நெல்லை, ஆக.13–
“தமிழை பழித்தவனை தாயே தடுத்தாலும் விடாதே” என்ற புரட்சிக் கவிஞர் பாரதிதாசன் வரிகளை நெஞ்சில் ஏந்திய தமிழ் இளைஞர்கள் த.வெ.க. அரசுக்கு தக்க பாடம் கற்பிக்க தயாராகி வருகிறார்கள் சி.எம். சார் என சட்டப்பேரவை முன்னாள் தலைவர் மு.அப்பாவு தெரிவித்துள்ளார்.
இது தொடர்பாக அவர் தனது எக்ஸ் வலைதளப்பதிவில் கூறியிருப்பதா வது:–
தமிழக அரசு நிகழ்ச்சி களிலும்,பொது நிகழ்ச்சிக ளிலும் கல்வி நிறுவன ங்களி லும் தமிழ்த்தாய் வாழ்த்தை முதலில் பாடுவதற்கு ஏதுவாக மனோன்மணியம் சுந்தரனார் எழுதிய பாடலை1970 ஆம் ஆண்டு நவம்பர் மாதம் 23ஆம் நாள் “தமிழ்த்தாய் வாழ்த்து”பாடலாக அறிவித்து ஆணை வெளியிட்டார் அப்போதைய முதல்வர் கலைஞர் அவர்கள்.அவர் வழிவந்த முன்னாள் முதல்வர் மு.க. ஸ்டாலின் அவர்கள் “தமிழ்த் தாய் வாழ்த்தை” ஒவ்வொரு நிகழ்ச்சிகளி லும் தொடக்கத்தில் ஒலிப்பேழையின்றி அனைவரும் எழுந்துநின்று பாட வேண்டும் என 2021 ஆம் ஆண்டு டிசம்பர் மாதம் 12ஆம் தேதி அரசாணை வெளியிட்டு அதன்படி தமிழ்த்தாய் வாழ்த்துக்குரிய மரியாதை வழங்கப்பட்டு வந்தது.
ஆனால் த.வெ.க. ஆட்சி வந்தபின் “தமிழ்த்தாய் வாழ்த்து” பாடலை தந்த மனோன்மணியம் சுந்தரனார் பெயர் தாங்கி நிற்கும் நெல்லை பல்கலைக்கழகம் ஆளுநர் பட்டமளிப்பு நிகழ்ச்சியில், தமிழ்த்தாய் வாழ்த்தை மூன்றாவது இடத்திற்கு தள்ளி அவமானப்படுத்திய போது ‘‘ஒன்றிய அரசின் சுற்றறிக்கை, ஆளுநரின் ஆணை’’ என்று கூறி த.வெ.க. அரசு பதுங்கி, ஒதுங்கி நின்று வேடிக்கை பார்த்த உங்கள் இயலாமை சந்திசிரிக்கிறது CMsir?
சட்டமன்றத்தில் தீர்மானம் கொண்டு வந்ததற்கு முதல் நாள்,ஒன்றிய அரசின் முழுக் கட்டுப்பாட்டில் இருக்கக்கூடிய சென்னை உயர்நீதிமன்றத்தின் 15 புதிய நீதிபதிகள் பதவியேற்பு விழாவில் “தமிழ்த் தாய் வாழ்த்து” மட்டுமே முதலில் இசைக்கப்பட்டு உள்ள நிலையில் ஒன்றிய அரசு நிகழ்ச்சி, ஆளுநர் பங்கேற்கும் நிகழ்ச்சி என்று சாக்கு போக்குச் சொல்லி தமிழை அவமானப் படுத்தும் “த.வெ.க. அரசே” திருந்திக்கொள்!
“தமிழைப் பழித்தவனை தாயே தடுத்தாலும் விடாதே”என்றபுரட்சிக் கவிஞர் பாரதிதாசன் வரிகளை நெஞ்சில் ஏந்திய தமிழ் இளைஞர்கள் மாமி அரசுக்கு தக்க பாடம் கற்பிக்க தயாராகி வருகிறார்கள் CM sir?
ஏற்கனவே”தமிழ்த்தாய் வாழ்த்து” பாடலுக்கு இருந்த அதிகாரத்தை பா.ஜ.க.-விடம் அடகு வைத்துவிட்டு சட்டமன்றத்தில் தீர்மானம் கொண்டு வந்து மக்களைஏமாற்றும் த.வெ.க. அரசே மசோதாவாக சட்டமன்றத்தில் கொண்டு வந்து நிறைவேற்றி ஆளுநர் ஒப்புதலுடன் சட்டமாக்கத் தயங்குவது ஏன் CM Sir?
இவ்வாறு அவர் தனது எக்ஸ் வலைதளப் பதிவில் கூறியுள்ளார்.