சென்னை, ஆக. 13–
“கழக ஆட்சியில் கடந்த ஐந்து ஆண்டுகளில் நேரடி நெல் கொள்முதல் நிலையங்கள் திறக்கப்படவே இல்லையா?” என்று பேரவையில் முன்னாள் அமைச்சர் அர.சக்கரபாணி அறநிலையத்துறை அமைச்சருக்கு ஆதாரத்துடன் பதிலடி கொடுத்தார்.
அர. சக்கரபாணி:
இந்து சமயம் மற்றும் அறநிலையங்கள் துறை அமைச்சர் அவர்கள், சென்ற ஆட்சியிலே நெல் சேமிப்புக் கிடங்கு எங்கும் கட்டவில்லையென்று ஒரு தவறான தகவலைச் சபையிலே பதிவு செய்தார். நான் அவருக்குச் சொல்லிக்கொள்வது திராவிட முன்னேற்றக் கழகத்தின் தலைவர், அன்றைய முதலமைச்சர் அண்ணன் தளபதி அவர்கள் ஒரு நெல்மணிகூட மழையில் நனையக்கூடாது என்பதை உணர்ந்து அவர் பலமுறை சொல்லியிருக்கிறார். ஒருமுறை தொலைக்காட்சியிலே நெல் மூட்டைகளெல்லாம் நனைவதைப் பார்த்துவிட்டு, என்னையும், அன்றைக்கு வேளாண்மை- -- உழவர் நலத் துறை அமைச்சர் அவர்களையும் உடனே இல்லத்திற்கு வரச்சொல்லி இனிமேல் தமிழ்நாட்டிலே எங்கும் நெல்மணிகள் மழையில் நனையக்கூடாது. நாளைக்கு தலைமைச் செயலாளர் அவர்களை அழைத்து, தமிழ்நாடு முழுவதும் இருக்கின்ற மாவட்ட
ஆட்சித் தலைவர்களோடு ஆய்வுக் கூட்டத்தை நடத்துங்கள் என்று சொல்லி, அதன் அடிப்படையிலே திராவிட முன்னேற்றக் கழகம் ஆட்சிக்கு வந்தபின்பு, 18 மாவட்டங்களில் சுமார் 54 இடங்களில் 7.33 இலட்சம் மெட்ரிக்டன் சுமார் 383 நவீன சேமிப்புத்தளங்கள் சுமார் 825 கோடியே 79 இலட்சம் ரூபாயில் அமைக்கப்பட்டு,
அதில் ரூ.331 கோடி அளவில் 4.03 இலட்சம் மெட்ரிக்டன் கொள்ளளவு கொண்ட 253 சேமிப்புத்தளங்கள் அன்றைய முதலமைச்சர் அவர்
களால் திறந்து பயன்பாட்டிற்குக் கொண்டுவரப்பட்டன. அதோடு மீதமுள்ள 3.30 இலட்சம் மெட்ரிக்டன் கொள்ளளவு கொண்ட 130 சேமிப்புத் தளங்கள் சுமார் 494 கோடியே 71 இலட்சம் ரூபாயில் இப்போது பணிகள் நடைபெற்று வருகின்றன. அது விரைவிலே முதலமைச்சர் அவர்கள் திறந்து வைக்கவிருக்கிறார்கள்.
எனவே, திராவிட முன்னேற்றக் கழக ஆட்சியிலே நெல் சேமிப்புத்தளங்கள் நிறைய கட்டப்பட்டிருக்கிறது. குறிப்பாக நீங்கள் தஞ்சாவூருக்கு செல்லுங்கள். நடுவூர் என்ற இடத்தில் ஒரு இலட்சம் மெட்ரிக்டன் கொள்ளளவு கொண்ட பெரிய சேமிப்புக் கிடங்கு, ஒரு இலட்சம் மெட்ரிக்டன் அளவில் நெல்லை சேமித்து வைப்பதற்காக சேமிப்பு கிடங்கு கட்டப்பட்டுள்ளது. பல இடங்களில் டெல்டா மாவட்டமாக இருந்தாலும் சரி, டெல்டா அல்லாத மாவட்டங்களிலும் நெல் சேமிப்புத்தளங்கள் கட்டப்பட்டு வருகிறது.
கடந்த வேளாண்மை- உழவர் நலத் துறை மானியக் கோரிக்கையில் எந்தெந்த மாவட்டங்களில், எந்தெந்த இடங்களில் சுமார் ரூ.394 கோடியில் நெல் சேமிப்புத்தளங்கள் கட்டப்படும், அதற்காக நிதி ஒதுக்கப்படும் என்று
அறிவிக்கப்பட்டிருக்கிறது. அந்த வேளாண்மை -உழவர் நலத் துறை மானியக் கோரிக்கையை கடந்த ஆண்டில் அதைப் பார்க்கவேண்டுமென்று இந்து சமயம் மற்றும் அறநிலையங்கள் துறை அமைச்சர் அவர்களின் கவனத்திற்குக் கொண்டு வருகிறேன்.
மாவட்ட ஆட்சித் தலைவர்
தலைமையில் குழு!
