புதுடெல்லி,ஆக.14–
இந்திய நாடாளுமன்ற மழைக்கால கூட்டத்தொடரில் காஞ்சிபுரம் நாடாளுமன்ற உறுப்பினர் க. செல்வம் 377 கேள்வி நேரத்தின் போது பட்டு நெசவு தொழில் சார்ந்த கேள்வி எழுப்பினார்.
காஞ்சிபுரம் பட்டு நெசவுத் தொழிலை நம்பி ஆயிரக்கணக்கான நெசவாளர் குடும்பங்கள் வாழ்ந்து வருகின்றன.ஆனால், உண்மையான காஞ்சிபுரம் பட்டுச் சேலைகள் எனக் கூறி போலியான மற்றும் இயந்திரத்தால் தயாரிக்கப்படும் சேலைகள் விற்பனை செய்யப்படுவதால், நுகர்வோர் ஏமாற்றப்படுவதுடன், பாரம்பரியமிக்க காஞ்சிபுரம் பட்டுச் சேலைகளின் நற்பெயரும் பாதிக்கப்பட்டு, உண்மையான நெசவாளர்களின் வருமானமும் குறைந்து வருகிறது.
மேலும், மூலப்பொரு ட்களின் விலை உயர்வு, போதிய சந்தைப்படுத்துதல் வசதியின்மை, நவீன தொழில்நுட்பத்தைப் பயன்படுத்துவதற்கான வாய்ப்புகள் குறைவு மற்றும் விசைத்தறிகளுட னான போட்டி உள்ளிட்ட பல்வேறு காரணங்களால் நெசவாளர்களின் வாழ்வாதாரம் கடுமையாக பாதிக்கப்பட்டுள்ள தாக அவர் சுட்டிக்காட்டினார்.
இதனைத் தொடர்ந்து, புவிசார் குறியீடு சட்டத்தைத் தீவிரமாக அமல்படுத்துதல், QRகுறியீடு மூலம் பட்டுச் சேலைகளின் உண்மைத்தன்மையை உறுதி செய்தல், கட்டாயத் தரக்குறியீடு மற்றும் அடையாளப்படுத்துதல், போலி காஞ்சிபுரம் பட்டுச் சேலைகளின் உற்பத்தி மற்றும் விற்பனையைத் தடுக்க நடவடிக்கை எடுத்தல், நெசவாளர்களுக்கான நிதி மற்றும் நலத்திட்ட உதவிகளை அதிகரித்தல் உள்ளிட்ட நடவடிக்கைகளை ஒன்றிய அரசு மேற்கொள்ள வேண்டும் என திரு. க. செல்வம் வலியுறுத்தினார்.
மேலும், காஞ்சிபுரம் பட்டுச் சேலைகளை உள்நாட்டு மற்றும் சர்வதேச சந்தைகளில் அதிகளவில் பிரபலப்படுத்த வும், தலைமுறைகள் கடந்து வந்த பாரம்பரிய நெசவுத் தொழிலைப் பாதுகாக்கும் வகையில் நெசவாளர்களுக்குத் திறன் மேம்பாட்டுப் பயிற்சிகளை வழங்கவும் ஒன்றிய அரசு உரிய நடவடிக்கை எடுக்க வேண்டும் என அவர் கேட்டுக்கொண்டார்.