்கள் மத்தியில் நீதி மன்றங்களின் மீது நம்பிக்கை குறைந்து
விடும்.
இந்த சூழ்நிலையில் த.வெ.க.அரசு அமைந்தவுடன் கர்நாடகா முதலமைச்சர் சிவக்குமார் அவர்கள் காவிரியின் குறுக்கே மேக்கேதாட் என்னும் இடத்தில் மேகதாது அணையை கட்டுவதற்கு உண்டான விரிவான திட்டறிக்கை தயார் செய்யப்பட்டு
விட்டதாக கூறுகிறார்.
இந்த சூழ்நிலையில் கழகத்தலைவர்
முத்துவேல் கருணாநிதி ஸ்டாலின் அவர்கள் உடனடியாக காவிரியின் குறுக்கே அணை கட்டக்கூடாது என்று த.வெ.க அரசை
வலியுறுத்தியதால், த.வெ.க. அரசு அவையில் காவிரியின் குறுக்கே மேகதாது அணை கட்டக்கூடாது என அரசினர் தனித்தீர்மானம் கொண்டு வந்தது.
அத்தீர்மானம் குறித்து எதிர்கட்சித்தலைவர் உதயநிதி ஸ்டாலின் அவர்கள் தனது உரையில் சர்வகட்சிக் கூட்டம் கூட்டப்பட்டு, கருத்துக்கள் கேட்கப்பட்டு, காவிரியின் குறுக்கே மேகதாது அணை கட்டக்கூடாது என்று தீர்மானம் நிறைவேற்றிடவும், அனைத்துக் கட்சித்தலைவர்கள் பிரதமர் மோடியை சந்தித்து அழுத்தம் தருவதற்கு முதல்வர் ஏற்பாடு செய்திடவும். மேகதாது அணை கட்டுவதை நிறுத்திடவும், நடுவர் மன்றம் அமைக்க வேண்டும் என்பதை சிறப்புத்தீர்மானத்தில் சேர்த்திடவும். இத்தீர்மானத்தில் எதிர்க்கட்சித் தலைவர் கோரிக்கையை ஏற்று நடுவர்மன்றம் அமைக்கும் திருத்தம் சேர்க்கப்பட்டது.
இச்சூழ்நிலையில் தமிழக அமைச்சர் நிர்மல்குமார் த.வெ.கஅரசிற்கு ஆதரவு தரும் கட்சிகளும். தி.மு.க. போன்ற எதிர்க்கட்சிக ளும் கர்நாடகா அரசிற்கு ஆதரவாக செயல்படுகிறது என்றும், அனைத்துக் கட்சி கூட்டம் தேவையில்லை என பேசியிருப்பது சிறுபிள்ளைதனமானது. கண்டனத்திற்குரியது.
இதற்கு சில அரசியல் கட்சித்தலைவர்கள் நடுவர் மன்றம் தேவையில்லை என்று கருத்து தெரிவிக்கின்றனர்.
1. ஏற்கனவே அமைத்த நடுவர் மன்றம் எத்தனை வருடத்திற்குஎவ்வளவு TMC தண்ணீர் கர்நாடகா தமிழகத்திற்கு வழங்கவேண்டும் என்பதற்காக அமைக்கப்பட்டது.
2. இப்பொழுது நடுவர் மன்றம் அமைக்கவேண்டும் என்பது காவிரியின் குறுக்கே அணை கட்டக்கூடாது என்பதற்காக காலம் மற்றும் சூழ்நிலையைக்கருத்தில் கொண்டு எதிர்க்கட்சித் தலைவர் அவையில் பேசி
யிருப்பது காவிரி டெல்டா விவசாயிகளின்
மத்தியில் வரவேற்பையும் மகழ்ச்சியையும்
ஏற்படுத்தியிருக்கிறது.
கர்நாடகா முதல்வர் துரிதமாக அனைத்துக்கட்சிக் கூட்டத்தை கூட்டுகிறார். இதில்
சர்வகட்சி தலைவர்கள் சித்தராமையா எடியூரப்பா, ஒன்றிய அமைச்சர் குமாரசாமி இன்னும் பல கட்சித்தலைவர்கள் கலந்து கொண்டு தங்களின் ஒன்றுமையின் அடையாளமாக காவிரியின் குறுக்கே மேகதாது அணை கட்டியே தீருவோம் என்றும், கர்நாடகாவிலுள்ள அணைகளில் 40 TMC தண்ணீர் சேமித்து வைப்போம் என்று தீர்மானம் நிறைவேற்றியுள்ளனர்.
கழகத்தலைவர் முத்துவேல் கருணாநிதி அவர்களின் வழிகாட்டுதலின்படி எதிர்க்கட்சி தலைவர் உதயநிதி ஸ்டாலின் அவர்கள் 03.08.2026ல் தஞ்சையில் நடைபெற்ற கண்டனப் பொதுக்கூட்டத்தில் பேசியது
1. காவிரியின் குறுக்கே மேகதாது அணை கட்டக்கூடாது என்றும்.
