புதுடெல்லி, ஆக. 13 –
கடந்த ஐந்து ஆண்டுகளில் வணிக மற்றும் குடியிருப்பு சார்ந்த உயரமான கட்டிடங்களில் நிகழ்ந்த முக்கிய தீ விபத்துகளின் விவரங்கள் மற்றும் எண்ணிக்கை; அத்துடன் ஒவ்வொரு சம்பவத்திலும் உயிரி ழந்தோர் மற்றும் காயமடைந்தோர் எண்ணிக்கை (மாநில வாரியாக மற்றும் ஆண்டு வாரியாக), உயரமான கட்டிடங்களில் ஏற்படும் தீ விபத்துகளைத் தடுப்பதற்கும் குறைப்பதற்கும் தேசிய பேரிடர் மேலாண்மை ஆணையம் ஏதேனும் வழிகாட்டுதல்கள், ஆலோசனைகள் அல்லது நிலையான செயல்பாட்டு நடைமுறைகளை (SOPs) வெளி யிட்டுள்ளதா?, அல்லது புதுப்பித் துள்ளதா?, மாநிலங்கள் மற்றும் யூனியன் பிரதேசங்களால் அவை செயல்படுத்தப்பட்ட நிலை என்ன?, அப்படியானால், அத்தகைய காலகட்டத்தில் அதன் விவரங்கள் என்ன?, மீட்பு நடவடிக்கைகளுக்கான காலதாமதத்தைக் குறைக்கும் நோக்கில், தீ விபத்து குறித்த மதிப்பீடு, தேடுதல் மற்றும் மீட்புப் பணிகள் மற்றும் நிகழ்நேரச் சூழல் விழிப்புணர்வு ஆகியவற்றுக்காக, தேசிய பேரிடர் மீட்புப் படையினருக்கு ட்ரோன்கள் மற்றும் பிற மேம்பட்ட தொழில்நுட்பங்களை வழங்க அரசு திட்டமிட்டுள்ளதா? அவ்வாறெனில், அவற்றைச் செயல்படுத்துவதற்கான காலக்கெடு உள்ளிட்ட விவரங்கள் என்ன? இல்லையெனில், அதற்கான காரணங்கள் என்ன? என்று பொள் ளாச்சி நாடாளுமன்ற உறுப்பினர், திருப்பூர் தெற்கு மாவட்ட கழகப் பொறுப்பாளர் கே.ஈஸ்வரசாமி கேள்வி எழுப்பினார்.
உள்துறை அமைச்சகத்தின் இணை அமைச்சர் நித்யானந்த் ராய் அளித்துள்ள பதில் வருமாறு :-
இந்திய அரசியலமைப்பின் பன்னிரண்டாவது அட்டவணையில் உள்ள பிரிவு 243(W)-இன் படி, தீயணைப்புச் சேவை என்பது மாநில அரசுகளின் அதிகார வரம்பிற்குட்பட்ட நகராட்சி சார்ந்த ஒரு விஷயமாகும். தீ விபத்துகள், உயிரிழப்புகள் மற்றும் காயங்கள் குறித்த புள்ளிவிவரங்கள் (கட்டிட வகை மற்றும் பயன்பாட்டுத் தன்மை வாரியாகவும், மாநில வாரியாகவும்) உள்ளிட்ட தீ விபத்து தொடர்பான தரவுகளைச் சேகரித்தல், தொகுத்தல் மற்றும் பராமரித்தல் ஆகியவை முதன்மையாக அந்தந்த மாநில அரசுகளின் பொறுப்பாகும். தீ பாதுகாப்பு மற்றும் தீயணைப்புச் சேவை தொடர்பான விஷ யங்களில், உள்துறை அமைச்சகத்தின் கீழ் உள்ள தலைமை இயக்குநரகம் (தீயணைப்புச் சேவை, சிவில் பாதுகாப்பு மற்றும் ஊர்க்காவல் படை) வாயிலாக மத்திய அரசு ஆலோசனை மற்றும் ஆதரவு வழங்கும் பங்கை வகிக்கிறது.
உயரமான கட்டிடங்களில் ஏற்படும் தீ விபத்துகளைத் தடுக்கவும் குறைக்கவும் தேவையான நடவடிக் கைகளை விவரிக்கும் வகையில், ‘தீயணைப்புச் சேவைகளுக்கான அளவு, உபகரணங்களின் வகைமற்றும் பயிற்சி குறித்த வழிகாட்டுதல்களை’ தேசிய பேரிடர் மேலாண்மை ஆணையம் (NDMA) 2012-இல் வெளியிட்டது. இந்த வழிகாட்டுதல்கள், மாநிலங்கள் மற்றும் யூனியன் பிரதேசங்கள் தங்கள் தரப்பில் தேவையான நடவடிக்கைகளை மேற்கொள்வ தற்காக அவற்றுடன் பகிரப்பட்டன. தீயணைப்புச் சேவைகள் மாநிலப் பட்டியலின் கீழ் வருவதால், தீ விபத்துகளைக் கையாள்வது தேசிய பேரிடர் மீட்புப் படையின் (NDRF) முதன்மையான பணி அல்ல; தீ விபத்துகளைக் கையாள்வதற்கு மாநிலத் தீயணைப்புச் சேவைப் பணி யாளர்களே பொறுப்பாவார்கள். இருப்பினும், மாநில அரசுகள் மற்றும் நகராட்சி நிர்வாகங்க ளுக்குத் தேவைப்படும் பட்சத்தில் NDRF உதவிகளை வழங்குகிறது என்று தெரிவித்துள்ளார்.