#Title

கடலோரக் கப்பல் போக்குவரத்து, சொகுசுக் கப்பல் சுற்றுலாவை அரசு ஊக்குவிக்கிறதா? சரக்கு, பயணிகள் போக்குவரத்து விவரங்கள், எதிர்கால விரிவாக்கத் திட்டங்கள் என்ன? மாநிலங்களவையில் – கே.ஆர்.என்.இராஜேஸ்குமார் கேள்வி!

நாமக்கல், ஆக.14–

டெல்லியில் நடைபெற்று வரும் நாடாளுமன்ற மாநிலங்களவை மழைக்கால கூட்டத் தொடரில், கே.ஆர்.என். இராஜேஸ்குமார் கலந்து கொண்டு

கடலோரக் கப்பல் போக்குவரத்து, சொகுசுக் கப்பல் சுற்றுலா மற்றும் சரக்கு, பயணிகள் போக்குவரத்து விவரங்கள், எதிர்கால விரிவாக்கத் திட்டங்கள் குறித்து கேள்வி எழுப்பினார்.

கடலோரக் கப்பல் போக்கு வரத்து மற்றும் சொகுசுப் பயணக் கப்பல் சுற்றுலா ஆகியவை அரசால் ஊக்குவிக்கப்படுகின்றனவா? அவை குறித்த விவரங்கள் என்ன? என அவர் கேள்வி எழுப்பினார். மேலும், இத்துறைகளின் கீழ் இதுவரை கையாளப்பட்ட சரக்கு மற்றும் பயணிகள் போக்குவரத்து குறித்த விவரங்களையும், அரசின் எதிர்கால விரிவாக்கத் திட்டங்கள் குறித்தும் கேள்வி எழுப்பினார்.

இதற்கு பதில் அளித்து பேசிய துறைமுகங்கள், கப்பல் போக்கு வரத்து மற்றும் நீர்வழிகள் துறை அமைச்சர் சர்பானந்த சோனோவால், அரசு கடலோரக் கப்பல் போக்குவரத்து மற்றும் சொகுசுப் பயணக் கப்பல் சுற்றுலாவை ஊக்குவித்து வருகிறது. அரசு எடுத்துள்ள பல்வேறு நடவடிக்கைகள் குறித்த விவரங்கள் இணைப்பு- 1 இல் உள்ளன. சரக்கு போக்குவரத்து மற்றும் சொகுசுப் பயணக் கப்பல் பயணிகள் போக்குவரத்து குறித்த விவரங்கள் அதில் இடம்பெற்றுள்ளது.

2047-ஆம் ஆண்டிற்குள் உள்நாட்டு நீர்வழிகள் மற்றும் கடலோரக் கப்பல் போக்குவரத்தின் பங்களிப்பை 6%-லிருந்து 12%-ஆக உயர்த்தும் வகையில், 2026-ஆம் ஆண்டு மத்திய பட்ஜெட்டில் ‘கடலோரச் சரக்கு போக்குவரத்து ஊக்குவிப்புத் திட்டம்’ (Coastal Cargo Promotion Scheme) அறிமுகப்படுத்தப்படும் என்று அறிவிக்கப்பட்டது.

QR-அடிப்படையிலான குடியேற்ற அனுமதி அமைப்பு (Immigration Clearance System) அறிமுகப்படுத்தப்பட்டுள்ளது. இதில் பயணத்தின்போதே குடியேற்ற அனுமதி பெறும் வசதியும் உள்ளதால், ஒரு பயணியின் குடியேற்ற அனுமதி நேரம் சுமார் 30 வினாடிகளாகக் குறைக்கப்பட்டுள் ளது. சொகுசுப் பயணக் கப்பல் பயணிகள் மற்றும் அவர்களின்உடைமைகளுக்கான சுங்க அனுமதிநடைமுறையில், ‘வணிகர் கூடுதல் நேரக் கட்டணம்’ (MOT) வசூலிப் பதிலிருந்து விலக்கு அளிக்கப்பட்டுள்ளது (15.06.2026 தேதியிட்ட CBIC சுற்றறிக்கை); இதுபயணி களின் அனுமதியை விரைவாகவும் தடையின்றியும் மேற்கொள்ள உதவுகிறது. விரைவான சுங்க அனுமதியை எளிதாக்கும் வகையில், சொகுசுப் பயணக் கப்பல்களுக்கான டிஜிட்டல் மயமாக்கப்பட்ட சுங்க நடைமுறைகள் மற்றும் சுய- அறிவிப்பு (self-declaration) முறை ஆகியவை அறிமுகப்படுத்தப்பட்டுள்ளன.

viii. சொகுசுக் கப்பல்கள் மூலம் வரும் வெளிநாட்டு சுற்றுலாக் குழுக்களின் நுழைவை எளிதாக்குவதற்காக மின்-குழு வருகை விசா அறிமுகப்படுத்தப்பட்டுள்ளது.

சொகுசுக் கப்பல்களுக்கு உத்தரவாதமான நங்கூரமிடும் வசதி வழங்கப்படுகிறது, வெளியேற்றும் கட்டணங்கள் நீக்கப்பட்டு, சலுகையான சீரான கட்டண முறை வழங்கப்படுகிறது; மற்றும் x. வெளிநாட்டு சொகுசுக் கப்பல்களுக்கு கேபோடேஜ் கட்டணம் தள்ளுபடி செய்யப்பட்டுள்ளது என பதில்அளித்தார்.