2. திராவிட மாடல் அரசு 2021-–2025 காலங்களில் ஒவ்வொரு ஆண்டும் மேட்டூர் அணையில் ஜீன் 12ல் தண்ணீர் திறந்து
விடப்பட்டது.
3. மே,ஜீன் மாதங்களில்நமக்கு கிடைக்க வேண்டிய தண்ணீரை பெற பிரதமர் மோடியை வலியுறுத்த வேண்டும் என்றும்,
4. விவசாயிகளின் பயிர்க்கடன் முழுவதையும் தள்ளுபடி செய்ய வேண்டும்
5. குறுவை சாகுபடி பாதிக்கப்பட்ட விவசாயிகளுக்கு ஒரு ஏக்கருக்கு ரூபாய் 25000 தரப்படவேண்டும் என்றும்.
சாகுபடிக்கு உரம், பூச்சிமருந்து மற்றும் விவசாயப்பணிகளுக்கான செலவையும் அரசே ஏற்றுக்கொள்ளவேண்டும் என்றும்,
7. பயிர் காப்பீட்டு பிரிமியத் தொகையை அரசே வழங்கவேண்டும் என்று பேசியது நிதர்சனமான உண்மை.
ஆனால் இவ்விசயத்தில் தமிழ்நாடு முதலமைச்சர் விஜய் அவர்களின் இயலாமை, முயற்சியின்மை, புரிதல்தன்மை இல்லாததன் விளைவு இப்பிரச்சினையின் வீரியத்தை குறைக்கின்ற வகையில் திசை திருப்பி, எதிர்க்கட்சித் தலைவரை கைது செய்து உயர்நீதிமன்றத்திற்கு அறிவிப்புக்கு மாறாக 10 மணிநேர அழைக்கழிப்பு செய்து, தஞ்சையில் போலீஸ் விசாரணை நடத்தியது விஜய் அரசு மீது டெல்டா விவசாயிகள் கடும் கோபத்தை வெளிப்படுத்தி உள்ளனர்.
இந்த சூழ்நிலையில் தமிழக முதல்வர் ஜோசப் விஜய் அவர்கள் மேகதாது அணை குறித்து வெளிப்படையான கருத்துக்களை தெரிவிக்காத நிலையில் தி.மு.க. தலைவர் முத்துவேல் கருணாநிதி ஸ்டாலின் வழி
காட்டுதலோடு, மூத்த வழக்கறிஞர் வில்சன் அவர்கள் 2018இல் உச்சநீதிமன்ற தீர்ப்பினை நிறைவேற்றிட வேண்டும் என்றும், நடைமுறைப்படுத்த வேண்டும் என்றும் காவிரி நீர் மேலாண்மை ஆணையம் 15 நாட்களுக்கு விநாடிக்கு 3500 கண அடி தண்ணீர் திறந்துவிட வேண்டும் எனவும், மேலும் தமிழகத்திற்கு வழங்க வேண்டிய 9.46 TMC தண்ணீர் ஈடுசெய்யும் வகையில் 7000 க்யூசெஸ் தண்ணீரை பிலிகுண்டு
விலிருந்து தமிழகத்திற்கு விடுவிக்க
கர்நாடகா அரசிற்கு உத்தரவிட வேண்டும் என தி.மு.க. சார்பில் உச்ச நீதிமன்றத்தில் மனுத் தாக்கல் செய்துள்ளது. விரைவில் இம்மனு விசாரணைக்கு வரவுள்ளது.
இன்றைக்குள்ள மோடி அரசு மாநில சுயாட்சியை சம்மட்டி கொண்டு அடித்து சுக்கு நூறாக ஆக்குவது ஒரே மொழி, ஒற்றைக் கலாச்சாரம், ஒரே மதம், ஒரே கடவுள், என்று நாட்டின் பன்முகத் தன்மையை சீர்குலைப்
பது தனது ஆட்சி இல்லாத மாநிலத்தை
முடக்குவது, வெறுப்பு அரசியல், பிரித்தாலும் சூழ்ச்சி பெரும்பான்மை வாதம், அதிகார குவிப்பு, வளர்ச்சி முடக்கம், இந்தி, சமஸ்கிருதம் திணிப்பு என்று நாடு எதிர்கொள்ளும் பல அபாயங்களுக்கு மாற்றுதான் மாநில சுயாட்சி அது தேசிய முழக்கமாக உணரும்போதுதான் இந்நாடு கூட்டாட்சி அடையும். மாநிலங்களின் உரிமை என்பது இந்நாட்டின் பன்மைதத்துவத்தோடு சம்பந்தப்பட்டது. மொழி உரிமை என்பது மாநிலங்களின் அடையாளம் என்பதனை மோடி அரசு புரிந்து கொண்டு செயல்பட வேண்டும். மாநில உரிமைகளை பேணி பாதுகாக்க தலைவர் “முத்துவேல் கருணாநிதி ஸ்டாலின் அவர்கள் தலைமையில் அனைத்து ஜனநாயக சக்திகளும் ஓர் அணியில் திரண்டு நமது உரிமைகளை காத்திட ஒன்றுபடுவோம். போராடுவோம்.”