புதுடெல்லி, ஆக. 14–
திராவிட முன்னேற்றக் கழக மேலவை உறுப்பினர் எஸ்.ஆர்.சிவலிங்கம், 11 ஆகஸ்ட் 2026 அன்றுமாநிலங்களவையில், மாதவிடாய் ஆரோக்கியம் மற்றும் சுகாதாரம் குறித்த விழிப்புணர்வு திட்டங்களுக்கு தேசிய சுகாதார திட்டங் களுக்கு அளிக்கப்படும் முக்கியத்துவம் ஒன்றிய அரசால் வழங்கப்படுகிறதா? என்றும், சானிட்டரி நாப்கின்ஸ்க்கள் குறைந்த விலையில் பள்ளியில் பயிலும் மாணவி களுக்கு கிடைக்க தேவையான முயற்சிகள் எடுக்கப்பட்டுள்ளதா? என்றும், கல்வி நிறுவனங்களி லும், அரசு அலுவலகங்களிலும் இதுகுறித்த விழிப்புணர்வு இயக்கங்கள் நடைபெறுமா? என்றும் ஒன்றிய அரசின் சுகாதாரம் மற்றும் குடும்ப நலத் துறை இணையமைச்சர் திருமதி அனுபிரியா பட்டேலிடம் விரிவான கேள்வியை எழுப்பினார்.
ஒன்றிய அரசின் சுகாதாரம் மற்றும் குடும்ப நலத்துறை இணையமைச்சர் அளித்த பதில் பின்வருமாறு:-
மாதவிடாய் ஆரோக்கியம் மற்றும் சுகாதாரம் மேலாண்மை ஒன்றிய அரசும், மாநில அரசுகளும் இணைந்து செயல்படுத்த வேண்டிய திட்டமாகும் என்றும், வளர் இளம் பெண்களுக்கான மாதவிடாய் சுகாதாரத் திட்டம் ஒன்றிய அரசின் சுகாதாரத் துறையினரால் செயல்படுத்தப்பட்டு வருகிறது என்றும், குறைந்த விலையில் தரமான சானிட்டரி நாப்கின்ஸ்கள் பள்ளி மாணவி களுக்கு வழங்கப்பட்டு வருகிறது என்றும், பல்வேறுவிழிப்புணர்வு முகாம்களும் நடத்தப்படுகிறது என்றும், மாநிலங்களவையில் இணையமைச்சர் தெரிவித்தார்.
மேலும் பல்வேறு தகவல், தொடர்பு சாதனங்களின் உதவியுடனும்,கணினி செயலிகள் மூலமாகவும், சுகாதாரப் பணியாளர்களின் வழியாகவும் விழிப்புணர்வு முகாம்கள் நடத்தப்பட்டு வருகின்றனஎன்றும், தேசிய சுகாதார திட்டத்தின் கீழ் பல்வேறு மாநில அரசுகளுடன் இதுகுறித்து விழிப்புணர்வு நிகழ்ச்சிகள் குறிப்பிட்ட இடைவெளியில் நடந்து வருகிறது என்றும், ஆய்வுக் கூட்டங்கள் நடைபெறுவதோடு, திட்ட செயலாக்கம், மற்றும் பெருகிவரும் ஆதரவு குறித்தும் அவ்வப்போது மாநில அரசுகளுடன் விவாதித்து ஒன்றிய அரசு தனது செயல் திட்டங்களை வகுத்து
வருகிறது என்றும், பள்ளி
மாணவிகளிடத்தில் இது குறித்து விழிப்புணர்வுமுகாம்கள் நடத்தப்பட்டு வருகின்றன என்று ஒன்றிய அரசின் சுகாதாரம் மற்றும்குடும்ப நலத் துறை இணையமைச்சர் திருமதி அனுபிரியா பட்டேல் அவர்கள் மாநிலங்களவையில் தி.மு.க. மேலவை உறுப்பி னர் எஸ்.ஆர்.சிவலிங்கம் எழுப்பிய கேள்விக்கு விரிவான பதிலை அளித்துள்ளார்.