#Title

கடந்த மூன்று ஆண்டுகளில் DILRMP திட்டத்தின் கீழ் மாநில வாரியாகச் செலவிடப்பட்ட மொத்தத் தொகை எவ்வளவு? மக்களவையில் – கோவை முனைவர் கணபதி ப.ராஜ்குமார் கேள்வி!

புதுடெல்லி, ஆக. 13–

நில ஆவணங்களின் நிர்வாகத்தை நவீனமயமாக்கவும், நிலம் அல்லது சொத்து தொடர்பான தகராறுகளுக்கான வாய்ப்பைக் குறைக்கவும், நில ஆவணங்களைப் பராமரிக்கும் முறையில் வெளிப்படைத் தன்மையை அதிகரிக்கவும், 2008-ல் அங்கீகரிக்கப்பட்ட ‘தேசிய நில ஆவணங்கள் நவீனமயமாக்கல் திட்டத்தை’ (NILRMP), 2016-ல் ‘டிஜிட்டல் இந்தியா நில ஆவணங்கள் நவீனமயமாக்கல் திட்டமாக’ (DILRMP) மத்திய அரசு மாற்றியமைத்துள்ளதா? ஆம் எனில், அது குறித்த விவரங்கள் என்ன?

மாற்றியமைக்கப்பட்ட DILRMP திட்டம் தனது நோக்கத்தை முழுமையாக அடைந்துள்ளதா? ஆம் எனில், அது குறித்த விவரங்கள் என்ன?

மேம்படுத்தப்பட்ட DILRMP திட்டத்தின் கீழ் மேற்கொள்ளப்பட்ட/செயல்படுத்தப்பட்ட முக்கிய கூறுகள் மற்றும் செயல்பாடுகள் குறித்த விவரங்கள் என்ன? கடந்த மூன்று ஆண்டுகளில் DILRMP திட்டத்தின் கீழ் மாநில வாரியாகச் செலவிடப்பட்ட மொத்தத் தொகை எவ்வளவு? என்று கோவை நாடாளுமன்ற உறுப்பினர் முனைவர் கணபதி ப.ராஜ்குமார் கேள்வி எழுப்பியுள்ளார்.

ஊரக வளர்ச்சி அமைச்சகத்தின் இணை அமைச்சர் டாக்டர் சந்திர சேகர் பெம்மசானி அளித்துள்ள பதில் வருமாறு :-

தேசிய நில ஆவண நவீனமயமாக்கல் திட்டம் (NLRMP) 21.8.2008 அன்று மத்திய நிதியுதவி பெறும் திட்டமாக அமைச்சரவையால் அங்கீகரிக்கப்பட்டது. பின்னர், ‘டிஜிட்டல் இந்தியா’ முன்னெடுப்பின்கீழ் மத்தியத் துறைத் திட்டமாக மாற்றியமைக்கப்பட்டு, 1 ஏப்ரல் 2016 முதல் ‘டிஜிட்டல் இந்தியா நில ஆவண நவீனமயமாக்கல் திட்டம்’ (DILRMP) எனப் பெயர் மாற்றம் செய்யப்பட்டது, இத்திட்டத்திற்கு மத்திய அரசு 100% நிதியுதவி அளிக்கிறது. இத்திட்டம் 2030-31 ஆம் ஆண்டு வரை நீட்டிக்கப்பட்டுள்ளது. மாநிலங்கள் மற்றும் யூனியன் பிரதேசங்களில் நில ஆவணங்கள் டிஜிட்டல் மயமாக்கப்பட்டதன் மூலம், நில ஆவணங்களை அணுகுவது எளிதாக்கப்பட்டு வெளிப்படைத்தன்மைஅதிகரித்துள்ளது, இதன் விளைவாக நிலம் அல்லது சொத்து தொடர்பான தகராறுகள் ஏற்படுவதற்கானவாய்ப்புகள் குறைக்கப்பட்டுள்ளன.

‘டிஜிட்டல் இந்தியா நில ஆவணங்கள் நவீனமயமாக்கல் திட்டம்’ (DILRMP) என்பது தொடர்ந்து செயல்படுத்தப்பட்டு வரும் ஒரு திட்டமாகும். மாநிலங்கள் மற்றும் யூனியன் பிரதேசங்கள் முழுவதும் நிலஆவணங்களை கணினிமயமாக்குதல், டிஜிட்டல் மயமாக்குதல் மற்றும் நவீனமயமாக்குதல் ஆகியவற்றில் குறிப்பிடத்தக்க முன்னேற்றம் எட்டப்பட்டுள்ளது. 06.08.2026 நில வரப்படி, 99.90% உரிமைப் பதிவேடுகள் (RoRs) கணினிமயமாக்கப்பட்டுள்ளன, 97.43% நில வரைபடங்கள்(Cadastral Maps) டிஜிட்டல் மயமாக்கப்பட்டுள்ளன, 77.68% நில வரைபடங்கள் புவியியல் ரீதியாகக்குறிக்கப் பட்டுள்ளன (Geo-Referenced)69.04% நிலப்பகுதி களுக்குத் தனித்துவ நிலப்பகுதி அடையாள எண் (ULPIN) வழங்கப்பட்டுள்ளது, 93.71% வருவாய் நீதிமன்றங்கள் கணினிமயமாக்கப்பட்டுள்ளன மற்றும் 99.96% சார்பதிவாளர் அலுவலகங்கள் கணினிமயமாக்கப்பட்டுள்ளன.

DILRMP 3.0-இன் கீழ் மேற்கொள்ளப்படவுள்ள முக்கிய கூறுகள் மற்றும்செயல்பாடுகள் குறித்த விவரங்கள் இணைப்பு |இல் கொடுக்கப்பட்டுள்ளன. கடந்த மூன்றுஆண்டுகளில் DILRMPஇன் கீழ்செலவிடப்பட்ட மொத்தத்தொகை குறித்த விவரங்கள்,மாநில வாரியாக இணைப்பு II இல் வழங்கப்பட்டுள்ளன என்றுதெரிவித்துள்ளார்.