சென்னை, ஆக. 13 –
தமிழ்நாட்டில் திராவிட மாடல் அரசின் திட்டங்கள்தான் தற்போதும் நடைமுறையில் இருப்பதாக தி.மு.க. எம்.எல்.ஏ. ஓ.பன்னீர்செல்வம், பெருமிதம் தெரிவித்துள்ளார். த.வெ.க. அரசின் திட்டங் களை தேடுகிறேன், தேடுகிறேன் தேடிக்கொண்டே இருக்கிறேன் என்றும் விமர்சித்துள்ளார்.
தமிழ்நாடு சட்டப்பேரவையில்த.வெ.க. அரசின் நிதிநிலை அறிக்கை மீது 3-வது நாளாக நடந்த விவாதத்தில் பேசிய தி.மு.க. சட்டமன்ற உறுப்பினர் ஓ.பன்னீர்செல்வம், தேர்தல் வாக்குறுதிகளை மறந்து நிதிநிலை அறிக்கை தாக்கல் செய்யப்பட்டுள்ளதாக குற்றம் சாட்டினார். நிதிநிலை அறிக்கையில் பெயர் மாற்றம் மட்டுமே உள்ளது என்றும் விமர்சித்தார். மக்கள் மனதில் திராவிட மாடல் அரசின் சாதனைத் திட்டங்கள்
மட்டுமல்ல, தி.மு.க. தலைவர் மு.க. ஸ்டாலினும் நிறைந்திருப் பதாக பெருமிதம் தெரிவித்தார்.
புதிய அறிவிப்புகள் வரும் என எதிர்பார்த்த மக்களுக்கு ஏமாற்றமே கிடைத்திருப்பதாக குற்றம் சாட்டிய ஓ.பன்னீர்செல்வம்,
த.வெ.க. அரசின் திட்டங்களை தேடினேன், தேடினேன், தேடிக்கொண்டே இருக்கிறேன் என்றும் விமர்சித்தார்
தமிழ்நாட்டின் உரிமையை விட்டுக்கொடுக்காமல் ஆட்சி நடத்தியவர் தி.மு.க. தலைவர் தமிழ்நாட்டின் உரிமைக்காக தொடர்ந்து போராடிக் கொண்டிருக்கிறார்
தி.மு.க. தலைவர் த.வெ.க. ஆட்சியால் ஏமாந்துபோன பெண்கள், இளைஞர்கள், விவசாயிகள், அரசு ஊழியர்கள்
த.வெ.க. அரசின் தேர்தல் வாக்குறுதிகள் அனைத்தும் தூங்கிக் கொண்டிருக்கிறது.
தமிழ்நாட்டின் உரிமையை விட்டுக்கொடுக்காமல் ஆட்சி நடத்திய தி.மு.க. தலைவர் மு.க. ஸ்டாலின், தமிழ்நாட்டின் உரிமைக்காக தொடர்ந்து இன்றளவும் போராடிக் கொண்டிருக்கிறார்.
த.வெ.க. ஆட்சியால் ஏமாந்துபோன பெண்கள், இளைஞர்கள், விவ சாயிகள், ஆசிரியர்கள் உள்ளிட்ட அரசு ஊழியர்கள் புலம்பி கொண்டிருப்பதோடு , த.வெ.க. அரசின் தேர்தல் வாக்குறுதிகளும் தூங்கிக்கொண்டிருக்கின்றன.
முந்தைய ஆட்சிகளில், காவிரி பிரச்சினையில் சட்டரீதியாகவே தமிழ்நாட்டின் உரிமையை நிலைநாட்டியதை சுட்டிக்காட்டிய ஓ.பன்னீர்செல்வம், காவிரி
விவகாரத்தில் கர்நாடக அரசுடன்
பேச்சுவார்த்தை என்பது தமிழ்நாட்டின் உரிமையை விட்டுக் கொடுப்பதாகும். காவிரியை தொடர்ந்து முல்லைப்பெரியாறு நீர்ப்பங்கீட்டிலும் தற்போது பிரச்சினை எழுந்திருக்கிறது . காவிரி விவகாரத்தில், கர்நாடக அரசின் கருத்தை த.வெ.க. அரசு வலுப்படுத்துகிறதா?‘
இவ்வாறு ஓ.பன்னீர் செல்வம் பேசினார்.