புதுடெல்லி, ஆக. 13 –
தமிழ்நாட்டில், குறிப்பாக தருமபுரி மாவட்டத்தைச் சேர்ந்த ஓய்வுபெற்ற விளையாட்டு வீரர்கள் உள்ளிட்டோருக்கு நிதியுதவி, ஓய்வூதியம், மருத்துவ உதவி, காப்பீடு மற்றும் இதர நலத்திட்டங்கள் ஏதேனும் ஒன்றிய அரசால் செயல்படுத்தப்பட்டு வருகிறதா? அவ்வாறு இருப்பின், அதன் விவரங்கள் என்ன?
கடந்த மூன்று ஆண்டுகள் மற்றும் நடப்பு ஆண்டில், தமிழ்நாட்டை சேர்ந்த ஓய்வுபெற்ற விளையாட்டு வீரர்கள், குறிப்பாக தருமபுரி மாவட்டத்தைச் சேர்ந்தவர்கள், இத்திட்டங்களின் மூலம் பயனடைந்துள்ளவர்களின் எண்ணிக்கை எவ்வளவு? விளையாட்டுப் பிரிவு வாரியான விவரங்கள் என்ன?
ஓய்வுபெற்ற விளையாட்டு வீரர்களுக்கு ஓய்வுக்குப் பிந்தைய காலத்தில் வேலைவாய்ப்பு, பயிற்சியாளர் பணி, விளையாட்டு நிர்வாகப் பொறுப்புகள், திறன் மேம்பாடு மற்றும் வாழ்வாதார உதவிகள் வழங்குவதற்காக ஒன்றிய அரசு நடவடிக்கைகள்மேற்கொண்டுள்ளதா?
ஓய்வுபெற்ற விளையாட்டு வீரர்களின் சமூகப் பாதுகாப்பு, மருத்துவப் பாதுகாப்பு மற்றும் நிதி நிலைத்தன்மையை மேம்படுத்துவதுடன், இளம் விளையாட்டு வீரர்களுக்கு வழிகாட்டிகளாகவும் பயிற்சி அளிப்பவர்களாகவும் அவர்கள் தொடர்ந்து பங்களிப்பதை ஊக்குவிக்கும் வகையில், குறிப்பாக தருமபுரி மாவட்டத்தில் கூடுதல் நடவடிக்கைகள் ஏதேனும் மேற்கொள்ளப்பட உள்ளதா? அவ்வாறு இருப்பின்,அதன் விவரங்கள் என்ன?என்றுதருமபுரி நாடாளுமன்ற உறுப்பினர் வழக்கறிஞர்.ஆ.மணி மக்களவையில் இளைஞர் நலன் மற்றும் விளையாட்டுத் துறை அமைச்சர் டாக்டர். மன்சுக் மாண்டவியாவிடம் கேள்வி எழுப்பினார்.