அர. சக்கரபாணி:
உணவு மற்றும் உணவுப்பொருள் வழங்கல் துறை அமைச்சர் அவர்கள், அதாவது நேரடி கொள்முதல் நிலையம் திறப்பதற்கு அந்தந்த கட்சிக்காரர்கள் திறக்கிறார்கள் என்று தவறான தகவலை சொல்கிறார்கள். கடந்த ஆட்சியில் ஒரு நெல் நேரடி கொள்முதல் நிலையம் திறக்க வேண்டுமென்றால், மாவட்ட ஆட்சியர் தலைமையில் ஒரு குழு, மாவட்ட ஆட்சித் தலைவர், (விவசாயம்), (கூட்டுறவு) மாவட்ட ஆட்சித் தலைவருடைய நேர்முக உதவியாளர் சங்கத்தினுடைய இணைப் பதிவாளர், வேளாண்மை இணை இயக்குநர், 2 விவசாய சங்கப் பிரதிநிதி, தமிழ்நாடு நுகர்வோர் வாணிபக் கழகத்தின் RM அல்லது SRM என 7 பேர் கொண்ட குழு அமைக்கப்பட்டு, மக்கள் பிரதிநிதிகள், விவசாயிகள், எங்கெங்கு நேரடி கொள்முதல் நிலையம் வேண்டுமென்று நேரடி கொள்முதல் நிலையம் அமைக்க வேண்டுமென்று கோரிக்கை வைக்கிறார்களோ, விவசாயிகள் குறைதீர் கூட்டத்தில் கேட்கிறார்களோ அங்கெங்கெல்லாம் நேரடி கொள்முதல் நிலையங்கள் திறந்தோம்.
அது 2024-–25-ல் 4 ஆயிரம் இடங்களில் நேரடி கொள்முதல் நிலையங்கள் திறந்தது திராவிட முன்னேற்றக் கழக ஆட்சியில்தான். (மேசையைத் தட்டும் ஒலி) 1972-லிருந்து தமிழ்நாடு நுகர்பொருள் வாணிபக் கழகம் ஆரம்பிக்கப்பட்ட காலத்திலிருந்து 4 ஆயிரம் இடத்தில் நேரடி கொள்முதல் நிலையங்கள் திறக்கப்பட்டது 2024- –25-ல்தான். அரிசி கருப்பாக இருக்கிறது என்று அமைச்சர் அவர்கள் சொன்னார்கள். திராவிட முன்னேற்றக் கழக அரசு பொறுப்பேற்ற பின்பு, இந்திய உணவுக் கழகம் என்ன சொல்லி இருந்தார்கள் என்றால், ஒரு உத்தரவை பிறப்பித்திருந்தார்கள்.
மக்கள் மகிழும் வண்ணம் அரிசி வழங்கினோம்!
அனைத்து அரசு ஆலைகளிலும் கலர் சார்டர் இயந்திரங்கள் பொருத்தப்படும் என்று ஆணை பிறப்பித்தி ருந்தார்கள். ஆனால், கடந்த காலத்தில் அது செயல்படுத்தப்படவில்லை; தி.மு.க. அரசு ஆட்சிக்கு வந்தவுடன், முதலமைச்சர் அண்ணன் ஸ்டாலின் அவர்கள், மக்களுக்கு. தரமான
அரிசி தரவேண்டுமென்று உத்தர
விட்டார்கள்.
எனவே, கடந்த காலத்தில் 376 ஆலைகள் மட்டுமே இருந்தன. ஆனால், நாங்கள் ஆட்சிக்கு வந்தபிறகு, 623 அரிசி ஆலைகள் எண்ணிக்கையை உயர்த்தி, அனைத்து ஆலைகளிலும் 30 இலட்சம், 50 இலட்சம் ரூபாய் மதிப்பிலான கலர் சார்டர் இயந்திரங்களைப் பொருத்தி, மக்களுக்கு பழுப்பு, கருப்பு இல்லாத அரிசி கடந்த மே மாதம் வரை வழங்கப்பட்டது.
தமிழ்நாட்டிலிருக்கின்ற 38,000 நியாய விலைக் கடைகளிலும், அரிசி தரமாக இல்லையென்று எங்கும் மக்களிடமிருந்து புகார் வரவில்லை, மக்கள் மகிழும் வண்ணம்தான் நாங்கள் அரிசி வழங்கினோம் என்பதை பேரவைத் தலைவர் அவர்கள் வாயிலாக நான் தெரிவிக்க விரும்புகிறேன். (மேசையைத் தட்டும் ஒலி)
கூலி உயர்வு வழங்கப்பட்டது!
அதேபோன்று, தவறு நடப்பதாக தெரிவித்தார்கள்; அதற்கு எங்கள் முதலமைச்சர் அவர்கள் ஆட்சிக்கு வந்தவுடனேயே, 2021 டிசம்பர் 31 ஆம் தேதியன்று தஞ்சையில் நடைபெற்ற அரசு விழாவில் என்ன சொன்னார் என்றால், விவசாயிகள் நெல் வாங்கும் இடங்களில் எந்தப் பிரச்சினையும் வரக்கூடாது என்பதற்காக, அங்கு பணி புரிகின்ற ஏழை தொழிலாளர் பெருமக்களுக்கு, மூட்டைக்கு 3.25 ரூபாய்தான் கூலி கொடுக்கப்பட்டதிலிருந்து, 10 ரூபாயாக உயர்த்திக் கொடுத்தார்கள். பட்டியல் எழுத்தர், உதவுபவர், காவலர்களுக்கு சம்பளத்தினை உயர்த்திக் கொடுத்தார்கள். பட்டியல் எழுத்தர்களுக்கு தினப்படி ரூ.120/-ம், உதவுபவர்களுக்கு ரூ.100/-ம், காவலர்களுக்கு ரூ.80/- என்றவகையில் உயர்த்திக் கொடுத்து, ஆண்டிற்கு 83 கோடி ரூபாய் அதிகம் செலவானாலும் பரவாயில்லை, எந்தத் தவறும் நிகழ்ந்துவிடக் கூடாது என்று எண்ணி, இவையனைத்தையும் உயர்த்திக் கொடுத்தார்கள்.
இவ்வாறு அர.சக்கரபாணிஅவர்கள் பேசினார்.